hósdagur 23. mai 2019síða 13

FRÍGGJADAGUR 24. MAI 2019 SOSIALURIN 59 13 - Tað er blivið móti at eta ræsta kálvasuppu - Tað er meira lív í Gásadali nú, men tað er avmarkað, hvussu nógv lív mann kann hava í einari so lítlari bygd við so fáum fólkum, sigur Jóhan Fagraklett, sum rekur serliga Gásadalsgarðin, sum er matstova, gistingarhús og sláturhús PÆTUR HJALMAR EVENSSON PATURE@SOSIALURIN.FO G ásadalur telist millum mest vitjaðu støð í Før­oyum, tí eyðkendi Gása­dalsfossurin dreg­ ur fleiri túsund ferðafólk til Gása­ dals hvørt ár. Ferðafólkini og før­ oy­ingar annars, sum vitja Gása­dal, hava leingi manglað eitt stað at fáa sær ein betri bita - inntil fyri tveimum árum síðani - tá lat Gásadalsgarðurin nevniliga upp. Byrjaði við slakti Gásadalsgarður er bæði bónda­ garð­ur, kafé og gistingarhús, og virk­semið verður rikið av Jóhan Fagra­klett og familju hansara. - Vit yvirtóku eitt sindur av jørð frá einum sysktinabarni hjá mammu míni. Húsini vóru í so ring­um standi, so vit fóru í holt við at gera tey í stand, so vit fingu betri pláss at slakta í. Vit ætlaðu bara at brúka tað sum summarhús, greið­ ir Jóhan Fagraklett frá. - Lítla garasjan, sum vit skuldu brúka til at fletta í, endaði so við at fevna um alla kaféina. Nógv av krøv­unum viðvíkjandi reinføri til slaktarí og matstað vóru tey somu, og tí gav tað meining at satsa uppá bæði matstovu og slaktarí, sigur hann. Um heystið er stongt fyri gest­ um, og tá er kaféin eitt sláturhús, har tey fletta seyð og kálv, sum tey sjálvi eiga. - Nógv fleiri gestir enn vit væntaðu Tað hevur gingið sera væl, og nógv hava vitjað Gásadalsgarð seinastu tvey árini. - Vit hava havt nógv fleiri gest­ ir, enn vit væntaðu. Fyrsta árið mettu vit, at har vóru eini 12-15.000 fólk inni hjá okkum alt summarið, sigur Jóhan Fagraklett. Meginparturin av inntøkunum hig­artil eru komnar frá før­oy­ing­ um. - Fyrsta árið kom 90 prosent av inntøkunum frá føroyingum. Í fjør kom umleið ein triðingur frá føroyingum, men í ár vísir tað seg, at tað næstan er helvt um helvt útlendingar og føroyingar, for­ tel­ur Jóhann Fagraklett og vísir á or­søkina til hetta. - Tá tað er nýtt, er tað jú spenn­ andi fyri føroyingar, sum vilja sleppa at royna tað, og nú hava tey forvitnastu longu roynt tað. Í so nógv fólk Áðrenn Gásadalsgarðin vitjaðu tey flestu fólkini Gásadalsfossin uttan ordiliga at vitja bygdina uppá sama máta. Mann kann tí siga, at Gásadalsgarðurin hevur sett sín dám á bygdina, men tað er ikki neyðturviliga jaligt, heldur eig­arin. - Tað er meira lív í, men tað er avmarkað, hvussu nógv lív mann kann hava í einari so lítlari bygd við so fáum fólkum. Í juli eru nógv fólk, og tá er ikki líka hugnaligt, sum tað var fyrr, sigur Jóhan Fagra­klett. Ræsta kálvasuppan Familjan borðreiðir við øllum møguligum føroyskum mati sum eitt nú breyði við skerpikjøti og øðrum smyrjibreyði. Kjøtpylsu fáa tey frá grannanum, og rullu­ pyls­una gera tey sjálvi. Men ser­ liga er tað suppan við røstum tarvs­kálvakjøti, ið eyðkennir mat­ skránna í Gásadalsgarðinum. Gásadalsgarðurin hevur funnið ein hátt at nýta hetta tilfeingið, har tey ala tarvskálvarnar vist­ frøði­liga, fletta teir og ræsa kjøtið í einum hjalli. Hetta er ikki ein vanligur arbeiðsháttur, tá tað kemur til oksakjøt, og úrs­litið er ein serstøk matvøra, sum verður nýtt í einari ræstari oksa­kjøts­ súpan. Fyri hetta eru tey til­nevnd norðurlendsku Embla mat­vøru­ virðis­lønina, sum verður latin í Ís­landi í næstum. - Tað er sera spennandi við hes­ ari tilnevningini, tí hon kann fáa av­gerandi týdning fyri okkara virk­semi, sigur Jóhan Fagraklett og greiðir frá um suppuna: - Tað er blivið móti at eta ræsta kálvasuppu, so tað verður tað, sum vit koma at satsa uppá. Tað skal helst vera soleiðis, at mann skal kunna fáa somu suppuna um 5 og 10 ár, sigur Jóhan Fagraklett. Gásadalsgarður: Hetta er eyðkenda ræstkálvasúpanin Hugnaligt og heimligt í Gásadalsgarði