mánadagur 13. mai 2019síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 13. mai 2019 · Nr. 54 TÍÐINDI Um 10 ár hava suðuroyingar fingið undirsjóvartunnil – Tað lova for­ menn­inir í næstan øllum flokkum á Løgtingi. Men ein floksformaður spyr um vit einki hava lært Áki Bertholdsen Í seinasta lagi í 2030 skal Suð­ uroyggin verða knýtt upp í meginøkið við einum undir­ sjóvartunli. Tað lyftið fingu suður­oy­ ingar á fólkafundi í Salt leyg­ ardagin. Á fólkafundinum vórðu floks­formenninir spurdir um, nær teir, eftir bestu sann­før­ ing, mettu, at tað fer at verða koyrandi ímillum meginøkið í Suðuroyar. Og tað vóru formenninir í øllum flokkum á tingi -uttan einum- sum lovaðu suð­uroy­ ing­um, at nú skal farast undir at gera undirsjóvartunnil til Suð­uroyar, og teir lovaðu enntá, at tað skal vera koyr­ andi ígjøgnum hann um eini tíggju ár. Onkur metti at koyrandi skal vera í 2028-2029, men aðrir søgdu at tað skuldi vera í sein­ asta lagi í 2030. – Tað skal verða koyrandi til Suðuroyar í seinasta lagi í 2030, segði Jørgen Niclasen, for­maður Fólkafloksins, og hann heldur, at tað er ein upp­ gáva, allir føroyingar skulu vera við til at loysa. Bárður á Steig Nielsen, for­ mað­ur Sambandsfloksins, helt enntá, at Løgtingið væl kann binda seg til at tað skal vera koyrandi til Suðuroyar í 2030. Formaðurin í Javnaðar­ flokk­inum, Aksel V. Jo­hann­e­ sen sum eisini er løgmaður, segði, at Løgtingið eigur at semj­ast um at brúka næsta val­skeið upp á fyrireika tunn­ il­in, og at finna fíggingina, tí tað verður tann stóra av­bjóð­ ing­in. Sandoyartunnilin er lið­ ug­ur í síðst 2023, og tá skal vera klárt at halda fram til Suð­uroyar, soleiðis, at tað verð­ur koyrandi í 2028-2029, heldur løgmaður. Eisini Jógvan Skorheim, for­ maður í Sjálvstýri, trýr uppá, at vit eiga at klára at hava gjørt Suðuroyartunnilin áðr­ enn 2030. Hann sigur, at kemur Sjálv­stýri í samgongu eftir valið, fer hann at leggja dent á, at undirsjóvartunnilin til til Suð­uroyar skal standa í sam­ gongu­skjalinum. Høgni Hoydal, formaður í Tjóðveldi, helt, at tað er ikki at taka munnin ov fullan at siga, at tað skal vera koyrandi til Suð­uroyar áðrenn 2030. Eisini Jenis av Rana, for­ mað­ur í Miðflokkinum, sigur, at er tað eitt veruligt ynski í Løg­tinginum at bjarga Suð­ur­ oynni, kann Suðuroyartunnilin verða veruleiki um 10-12 ár. Vil ikki seta árstal á Poul Michelsen formaður í Fram­sókn er einasti ting­mað­ ur, sum hevur eitt ávíst fyri­ varni. Hann spurdi hinar floks­ for­menninar um teir einki hava lært. Hann sigur, at samfelagið er farið at kalla tvær ferðir á heysin, bara í hansara tíð í pol­ it­ikki og hann skilir ikki, hvussu politikarar kunnu lova suð­uroyingum ein tunnil fyri fleiri milliardir, uttan at hava gjørt sær nakrar metingar av, um tað er búskaparliga for­ svarligt. Tí vil hann ikki seta nakað árstal á, men hinvegin lovaði kort­ini suðuroyingum, at Suð­ ur­oyartunnilin skal gerast í somu løtu, tað er forsvarligt. Hann vísir á, at