leygardagur 4. desember 2004síða 6

6 Nr. 233 - 4. desember 2004 Í gjár kom blaðið »Vinnuvitan« fyri fyrstu ferð á gøtuna. Blaðið, sum fyrst og fremst fæst við vinnutíðindi, skal koma út aðruhvørja viku, og blaðið ætlar sær bæði at kveikja og kanna BLAÐ Eyðun Klakstein eydun@sosialurin.fo Maður kemur í mans stað, verður sagt, og kanska er tað eisini galdandi fyri bløðini. Fregnir góvust við sínari útgávu fyrr í ár, og nú bjóð- ar eitt nýtt blað seg fram at fylla tómrúmið. Blaðið er eitt vinnublað fyrst og fremst, og tað hoyrist aftur í navninum á blaðnum – »Vinnuvitan«. Blaðið skal koma út aðruhvørja viku at byrja við, og tað fer at kosta 20 krónur í leysasølu. Blaðið var fyrstu ferð prentað í 3000 eintøkum, og ætlanin er, at blaðið við tíðini skal koma út hvørja viku. Óli á Deild Olsen, sum er stjóri fyri kt-fyritøkuna Kervi, er blaðstjóri á nýggja blaðnum, og hann er eisini ein stigtakari til út- gávuna. – Hetta hugskotið er trý ára gamalt, og nú er tað veruleiki. Vit hava hildið, at føroyskt vinnulív hevur manglað eitt forum. Eg veit, at aðrir miðlar gera eitt sindur við vinnutilfar, men nú fær vinnan eitt blað burturav, sigur Óli á Deild Olsen. Roynd blaðfólk Eingi blaðfólk verða í føst- um starvi á »Vinnuvitan«, men fleiri freelance- journalistar skulu skriva til blaðið. Hetta verður mett sum besta loysnin fyri blað- ið. Millum teir eru fleiri royndir journalistar, og eis- ini journalistar, sum áður skrivaðu fyri Fregnir. Sveinur Tróndarsson, Høgni Mohr, Hilmar Jan Hansen, Malan Johansen og Niels Juel Arge eru mill- um fólkini, sum skulu fylla teigarnar í nýggja vinnu- blaðnum. Samanlagt verða eini 10 fólk knýtt at blaðn- um. Tað verður ReproZ, sum skal seta blaðið út og leggja uppsetingina til rættis, og blaðið verður sum hini før- oysku bløðini prentað á Prentmiðstøðini í Havn. Bakgrund heldur enn tíðindi »Vinnuvitan« ætlar sær at leggja dent á bakgrundstil- far heldur enn tíðindatilfar. Tað ræður um at fara meira í dýpdina við vinnutilfarin- um, heldur enn bara at bera skjót og stutt tíðindi. – Vit hava ongar ætlanir, at vera fyrst við tí síðsta, men vit fara heldur eitt sindur í dýbdina við okkara tilfarið. Bakgrund hevur týdningarmikil fyri okkara blað, sigur Óli á Deild Olsen. Hann heldur, at nýggja blaðið verður eitt alternativ til verandi bløðini í Føroy- um. Tey ætla sær ikki at kappast um vanliga tíðinda- tilfarið, men heldur um at leggja nakað afturat. – Øll londini rundan um okkum hava eitt vinnublað burturav, og tað hava føroy- ingar eisini brúk fyri. Vit fara at fáa ein virðisbræva- marknað í Føroyum, og tá verður eisini neyðugt við størri gjøgnumskygni, so fólk vita meira um fyritøk- urnar. Kveikja og kanna »Vinnuvitan« ætlar at sær at kveikja og kanna, sum tað verður tikið til á blaðn- um. Vit hesum hugsar blaðið sær, at tað fer at máta hitan í ymsum vinnun, greiða frá ráki, og eisini tora at leggja upp til, at nýggj átøk verða gjørd. – Føroyingar hava eitt ov einstáttað vinnulív, og vit hava brúk fyri fleiri beinum at standa á. Tað tykist, sum vit bara góðtaka, at tá ið fiskaprísirnir eru góðir, so hava vit tað gott, og tá ið fiskaprísirnir eru lágir, so hava vit tað minni gott. So- leiðis nýtist tað ikki at vera, men vit mugu fáa nýggjar vinnur fyri at mótviga teim- um stóru sveiggjunum í fiskivinnuni, heldur Óli á Deild Olsen. »Vinnutíðindi« vónar