týsdagur 21. mai 2019síða 16

Mikudagur 22. mai 2019 · Nr. 58 16 Sosialurin Hugskot og viðmerkingar – send sms til 225000 FÓTBÓLTUR Upptakt: Tróndur Arge Hetta er steypafótbóltur tá hann er bestur. Ein dystur og bara ein vinnari. Alt stendur upp á spæl og dystirnir liggja dag um dag. Í aðrari hálv­ finaluni eru tvey tey mest vinn­andi liðini í landinum, sum hava spælt nakar av teim­ um hendingaríku dystum, ser­ liga tá hugsað verður um um­ støðurnar, har áskoðararnir gera nógv burturúr. Í hinari hálv­finaluni hava vit eina upp­gerð millum steyparisan í hesi øldini, ið er fallin eftir tvey meistaraheiti, og Skála, ið ynskir at blanda seg upp í søgu­skrivingina í føroyskum fót­bólti. Líka mikið hvussu tað spæl­ ir av, so verður tað ein spenn­ andi upptakt og óiva tvær spenn­andi uppgerðir. KÍ og HB spæla mikukvøldið í Klaksvík, meðan Víkingur tekur móti Skála hóskvøldið. Báðar tær fyrru hálvfinalurnar endaðu við javnleiki 1-1. KÍ-HB (Beinleiðis á FM1) MIKUDAGIN KLOKKAN 18 DÓMARI: PETUR REINERT Fyrra hálvfinalan millum hesi bæði endaði við javnleiki 1-1. Simen Sandmæl legði KÍ á odda í fyrra hálvleiki, tá hann rann frá verjuni hjá HB og dribblaði málverjan av og skoraði. Í seinna hálvleiki javnaði Ari Mohr Olsen, tá hann beindi skotið hjá Brynjari Hlöð­vers­ syni í málið. Tað var rímilig semja um, at KÍ hevði størri mál­møgu­leik­ arnar í fyrra hálvleiki, meðan HB hevði trýstið í seinna hálv­ leiki. Sunnudagin møttust liðini aftur í Gundadali í lands­ kapp­ingini. Hesa ferð vann HB greiðan 4-1 sigur. KÍ var uttan Simen Sandmæl, ið helst hevur verið ársins spælari higartil, og tað merktist á spælinum. Hin­ vegin hevur HB fingið Trónd Jensen aftur á miðvøllin. Av­rikini hjá honum á miðjuni hava verið sannførandi. Hesa ferð saman við Dan í Soylu, sum bleiv valdur til dagsins spælara av ÍtróttarSosialinum. Til seinnu hálvfinaluna hevur KÍ Simen Sandmæl tøkan aftur. Hetta kemur óiva at broyta spælið hjá KÍ nakað. HB var sunnudagin uttan Brynjar Hlöðversson, meðan Bartal Wardum byrjaði á bonki­ num. Fyrrnevndi er meir enn ivasamur, meðan Bartal Ward­ um er tøkur at byrja, um brúk er fyri tí. Einki avgjørt Tað er einki avgjørt undan sein­nu hálvfinaluni, men KÍ hevur munin á máltalvuni við útivallar málinum. Tað merkir, at HB skal skora í Klaksvík. -Vit eru ongantíð nøgdir, tá vit ikki vinna í Gundadali. Nú skulu vit til Klaksvíkar at skora móti besta liðnum í landinum í løtuni. Eg haldi tað er púra opið hvør kemur víðari. Vit leita í løtuni eftir stabilitetinum í spæli­num hjá okkum, segði Heim­ir Guðjónsson eftir fyrru hálv­finaluna. -Eg haldi ikki at møguleikin er verri, enn hann var áðrenn hendan dystin. Hetta er eitt rími­ligt úrsligt. Vit eru sterkir í verju­partinum, so HB fær sína søk fyri við at leypa á. Vit eru eisini sterkir upp á um­still­ ing­ar, so eg haldi at vit hava spælt ein dyst, har úrslitið er ókey fyri okkum, segði Mikkjal Thomassen, venjari hjá KÍ, eftir fyrru hálvfinaluna. Hann ásannaði eisini eftir dystin sunnudagin, at Simen Sand­mæl er ein týdningarmikil spælari, sum hann er glaður fyri at hava við aftur til seinnu hálv­ finaluna. HB var greitt omaná sunnu­dagin og okkurt bendir á, at pílarnir peika rættan veg hjá teimum reyðu og svørtu í Gundadali. Avbjóðingin er, at HB skal skjóta mál. Um ikki, so stendur KÍ í steypafinaluni. SOSIALURIN TIPPAR: 1-2 *HB VINNUR EFTIR LONGDA LEIKTÍÐ Víkingur-Skála (Beinleiðis á FM1) HÓSDAGIN KLOKKAN 18 DÓMARI: LARS MULLER Fyrra hálvfinalan endaði við javnleiki 1-1. Hetta kom ikki so óvart á, tí tað er lítil mun­ur á hesum báðum lið­un­um, og talan var um fyrru hálv­finalu­ na. Hetta er ein endurtøka av hálvfinaluni í kappingini um Løgmanssteypið frá 2016. Hetta er ikki ein nýggja støða hjá Víkingi, sum er fimm­fald­ ur steypavinnari. Øll steyp­ini komu í hús frá 2009 til 2015. Fyri Skála er hetta meiri ókent umhvørvi. Skála hevur ongantíð vunnið Løg­mans­ steypið og heldur ikki verið í finaluni, men tað hevur fyrr verið nær við. Skála var í hálvfinalunum í bæði 2006 og 2007, umframt í 2016. Ongantíð hevur tað eydnast at vunnið seg í finalu­ na, men nú fáa teir møguleikan aftur. Víkingur er uttan Atla Greger­sen, sum fekk tveir dystir leikbann, eftir at hann fekk sítt seinna gula kort eftir dystar­enda í landskappingini móti EB/Streymi. Gestirnir av Skála vóna, at skaðin hjá Jákupi Jakob­sen ikki er álvarsamur. Hann fór út fríggjakvøldið móti B36, sum vann 2-1. Her sást væl í 2-1 málinum hjá B36, at Skála er ikki tað sama, tá Jákup Jakobsen ella Fróði NÚ FINNA VIT FINALISTARNAR Tað verður antin KÍ ella HB, sum møta antin Víkingi ella Skála í finaluni í kappingini um Løgmanssteypið. Avgerðirnar fella mikukvøldið og hóskvøldið