mánadagur 13. mai 2019síða 4

4 Sosialurin Hugskot og viðmerkingar – send sms til 225000 Mánadagur 13. mai 2019 · Nr. 54 TÍÐINDI Bíleggingar streyma inn til hotell í Havn – sum ikki er bygt enn NÝTT HOTELL Vit eru langt frá at nøkta tørvin á hotellum í Havn, sigur Rógvi Mikkelsen, sum skal standa á odda fyri nýggjum hotelli í Havn, sum skal vera so umhvørvisvinarligt, sum tilber Áki Bertholdsen –  Vit hava longu fingið heilt bíleggingar til næsta ár, so vit kunnu ikki annað enn vera rættiliga væl nøgd. Tað sigur Rógvi Mikkelsen, sum nú er settur sum leiðari á Hotell Brandan, sum samtakið, í frammanundan hevur Hafnia og Norrønu, byggja á Okn­ar­ vegnum uppi við Gundadal í Havn. Rógvi Mikkelsen er 31 ára gamal og hevur fingist við hot­ ell, og annað líknandi virksemi, síð­ani hann fór at arbeiða. Hann hevur prógv frá handils­ háskúlanum í keyp­manna­ havn og hevur verið leiðari á ein­um golf- og ráðstevnudepli í Danmark. Síðani hann flutti til Før­oy­ ar nakað síðani, hevur hann verið leiðari fyri Haps og Essa­ barr, til hann fekk boðið hend­ an møguleikan at standa á odda fyri Hotell Brandan. Nýggja hotellið skal takast í nýtslu í mai næsta ár. Men tá má hotellið eisini vera liðugt, tí Rógvi Mikkelsen sigur, at næsta ár hava tey longu fingið 3500 bíleggingar frá útlendsk­ um ferðafólk, so tey hava einki val uttan at hava hotellið lið­ ugt tá. Hann sigur, at nøkur leiðslu­ fólk eru sett í starv, men tað verð­ur ikki leingi, so fara tey eis­ini at søkja eftir starvsfólki. Hvussu nógvum fólkum, tey fáa brúk fyri, er vónleyst at siga, fyrrenn hotellið er roynt í verki. Tey eru tilvitað um, at tað er arbeiðið til allar hendur, og at tað kann vera ringt at fáa ar­ beiðs­megi. Men tey hava hugsað um at gera Hotell Brand­an til eitt lokkandi ar­ beiðs­pláss, men tey hugsa eis­ ini um at fáa útlendska ar­ beiðs­megi. Tey hava eisini Hotell Hafn­ ina og Norrønu í sama samtaki, so tað gevur eisini møguleika fyri at skifta ímillum, og tað gev­ur teimum eisini møguleika at gera samtakið til eitt fjøl­ broytt lærupláss. Gongur eftir ætlan Men Rógvi Mikkelsen sigur eis­ini, at byggingin gongur eftir ætlan, so hann stúrir ikki fyri, at tað ikki verður klárt at taka i nýtslu í mai næsta ár. Hann sigur, at stórur dentur er lagdur á, at hotellið skal verða so umhvørvisvinarligt, sum gjørlig. Fjarhiti verður lagd­ur í hotellið og annars fara tey at hugsa grønt í øllum lut­ um í sjálvum rakstrinum. – Vit eru í neyvum samstarvi við Horesta, ið er ein altjóða fel­agsskapur, sum flokkar hot­ ell. Tey meta um dygdina á hot­ell­um og geva teimum stjørn­ur har eftir. Men tey meta eisini um, hvussu um­ hvørvis­vinarlig, hotell eru, og Rógvi Mikkelsen sigur, at enda­málið er, at Hotell Brand­ an skal fáa umhvørvis­góð­ kenn­ing frá teimum. –  Enn hevur einki hotell í Føroyum umhvørvis­góð­kenn­ ing frá Horesta, men tað skal Brand­an hava, tí tað skal verða ein partur av okkara samleika. Her verður bæði hugsað um at brúka endurnýtslutilfar, um­framt at sápur og alt annað er umhvørvisgóðkent. – Tað er ikki bara tí at tað er gott fyri samvitskuna, men vit halda eisini, at hetta er nakað, okkara gestir fara at virðis­ meta, samstundis sum at vit vilja fegin gera okkara íkast á hesum øki. Og tí verður hot­ ellið, bæði bygt og rikið, eftir nýggj­astu umhvørvis­krøv­un­ um hjá Horelsta, sigur Rógvi Mikkelsen. Annars verður talan um eitt nýmótans hotell, har føroysk­ ur byggisiður kortini sæst aft­ ur við grótlaðingum og flag­ taki. Men annars verður talan um eitt hotell við fýra stjørn­ um og sostatt er tað á sama stigi su Hotell Hafnia og Hotell Føroyar, Hotell Brandan hevur 124 dupultkømur, men endamálið er eisini at hava góðar um­støð­ ur til ráðstevnur, serliga tí at hotellið liggur beint við stóra ítróttarøkið í Gundadali. Tískil verðir tað eisini ser­ liga innrættað til at lúka krøv­ ini, sum fótbóltslið, og onnur ítróttarfólk, seta til massasj­u­ rúm og aðrar hentleikar. Ikki mettaður enn Umframt Hotell Brandan, bygg­ir Atlantsflog eisini hotell, Hotell Føroyar byggir út, og aðrar ætlanir eru eisini, Men Rógvi Mikkelsn heldur ikki, at vit eru ikki nær í ná­ mind av at hava ov nógv hotell­pláss í Havn. Hann sigur, at hotell hava tann fyrimunin, at tað ber til at laga virksemið eftir ferða­ fólka­streyminum, men vøkst­ ur­in í ferðafólkatalinum er stór­ur, og tað er alt, sum bend­ ur á, at vøksturin heldur á, í hvussu so er nakað afturat. Rógvi Mikkelsen er settur sum leiðari fyri Hotell Brandan, sum verður bygt í Havn í hesum døgum. Hotellið skal vera nýmótans og tað skal vera grønt, sigur hann Tað er ikki bara tí at tað er gott fyri samvitskuna