tí, at blaðið – umframt at greiða frá verandi vinnum – eisini kann skunda undir nýggjar vinnur. – Fiskivinnnan fyllir nógv í føroyskari vinnu, og sjálvandi fer blaðið eisini at viðgera fiskivinnuna, men vit ætla eisini at viðgera aðrar vinnur í blaðnum. Fyrsta »Vinnuvitan« fæst nú til keyps kring landið og verður aftur á gøtuni síðst í aðru viku. Føroyski tónleikarin í Danmark, Terji Messell, hevur nú givið nýggja fløgu út á internetinum. Hann heldur, at sangir eru sum børn, og allir sangir hava rætt til lív TÓNLEIKUR Eyðun Klakstein eydun@sosialurin.fo Hann kallar nýggju útgáv- una hjá sær fyri eina virtu- ella útgávu, og hon fæst bara umvegis heimasíðuna hjá honum. Føroyski Terji Messell, sum nógvu seinnu árini hevur búð í Danmark, gongur sínar egnu leiðir við tónleikinum hjá sær. Hann hevur ongantíð verið bang- in fyri at royna nakað nýtt, og nú hann er til reiðar við einari nýggjari útgávu, brúkar hann internetið til at fáa tónleikin út. Hetta gera hann við at selja tónleikin hjá sær um- vegis heimasíðuna hjá sær. Tað ber til at gjalda fyri tónleikin har, og síðani taka sangirnar niður á telduna ella mp3-spælaran. Útgávan kallast »Songs by Messel Vol. 1«, og á henni eru 9 mp3-sangir. Sangir hava rætt til lív Terji Messell var føddur í Havn, men hann hevur búð í Danmark í nógv ár. Hann spælir tónleik og undirvísir eisini í tónleiki. Hann skrivar sínar egnu sangir, spælir teir live og gevur tónleikin út. – Eg skifti ofta hugsan, men tað havi eg rætt til. So tú veitst ongantíð, hvat eg kann finna uppá at gera av tónleiki, um tað er poppur, rockur, jungle, jazz ella klassiskur tónleikur, sigur Messell á heimasíðu sínari. – Ein sangur er fyrst og fremst eitt úttrykk, og sum eitt barn hava allir sangir rætt til lív, eisini um teir eru vanskaptir ella brekaðir. Eg eri pápi at 200 sangum, summir eru blivnir vaksnir og eru farnir heimanífrá, aðrir eru bara nýføðingar og hava brúk fyri nógum kærleika og umsorgan, og summir eru lætnir til upp- aling, sigur Messell, sum er búsitandi í býnum Nibe. Tað ber til at keypa nýggju útgávuna hjá Messell á heimasíðuni w w w . songsbymessell.com. BÓKAÚTGÁVA Jákup Mørk Mentunargrunnur Stu- dentafelagsins hevur givið út nýtt yrkingar- savn við yrkingum eftir Tóroddi Poulsen. Savnið ber heitið, Eygnamørk, og verða lív og deyði í hesum lýst hvørt um annað á speiskligan hátt verður sagt í tíðindaskrivi. Hartil er nýggi skapningurin ein høv- uðstráður í yrkingar- savninum. Sagt verður frá, nýføðinginum, tá hesin liggur í vøgguni, og síðani verða broyting- arnar í lívinum lýstar, so hvørt sum hesar troka seg framat. Talan er í nógvum førum um sterk- ar kenslur, sum verða lýstar, og í tíðindaskriv- inum verður eisini víst til rámandi orðini frá Leo- nard Cohen »Tú veitst ikki, hvat ótti er, fyrr enn tú ert blivin pápi«. Umframt hetta spei- semi eru trý ørini úr Jobsbók sett fremst, og geva hesi líkasum savn- inum ein ávísan karm og eitt ávíst álvarsemi. Bókin er løgd til rættis og prentað hjá Føroay- prent. Tórodd Poulsen hevur sjálvur gjørt perm- una. Vinnan fær sítt egna blað Vinnulívið fær nú eitt nýtt forum í føroyska fjølmiðlaheiminum. Nýggja blaðið »Vinnuvitan« fer at seta sjóneykuna á føroyskt vinnulív, og blaðið ætlar sær bæði at kanna og greiða frá verandi vinnum og at skunda undir nýggjar vinnur Allir sangir hava rætt til lív Eygnamørk