tekniskt er tað eingin trupulleiki, men tað verða fíggingarmøguleikarnir, sum gera av, hvussu skjótt tunn­ilin kann gerast, og hann heldur, at í hesum sambandi fer tað at fáa týdning, hvussu úrslitið verður, nú Eyst­ur­oyar­ tunn­ilin, og Sandoyartunnilin, eru tiknir í nýtslu. Hinvegin heldur Arnfinn á Birtuni, sum er valevni fyri Fram­takið, at tunnilin er ikki altavgerandi fyri Suðuroynna. Hann tekur ikki undir við eini gongd, har tað einasta, ið um­ ræður, er ein støðugur vøkstur. Sjálvur er hann vágamaður, men býr í Vági, og hann heldur, at Vágar mistu eitt sindur av sjarmuni, tá ið undir­sjóvar­ tunn­ilin kom. Sleppa ikki undan Men tað eru ikki bara for­ menn­inir í teimum ymsu flokk­unum, sum lova suður­oy­ ing­um undirsjóvartunnil, tí tað gjørdu aðrir løgtingsmenn eisini. Jacob Vestergaard, ting­ mað­ur fyri Fólkaflokkin, sigur, at tað slepst ikki undan at gera undirsjóvartunnil til Suðuroyar, tí tað er bara fast samband við miðstaðin, sum kann venda gongdini í Suð­ur­ oy. Erhard Joensen í Vági, sum er valevni fyri Sambands­ flokk­in á løgtingsvalinum er samd­ur í, at ferðasambandi er tað týdningarmesta av øllum fyri ungfólk, tá ið tey taka støðu til, hvar tey ætla at seta búgv. – Vit skulu hava undir­sjóv­ ar­tunnil og Smyril, sum nú er, skal vera tann síðsti, sigur hann. Henrik Old, tingmaður fyri Javnaðarflokkin, sigur, at tá ið han var landsstýrismaður í sam­ferðslumálum, gjørdi hann av at seta ein suðuroying í nevndina fyri Eyst­uroyartunnilin og Sand­ oy­artunnilin, so at hann kundi kunna seg um fígging­ar­møgu­ leik­ar, og um annað í hesum sam­bandi. Tað er Gudmund Mort­en­ sen, á Tvøroyri, sum er valdur í nevndina í felagnum, sum stend­ur fyri arbeiðnum at gera Eysturoyartunnilin og Sand­oyartunnilin. Ruth Vang, tingkvinna fyri Framsókn sigur, at vit skulu avgjørt hava undirsjóvartunnil til Suðuroyar. Hon heldur, at tann heilt stóra avbjóðingin verður fíggingin og tað er ein spurningur, sum vit hava onga loysn upp á tað í løtuni, men vit skulu avgjørt arbeiða fram ímóti. Sirið Stenberg, landsstýris­ kvinna fyri Tjóðveldi, sigur, at nú løgtingsval verður seinni í summar, verður tað eitt val­ lyfti hjá Tjóðveldi, at Suð­ur­oy­ ar­tunnilin skal setast á skrá. Helgi Abrahamsen, sum er varamaður á tingi fyri Sam­ bands­flokkin, staðfestir, at tað er eingin ivi um at Suður­oy­ar­ tunnilin kemur, men eisini hann vísir á, at tað verður fígg­ ing­in, sum verður tann stóra av­bjóðingin. –  Tað er ein dýr ætlan, so mugu semjast um eina sam­ ferðslu­ætlan, har tað verður ásett, hvussu hann skal fíggj­ ast, sigur Helgi Abrahamsen. Formenninir fyri flokkarnar á Løgtingi mestsum kappast um at bjóða suðuroyingum tunnil. Frá vinstru eru teir Jørgen Niclasen úr Fólkaflokkinum, Bárður á Steig Nielsen úr Sambandsflokkinum, Aksel V. Johannesen úr Javnaðarflokkinum, Jógvan Skorheim úr Sjálvstýri, Høgni Hoydal úr Tjóðveldi, Poul Michelsen úr Framsókn, Jenis av Rana úr Miðflokkinum og Arnfinn á Birtuni úr Framtakinum.