mikudagur 15. mai 2019síða 8

FRÍGGJADAGUR 17. MAI 2019 SOSIALURIN 56 8 vera við í einum petti av sesong seks, bleiv hon púrasta tikin á bóli. Tað hevði hon ikki væntað, sigur hann smáflennandi. Flogin til Írlands at royna styvlar Jóhannes Haukur minnist aftur á mannagongdirnar í sambandi við upptøkurnar, sum vóru nokkso serstakar og margháttligar. Hann varð flogin beinleiðis úr Íslandi til Írlands, har upptøkurnar vórðu gjørdar, og har legði hann beinan vegin merki til, hvussu stórfingið alt Game of Thrones virksemið var. - Fyrst flugu tey meg til Írlands fyri at royna klæðini, og eina viku seinni flugu tey meg enn einaferð fyri at royna eitt par av styvlum. Tey komu eftir mær á flogvøllinum, fingu meg at royna styvlarnar, og so sendu tey meg heim aftur. Tað føldist nokkso ørt, eg meini so við… flennir hann. Eitt sindur seinni var aftur boð eftir Jóhannes í sambandi við at hann í sínum leikluti sum Lem Lemon­cloak skuldi ríða á einum hesti. - At ríða er ikki eitt stórt stunt ella nakað serligt. Tað snýr seg jú bara um at sita á einum hesti. Men allíkavæl sendu tey meg heilt til Belfast í Norður Írlandi á eitt skeið í tríggjar dagar, har eg fekk undirvísing í ríðing. Jóhannes greiðir hugtikin víðari frá stórlátaðu mannagongdunum og fínu sømdunum, hann og hini í stóra toyminum høvdu. - Tey gjørdu øll hesi oyðslutu tingini, og tá vit filmaðu, høvdu tey stórar lastbilar við stórum mat­buffétum, sum í mínum eyg­ um í øllum førum sá rættiliga dýrt og stórtsligið út. Um leiklutin: Lem bleiv dripin Lem Lemoncloak, sum verður spæld­ur av Jóhannes Haukur, er limur av felagsskapinum Broth­ er­hood Without Banners. Mið­ skeiðis í sesong 6 kemur Lem Lem­on­cloak á hestabaki saman við tveimum øðrum fram á eina bygda­legu í Riverlands, har eitt nú Broth­er Ray og bersøgni Sandor Cleg­ane (the Hound) halda til. Tá tekur Lem Lemoncloak, sum førir ann, orðið og spyr við einum lúmskum eygnabrái, um tey hava nakrar hestar og nakran mat. Áðr­ enn lítla harkaliðið sleppur sær til rýmingar, sigur Lem: - Stay safe. The night is dark and full of terrors. Seinni vísir tað seg, at Broth­ er­hood Without Banners hava dripið alla leguna, tó uttan at fáa fat­ur á Sandor Clegane, sum hevur ein týðandi leiklut gjøgnum alla sendirøðina. Avgjørdur tekur Sandor Cleg­ ane øks í hond fyri at leita eftir Lem Lemoncloak. Hann finnur so Lord Beric Dondarrion og Thoros, sum saman við øðrum longu eru til reiðar at heingja Lem og fylgi hansara. Men Sandor Clegane held­ur fast við, at hann vil sleppa at taka teir av døgum sjálvur. Hann sleppur ikki at drepa teir við øks, sum hann gjarna vil, men fær loyvi til at drepa tveir teirra - harímillum Lem Lemoncloak, sum biður fyri lívinum og sigur “góði ikki! eg vil geva tær alt!”, beint áðr­ enn Sandor Clegane sparkar bjálk­ an undan honum, so hann kvalist í reipinum. Síðani tekur Sandor Clegane styvlarnar hjá Lem og let­ur seg í teir. Tað snýr seg um nakrar fáar min­uttir tilsamans, at vit síggja Jó­hannes Haukur á skerminum í hesum tveimum pørtunum í ses­ ong seks (partur 7 og 8). Annars hev­ur Lem Lemoncloak ein væl størri leiklut í bókunum enn í sendi­røðini. The Hound bjóðaði Guinness Tað er Rory McCann, sum spælir stóra leiklutin sum Sandor Cleg­ ane (The Hound). Hóast teir vóru alt annað enn vinmenn í sendi­røð­ ini, so funnu teir sera væl út av tí í veru­leikanum. Haukur gloymir ikki, tá teir hittust. - Vit fullu í prát aftaná venj­ ing­ina fyrsta dagin. Tá kom tað fram, at eg ongantíð hevði roynt írsku Guinness ølina áður. Hetta var burturvið helt hann, og tí tók hann meg við á eina fína lokala pubb og keypti mær mína fyrstu Guin­ness, sum var ógvuliga góð. Í roynd og veru var hetta tann besta Guinness ølin, eg nakrantíð havi smakkað, og eg havi síðani funnið út­av, at Guinness smakkar ikki líka væl uttan fyri Írland. Vit