mánadagur 6. mai 2019síða 16

Mánadagur 6. mai 2019 · Nr. 51 16 Sosialurin Hugskot og viðmerkingar – send sms til 225000 FÓTBÓLTUR Meinhard E. Olsen hitaði upp í ein tíma, men kom ikki inn fyrrenn klokkan gekk til 95. minutt. Bara hálvan annan minutt seinni avgjørdi hann dystin móti Tromsø. – Babba er so stoltur at hann táraði, sigur Meinhard Útisetar: MEINHARD AVGJØRDI UPP Á EIN MINUTT Tróndur Arge Føroysku fótbóltsútisetarnir plaga at skifta um at stjala yvir­ skriftirnar. Hera ferð er stóri spælarin Meinhard Egilsson Olsen. Hann skifti í vetur til Kristian­sund, sum spælir í Elitu­seriuni í Norra. Í gjár kom hann inn í yvirtíðini móti Trom­sø og avgjørdi dystin. Hóast Meinhard hitaði upp í næstan ein tíma, so var tað líka við at hann ikki kom á vøllin. Í fót­bólti snýr tað seg um at taka av møguleikanum. Tað gjørdi Meinhard E. Olsen í gjár. Hitaði upp í ein tíma Kristiansund spældi í gjár á heimavølli móti Tromsø í bestu deildini í Norra. Fyrr í vikuni skoraði Meinhard E. Olsen einsamalla mál­ið, tá Kristiansund í steypa­kapp­ ing­ini vann 1-0 á Herd úr fjórð­ bestu deildini. Í gjár byrjaði før­oyski vongurin á bonkinum, men byrjaði longu at hita upp í fyrra hálvleiki. - Eg hitaði upp í einar 50 minuttir, tí eini vongurin hjá okkum føldi okkurt, men eg kom ikki inn. So skuldi eg inn í 88. minutti, men tá fáa teir reytt kort og ein áleypari hjá okkum verður skaddur. Venjari velur at skifta ein annan inn, og mátti seta meg á bonkin aftur, fortelur Meinhard E. Olsen. Argur um at hann ikki sleppur inn, verður hann aftur biðin um at hita upp, men nú slepp­ur hann inn. -Onkur hevur fortalt mær, at eg komi inn tá 94 minuttir og 26 sekund eru farin. Eg fari beint at skjóta horna, sum vit ikki skora uppá. Vit vinna bóltin aftur aftaná og tá kemur so málið. Eg haldi hatta er eitt gott mál, serliga av viðspælaranum, sum nærmast fer á knæ fyri at leggja bóltin av til mín, sigur føroyski vongurin í Kristian­ sund og leggur afturat: -Eg náddi akkurát at hugsa, at nú var eg komin inn og hevði av­gjørt dystin. Aftaná vónaði eg bara at dómarin bríkslaði av, sigur Meinhard E. Olsen við einum brosi. Hann hevur nú avgjørt tveir dystir fyri Kristiansund upp á eina viku. -Tað eru nógv, sum hava skrivað og hava ynskt mær til lukku. Spælararnir vóru eisini fegnir, men tað verður kanska ein løtan, áðrenn eg ordliga skili tað. Tey eru ikki so nógv, sum høvdu væntað at eg fór at skora – jú, kanska babba. Hann er óiva tann stoltasti av øllum. Hann hevur bæði skrivað og ringt við tráum í eygunum, sigur Meinhard Egilsson Olsen. Ferðingin er ein avbjóðing Føroyski vongurin hevur roynt lívið sum fótbóltsspælari í danska Vendsyssel, men ein nýggj avbjoðing í Norra er langa ferðingin. Landið er stórt og tað skulu nógvir tímar til, fyri at koma vegin fram. Ser­ liga tá SAS streykar og tú skalt spæla á útivølli móti Strøms­ godset. -Vit fóru avstað tíðliga um morgunin, og koyrdu í buss í 10 tímar. Vit máttu eta og venja á vegnum. Tilsamans bleiv tað til 12 tímar, áðrenn vit komu á gistingarhúsið, sigur Meinhard E. Olsen. Hóast hetta er nakað hann skal venja seg við, so følir hann ikki at hann kann grenja. Tað er onnur feløg, sum mugu ferðast enn longri. -Eg hevði í gjár vitjan av Andras Gango, sum er mál­ mans­venjari hjá Tromsø. Teir mugu flúgva og koyra landið upp og niður fyri at koma til dyst­ir, sigur føroyski vongurin í norskum fótbólti. Hann leggur afturat, at feløg­ini í Olso hava stóran fyri­ mun, tá tað kemur til ferðin, tí tað ber til at flúgva til alt landið úr høvðusstaðnum. Spennandi tíð Nú Meinhard E. Olsen er kom­ in seg eftir ein skaða í skinna­ beininum, vónar hann at fáa meiri spælitíð. Venjara­toym­ið í felagnum sigur, at tað er bara ein, ið kann avgera um Mein­ hard skal spæla. -Eg fekk at vita frá byrjan, at tað er bara ein, sum avgerð um eg eri klárur at byrja. Tað eri eg sjávur. Nú havi eg víst hetta, men eg fari ikki upp at flákra. Vit hava fleiri spennandi dystir fyri framman. Eitt nú skulu vit dagin áðrenn tjóðardagin, 16.mai, spæla móti Molde. Tað er stóribeiggi, ið kemur á vitjan og tað svarar til at spæla á ólav­ søku, sigur Meinhard E. Olsen. Kristiansund hevur við sigri­ num fingið 10 stig í sjey teim­ um fyrstu dystunum. Tað er ein framgongd í mun til farna kappingarár. Tað merkist eisini í býnum. -Her búgva áleið líka nógv fólk sum í Tórshavn. Tað flestu flagga fyri Kristiansund og fólk­ini vísa stóran áhuga fyri lið­num, sigur føroyski mál­ skjútt­in í Kristiansund. Nú er spurningurin um Mein­hard E. Olsen fær møgu­ leikan komandi dystirnar, eftir at hava avgjørt teir dystir upp í slag. Eg fekk at vita frá byrj­an, at tað er bara ein, sum av­gerð um eg eri klárur at byrja. Tað eri eg sjávur. Nú havi eg víst hetta, men eg fari ikki upp at flákra. Mein­hard E. Olsen