hósdagur 23. mai 2019síða 16

FRÍGGJADAGUR 24. MAI 2019 SOSIALURIN 59 16 At brúka pengar upp á mat er eitt slag av marglæti - Tað hevur nógv at siga at kunna koma út at eta saman við fólkunum, sum mann er góður við, sigur Ruben Busk, sum er maðurin aftan fyri eyðkenda ræstkjøtaburgaran og ein av stigtakarunum til nýggja buffétmatstovu í Havn PÆTUR HJALMAR EVENSSON PATURE@SOSIALURIN.FO S treetfood er eitt stort rák, sum hevur vundið uppá seg um alt Evropa seinastu árini. Matvognar hava verið í Føroyum í fleiri ár, men í fjør­summar komu føroyingar av álv­ara við upp á hesa bylgjuna. Tað var royndi kokkurin Rub­en Busk, sum lat matvognin Street­ food upp, har hann byrj­aði at selja nógv umtalaða ræst­kjøta­burg­ar­ an. Tað byrjaði sum ein summ­ar­ verkætlan, men vognurin hevur nú verið í gongd alt árið. Tað siðbundna í nútímans hami Ruben Busk fegnast um góðu móttøkuna av gøtumatinum, sum hann selir í vogni sínum. Tað er utt­an iva ræstkjøtaburgarin, sum selir mest. - Tað hevur verið stuttligt, og vit hava havt úr at gera. Tað er gleði­ligt, at fólk hava tikið so væl ímóti ræstkjøtabrugaranum, sig­ ur Ruben Busk og hugleiðir eitt sind­ur um, hvat tað serliga er við hes­um burgaranum. - Tað serliga er, at vit brúka eina siðbunda føroyska rávøru og servera hana í einum street- food samanhangi. Tað haldi eg, at før­oy­ingar halda vera stuttligt. Tað er eisini øðrvísi, at mann nú í størri mun etur ræst kjøt árið runt í staðin fyri nakrar fáar mánaðir um veturin, sigur hann. Góður máti at royna tað føroyska Streetfood selir bæði til føroyingar og til ferðafólk. Tí er vognurin javnan at finna í Saksun og øðrum støðum, har nógv ferðafólk vitja. - Ferðafólkini elska burg­ar­ arnar. Tað er ein góður máti hjá ferðafólkum at royna tað sið­ bundna føroyska heldur enn bara at fáa grind, spik og skerpikjøt aðrastaðni. Teimum flestu dámar tað væl og fegnast um at fáa eina máltið við onkrum serføroyskum, sigur hann og letur ongan iva vera um, hvør keypir mest: - Men tað eru føroyingar, sum eru mínir størsta kundar. Kjøtið kostar nógv Forkunnuga ræsta kjøtið er øllum føroyingum kunnugt hvørki tað bíligasta kjøtið ella tað lættasta at fáa fatur á. At rávøran er so dýr er størsta avbjóðingin hjá Ruben Busk. - Fyri at tað skal mala runt, skal eg selja sera nógvar burg­ arar, áðrenn tað loysir seg. Summi halda, at hesin vogn­ur­in er eitt stórt gullnám, men tað er hann ikki. Tað er ikki tað sama, sum tá mann ger eina pitsu fyri 10 krónur og selir hana fyri 100 krónur. Ræstkjøt kostar nógv, so har liggur ikki nógv eftir, sigur Ruben Busk og leggur aftrat, at hann selir nóg nógvar til at tað loysir seg. Keypt nokk inn Ruben Busk hevur fyrireikað seg væl til summarið, nú fleiri og fleiri ferðafólk koma hendan vegin. - Eg havi keypt nokk inn av røst­um kjøti frá eg-veit-ikki- hvussu-nógvum bóndum kring alt landið. Eg vóni, eg havi keypt nokk, flennir hann og heldur fram. - Eg eri í øllum førum klárur til at gera nógvar burgarar hetta summarið, so eg fari at royna at klára trýstið. Vit royna at hava fing­urin á pulsinum, soleiðis at alt gongur upp í eina hægri eind, sigur Ruben Busk. Steikin er til familjuna Í mars lat nýggja matstovan Steik­ in upp á Tórsgøtu í Havn. Hetta er ein stór buffét, sum Ruben Busk er ein av stigtakarunum til. - Vit leggja okkum serliga eftir barnafamiljum, tí vit hava sæð tørvin á einum staði, har mann kann fara út at eta við allari familjuni. Eg havi hoyrt fleiri siga, at okkurt líknandi hevur bara manglað, sigur hann og greiðir nærri frá konseptinum. - Tá børnini eru liðug at eta, kunnu tey fara niðurundir í spæli­ landið og spæla, um tey hava hug til tað. Eg haldi, hetta ger tað nógv stuttligari hjá barnafamiljum at fara út at eta, tí har kunnu bæði børn og vaksin hava góðar upplivingar. At hugna sær við sínum kæru Ruben Busk heldur, at tað hevur stóran týdn­ ing, at føroyingar hava fingið so nógv ymisk mat­støð at velja ímillum. - Tað er fantastiskt og gott fyri trivnaðin. Tað hev­ ur nógv at siga at kunna koma út at eta saman við fólk­unum, sum mann er góður við. Tað er vert at brúka sínar peng­ ar uppá, tá alt annað er goldið, sig­ur hann. Kann venda skjótt Men góða gongdin er ikki ein sjálvfylgja. Ruben Busk leggur dent á, at kafé- og matvirksemi er treytað av, at borgararnir hava peng­ar í hondunum. - At fara út at eta og brúka peng­ar uppá mat er eitt slag av marg­læti, sum mann ger, meðan tað gongur væl í samfelagnum. Men so skjótt laksaprísurin fell­ur og góða gongdin held­ur uppat, so er mat­bú­skettið eisini tað fyrsta staðið, mann sker­ir uppá, sig­ ur hann. Ruben Busk: Soleiðis sær nógv umtalaði ræstkjøtaburgarin út Ruben Busk TEMA: Føroyskar kaffi- og matstovur