mánadagur 27. mai 2019síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 27. mai 2019 · Nr. 60 TÍÐINDI Bangin at tað kann enda í kaos Landsstýrismaðurin við ferðavinnumálum, Poul Michelsen, er bangin fyri, at støðan í ferðavinnuni, nú bøndur eru farnir at taka gjald fyri ganga í haga, kann enda í kaos Frants Jensen frants@sosialurin.fo – Støðan er sera trupul í løtuni. Eg ræðist um tað endar í kaos. Eg vóni ikki, at tað kemur til tað, at ferðafólk, sum koma til Føroya, fáa keðilig upplivilsi, og at tey fara at siga, at tey aldrin vilja koma aftur til Føroya, sigur Poul Michelsen. Nú hava nakrir bøndur og festarar lagt gjald á ferðafólk, um tey ætla at fara í hagan, ið teir umsita. Aðrir hava boðað frá, at teir fara at leggja gjald á. Nýggja felagið, Hagafelag Føroya, hevur verið úti, og sagt, at føroyingar eiga at hava rætt at fara í hagan uttan at gjalda fyri tað. Hvørmansrætturin ikki galdandi Landsstýrismaðurin í uttan­ rík­is- og vinnumálum, sum eis­ ini umsitur ferðavinnumál, sig­ur, at hann saman við øðr­ um landsstýrisfólkum hevur roynt at gjørt nakað fyri at fáa økið skipað. Høgni Hoydal, ið umsitur landbúnaðarmál, og Sirið Stenberg, ið umsitur um­ hvørvismál, hava eisini verið við í hesum arbeiðinum. – Tað steðgaði upp, tá ið vit rendu okkum í trupulleikan, at hvørmansrætturin ikki er gald­andi í Føroyum, eins og í øll­um øðrum londum. Hetta hildu vit annars var galdandi, men so er ikki. Vit hava eisini kannað í Løgtinginum, men har vísir tað seg, at áhuga­mál­ ini eru so ymisk hjá løg­tings­ fólkum, at tað hevur ikki eydn­ ast at semju um tingini, so vit kunnu fáa skipað viðurskifti, sigur Poul Michelsen. Landsstýrismaður hjálparleysur Landsstýrismaðurin hevur ikki nakrar loysnin her og nú, hvat hann heldur skuldi verið gjørt, so ikki alt endar í kaos. – Vit hava ikki undirtøku at gera so nógv her og nú. Eg standi tí eitt sindur hjálp­ar­ leysur í hesum málinum og fái ikki gjørt tað stóra, sigur Poul Michelsen. Men tú hevur sitið sum lands­týrismaður við hesum mál­unum í langa tíð. Hví er hetta ikki gjørt fyrr? – Vit hava roynt at fingið tað skipað, men tað er ikki eydn­ast. Sum nú er fái eg ikki gjørt tað stóra. Løgtingið er sum kunnugt farið í summarfrí, og ivasamt er, um tað kemur saman aftur fyrr enn til ólavsøku. Løg­mað­ ur hevur áður sagt, at løg­tings­ val verður 31. august, og so er spurn­ingurin, hvussu long tíð gongur, áðrenn ein nýggj sam­ gonga er skipað, sum kann gera nakað lógarvegin, tá ið tað ræður um ferðavinnu og tað at ferðast í føroyskum nátt­úruni. Reyð og grøn øki – Tað er eitt ávíst kaos í løtuni, og er farið av sporinum. Eg vóni, at vit kunnu finna stevið aftur. Eg vóni, at partarnir í ferða­vinnuni sjálvbodnir kunnu finna onkra skipan, so at bæði bøndur, ferðafólk, ferða­vinnuskrivstovur og onn­ur vera nøgd, sigur Poul Mich­el­sen. Sjálvur hevur hann ikki nakra loysn, hvussu tað kundi verið gjørt, men hann hevur tó nakrar tankar. – Ein tanki, ið eg havi spælt mær við, er, um landið kundi verið býtt upp í nøkur reyð og nøkur grøn øki. Tey reyðu øk­ ini eru tey, har bóndin ikki spæl­ir við, meðan tey grønu eru tey, har bóndin spælir við, sigur Poul Michelsen. Hann vísir á, at tað er sera óheppið, um ferðavinnan tapir av hesum. – Nýggja felagið Jarðir kem­ ur kanska eisini við onkr­um góð­um hugskoti, hvussu tað kann skipast. Visit Faroe Is­ lands arbeiðir eisini við hesum, so eg vóni, at vit fáa nakrar góð­ar loysnir, sigur Poul Mich­ el­sen. Poul Michelsen, landsstýrismaður Politikkarar mugu skipa lóggávuna – Vit hava 477 hagar um landið. Tað ber ikki til, at vit fara at hava so nógvar ymiskar skipanir. Vit mugu fáa eina felags skipan. Politikkararnir mugu fáa skipað lóggávu á økinum, sigur Jóhan Pauli Helgason, menningarleiðari í Visit Faroe Islands Frants Jensen frants@sosialurin.fo Visit Faroe Islands upplivir longu nú ónøgd ferðafólk, ið mugu djúpt niður í penga­ pung­in fyri at sleppa ein túr í føroysku náttúruni, sum tey hava ynskt sær í langa tíð. – Vit hava hoyrt frá nøkrum ónøgdum ferðafólkum. Nøkur siga, at tey vóru ikki kunnað um støðuna, onnur siga, at tað er sera kostnaðarmikið, og upp­aftur onnur eru vend aft­ ur, frá einum ætlaðum túri, tí tey ikki hava vilja rindað upp­ hæddina, ið tey hava verið kravd eftir, sigur Jóhan Pauli Helga­son. Hann vísir á, at tað er ein avbjóðing, at fleiri bøndur nú í hvør sínum lagi krevja gjald, tá ið onnur koma inn á teirra haga. – Tað eru nógvar avbjóð­ing­ ar, millum annað hvør skal prís­urin vera, um ferðin er við ferðaleiðarar ella ikki, hvussu skal gjaldið krevjast inn. Spurn­ingurin er eisini tann ítøki­ligi, um tað er rætt at krevja gjald fyri ganga í haga, sigur Jóhan Pauli Helgason. Politikkarar mugu grípa inn Menningarleiðarin vísir á, at nú mugu politikkararnir gera nakað. – Vit mugu fáa eina skipan, sum er líka fyri øll. Tí mugu polit­ikkararnir fáa skipað lóg­ gávu á økinum. Málið kann bara loysast politiskt, sigur Jóhan Pauli Helgason. Hann vísir á, at í dag hava bønd­urnir rættindi at gera, sum teir vilja. Men so kunnu vit fáa 477 ymiskar skipanir, og tað verður ómøguligt at hand­hevja. Visit Faroe Islands hevur tosað við og havt fundir við Jarðir, og hann vónar at tað kunnu spyrjast góðar loysnir úr teimum samrøðunum. – Tað tekur tó langa tíð at fáa alt upp á pláss. Mein­ing­ar­ nar eru eisini ymiskar. So tað hend­ir einki í summar, sigur Jó­han Pauli Helgason. Saksun