mánadagur 20. mai 2019síða 16

Mánadagur 20. mai 2019 · Nr. 57 16 Sosialurin Hugskot og viðmerkingar – send sms til 225000 Tróndur Arge Tað gekk akkurát hjá Halli Hansson og liðfeløgunum í AC Horsens í seinna dystinum móti Vendsyssel FF, har tap­ arin skal spæla beinleiðis niður­flytingardystir, og vinn­ arin hevur bjargað sær sessin í bestu donsku fótbóltsdeildini, super­liguni. Dysturin endaði við javnleiki 1-1, og tað var nóg mikið hjá Halli Hansson og liðfeløgunum í AC Horsens. AC Horsens vann fyrra dystin 1-0 í Hjørring, og eru teir í AC Horsens sostatt samlaðir vinnarar í uppgerðini. Michael Lumb legði AC Horsens á odda 1-0 tá 35 minutt­ir vóru farnir av dysti­ num. Tá sjey minuttir vóru eftir av vanligu leiktíðini javn­aði Søren Henriksen fyri Vends­yssel, og tá tevjaðu teir í Vendsyssel blóð, men tíbetur reið heimaliðið stormin av, og AC Horsens hava bjargað sessinum í superliguni. Verri gekst hjá Vejle, ið uttan Viljorm Davidsen tapti 0-2 móti Hobro á heimavølli, og harvið samanlagt 1-2. Vejle skal nú spæla tveir dystir móti nummar tvey ella trý í næst­ bestu deildini um rættin at spæla í superliguni komandi kapp­ingarár. Heini og Fremad Amager taptu oddadyst Heini Vatnsdal og liðfelagarnir í Fremad Amager kunnu enn røk­ka triðja plássinum, ið gevur rætt til uppflytingardystir. Heini Vatnsdal kom á vøllin fyri Frem­ad Amager tá ein hálvur tími var farin av oddadystinum millum Frema Amager og Silke­borg í næstbestu donsku fótbólts­deildini. Tá var støðan javn­leikur 2-2 á leikvøllinum í Sundby. Løtu seinni kom Fremad Amager á odda 3-2, men Silkeborg svaraði aftur tvær ferðir og vann at enda 4-3. Komandi sunnudag spælir Fremad Amager á útivølli móti Viborg. Megnar Fremad Amager at halda seg á triðja plássi­num sleppa teir at spæla upp- og niðurflytingardystir. Meinhard byrjaði inni Fyri fyrstu ferð er Meinhard E. Olsen byrjaður inni fyri Kristiansund í Elitudeildini í Norra. Hann spældi fyrstu 69 minuttirnar, tá Kristiansund í gjár spældi málleysan javn­leik móti FK Haugesund. Heima­ liðið hevði bóltin nakað meir og hevði fleiri málmøguleikar, men samanlagt rakti Kristian­ sund málið oftari enn FK Hauge­sund. Gilli Rólantsson kom á vøllin í seinna hálvleiki, tá Brann Bergen vann 2-1 á útivølli móti Bodø/Glimt. Øll málini komu í fyrra hálvleiki, meðan føroyski lands­liðsspælarin kom á vøllin eftir ein lítlan tíma. Bæði Brann og Kristiansund hava 17 stig á ávikavist fimta og sætta plássi. Í næstbestu deildini vunnu Odmar Færø og HamKam 2-0 á Kongsvinger, sum á sinni hevði Julian Johnsson á lið­ num. Odmar Færø spældi allan dystin í miðverjuni, har hann eisini fekk eitt gult kort. HamKam liggur á níggjunda plássi av 16 liðnum í OBOS- deildini. 83 minuttir til Jóan Símun Í næstbestu deildini í Týsk­ landi heldur góða gongdin hjá Arminia Bielefeld fram. Hesa ferð spældi Jóan Símun Ed­mundsson 83 minuttir í 1-0 sigrinum á Holstein Kiel. Við sigrinum hevur Arminia Bielefeld hálað seg upp á sjeynda plássið í 2. Bundes­ liguni. trondur@sosialurin.fo FÓTBÓLTUR Avgerandi dystirnir í endaspælinum í Superliguni eru í hesum døgum. Tað stóð nógv á hjá Halli Hansson og AC Horsens Útisetar: HALLUR YVIRLIVUR – VILJORMUR AFTUR Í NÆSTBESTU DEILDINA