sótu har alt kvøldið og tosaðu við tey lokalu, og hetta var eitt fantastiskt kvøld. Heimsins sterkasti maður, Haf­ þór Júlíus Björnsson, er ein annar íslendingur, sum er við í Game of Thrones. Hann hevur ein munandi størri leiklut enn Jóhannes Hauk­ ur og hevur ofta verið at sæð á skíggj­anum sum sterki og stóri Greg­or 'The Mountain' Clegane. Íslend­ingarnir báðir kendust ikki framm­anundan, men eftir sum teir báðir vóru íslendingar, slóðu teir seg saman og hittust á einari indiskari matstovu í Belfast. Nógvar verkætlanir Jóhannes Haukur hevur annars nógv jørn í eldinum hesar dag­ar. Umframt uppgávuna til sendi­ røð­ina, sum nú verður tikin upp í Prag, koma tveir filmar út heilt skjótt, har hann spælir við. - Ein filmur eitur “Where Did You Go, Bernadette” við Cate Blan­chett í høvuðsleiklutinum, og har spæli eg ein skipari. Ein ann­ar eitur “The Good Liar” við Ian McKellen og Helen Mirren í høv­uðs­leiklutunum, og í hesum filmin­um spæli eg ein russiskur mað­ur. Eg spæli eisini ein russari í filminum Bloodshoot við Vin Diesel, sum kemur út komandi ár, sigur hann og leggur aftrat: - Altso… eg spæli ikki altíð russ­ ari! Men filmsfólkunum dámar eft­ir øllum at døma væl at geva mær leiklutir sum russari, eg veit ikki hví, flennir hann. Her kann nevn­ast, at í bretsku Netflix-røð­ ini, “The Last Kingdom”, sum før­ oyska Eivør Pálsdóttir hevur gjørt tónleik til, spældi Jóhannes Hauk­ ur ein dani. Fer til Føroya í summar Jóhannes Haukur hevur ikki verið í Føroyum í nógv ár, men tað verður bøtt um í summar. Hann hevur nevniliga bókað sær og familjuni billettir til Føroya við Norrønu í juli. Saman við konu síni eigur hann trý børn, og tey fara at koyra runt oyggjarnar við við­festisvogni í tvær vikur. Hann gleðir seg nakað so nógv at koma aftur - men hann gleðir seg mest at vísa børnum og konu síni Føroyar, sum eru ein so stórur part­ur av honum og teimum. - Eg haldi, tað er gott fyri børn­ ini at ferðast, so tey koma at kenna heimin. Tí plagi eg eisini at taka familjuna við uttanlands, tá eg skal arbeiða. Men tað verður nakað heilt annað at koma til Før­ oya við teimum. Sjálvur havi eg ong­antíð upplivað ólavsøku sum vaks­in, so tað verður áhugavert at royna tað aftur og síggja, hvussu tað er. Kanska vit kunnu síggja grinda­dráp eisini, tað hevði verið stutt­ligt, sigur Jóhannes Haukur, sum hevur upplivað grindadráp í Før­oyum, tá hann var barn. - Eg gloymi tað ongantíð. Tað er altíð áhugavert og gott fyri børn at síggja, hvar maturin, vit eta, kemur frá. Eg veit sjálvandi væl, at grindadráp í Føroyum og Íslandi er burðardygt í mun til, hvat ávísir felagsskapir vilja hava heimin at vita, sigur hann. Føroyskt tryggjaði ensku úttaluna At Jóhannes Haukur lærdi før­ oyskt sum barn er komið honum til góðar á yrkisleiðini. - Tað hjálpti mær við mínum enska tónalagi. Í føroyskum hev­ur mann ljóð, sum minna um enskt, sum mann ikki hevur í ís­lendsk­ um, sigur hann og tekur “ch”-ljóðið í orð­inum “sjálvandi” sum dømi. - Vanliga íslendska tónalagið á enskum er ofta eitt sindur grovari enn mítt, sum minnir meira um tað bretska. Føroyska ljóðið hevur veru­liga hjálpt mær við hesum, sig­ur Jóhannes Haukur. Føroyska málið hevur gjørt mun fyri hann sum sjónleikara, men uttan hart arbeiði og vilja hevði hann ikki komið har til, hann er í dag. - Lykilin til súksess er at á­sanna, at har er ikki bara ein lykil til súksess. Har eru nógvir yms­ir lyklar, og hvør einasti lykil er serstakur. Hvør einasta ferð er sín egin, og tað er ikki ein máti at gera tingini uppá, sigur Jóhannes Haukur Jóhannesson. Síðsta og áttanda sesong av Game of Thrones fór av bakkastokki 14. apríl. Hvørja viku síðan tá er ein nýggjur partur komin út. 20. mai kemur síðsti partur út í áttandu og síðstu sesong av Game of Thrones Bara ein partur eftir PERSÓNSØGA Framhald frá síðu 7