mikudagur 29. mai 2019síða 12

FRÍGGJADAGUR 31. MAI 2019 SOSIALURIN 62 12 3.800 fólk renna saman við krúnprinsinum 3.795 fólk hava teknað seg at renna saman við Fríðriki krúnprinsi á norðoyastevnu í Klaksvík. Umframt renning, vera 13 undirhaldsstøð á rutuni FRANTS JENSEN FRANTS@SOSIALURIN.FO N ógv verður g jørt burt­urúr, nú Føroya størsta rennitiltak fer av bakkastokki leyg­ ardagin 1. juni. Hetta er í samband við Royal Run 2019, sum í ár verður skotið í gong í Føroyum.  Byrjað verður at renna við ferjuleguna, og málið er eisini við ferjuleguna. Renna ella ganga Møguleiki er at renna eina míl ella 10 kilometrar. Mílin verður runn­ in frá ferjuleguni til Jógvan Waag­ steinsgøtu og aftur. Teinurin á 10 kilometrar verð­ ur runnin frá ferjuleguni til rund­ koyringina, út til gamla snøris­ virkið/Berglon, har vent verður niðan á Klaksvíksvegin. Harfrá verður runnið út til Norðoyri og aft­ur til ferjuleguna. Runnið verður í ymiskum bólkum. Tey fyrstu byrja klokkan 10:30, og tey seinastu fara avstað klokk­an 11:25. Sjálvt um talan er um eitt renni­ tiltak, so er tó ikki nøkur treyt at renna. Til ber eisini at ganga, ella bæði at ganga og renna. Privatvitjan hjá prinsinum Krúnprinsurin kemur klokkan 10:15. Hann fer avstað hálvan tíma eftir at hann er liðugur at renna og hevur sagt farvæl til fólkið. – Talan er um eina privata vitj­ an hjá krúnprinsinum, og tí verður ikki gjørt so nógv burturúr sum í fjør, tá ið hann var almennari vitjan, sigur John Mortensen, sam­ skiftisfólk í Klaksvíkar kommunu. Krúnprinsurin hevur trygd­ arfólk og onnur við sær í fylginum. Vegir stongdir Í sambandi við Royal Run verða fleiri vegir í Klaksvík stongdir í longri og styttri tíðarskeið. Ferðsl­ an í miðbýnum verður stongd longu klokkan 8, og øll ferðsla mill­ um armarnar báðar verður stongd mill­um klokkan 10 og 14. Tað merkir millum annað, at neyðsynjarakfør eru á báðum síð­ um á armunum, so at tey fáa rykt út, um tørvur á tí. Parkera í Leirvík – 60 prosent av teimum, ið skulu renna, eru aðrastaðni frá enn Norð­oyggjum, og tí er neyðugt at skipa ferðsluna á annan hátt enn van­ligt, sigur John Mortensen. Fyri at lætta um fyri rennandi, áskoðarar og gestir, hevur Klaks­ vík­ar kommuna nevniliga gjørt avtalu við Eysturkommunu, so­ leiðis at fólk fáa møguleika at seta bilin á kajøkinum í Leirvík og taka bussin til Klaksvíkar. Tað eru býarbussarnir hjá Klaksvíkar kommunu, sum fara at koyra sum 'shuttle bussar'. Koyrt verður frá klokkan 9 til 11 og frá klokkan 12 til 16. Koyrt verður hvønn 15. minutt. Startnummar Fyrireikararnir heita á lut­tak­ar­ arnar at heinta startnummar og blusu á á Nólsoyar Pálsgøtu 32, 700 Klaksvík, hósdagin 30. mai klokkan 16.-20 ella fríggjadagin 31. mai klokkan 16-18. Tað ber eisini til at heinta startnummar leygardagin 1. juni á startøkinum. 13 undirhaldsstøð Fyrireikararnir siga, at umframt sjálva renningina, so verða fleiri undirhaldsstøð á skránni. – Vit hava 13 undirhaldsstøð til børn og vaksin á rutuni. Millum annað verður Bubu og Trøllapætur á skránni fyri børnini. Eyðun Nolsøe, Carl Martin Samuelsen, hornorkestrið og eitt lið við 40 taekwondo íðkarum sýnir fram. Talan er um lítlar pallar á vegnum, sigur Johna Mortensen. Á málinum verður ein stórur pallur, har Jonhard Larsen, Ragn­ hild Ellingsgaard og Hallur Holm greiða frá og práta við ymisk fólk. KVF fer eisini at stroyma frá tiltakinum. Føroyar skulu spæla á størri altjóða vølli Helena Dam á Neystabø Veðurlag, umhvørvi, náttúru­ vernd, røkt av fiskastovnum, orkupolitikkur, útlendingamál, skattaskjól og hvíttvasking av ørandi peningaupphæddum, altjóða viðurkenning av útbúgv­ ing­um, framkomin gransking o.s.fr. Hetta og eru alt mál, sum vit einans kunnu loysa saman við øðr­um londum – tvørturum landamørk. Mín hugsan er, at eitt før­ oyskt fólkatingsumboð skal vera á varðhaldi í øllum hesum málum, gera vart við føroysk sjónarmið og serstøður, og tryggja, at Føroyar verður ein virdur og viðurkendur við­ spælari, tá ið avgerðir verða tikn­ar, sum kunnu hava ávirk­an á føroyskt vinnulív, før­oysk­an veðurlagspolitikk, útbúgv­ing­ ar­krøv, mentanararv, og tá ið vælferðin hjá føroyingum skal tryggj­ast – bæði í Føroyum og uttanlands. Hetta arbeiðið skal gerast í tøttum samstarvi við Lands­ stýrið. Tí tað er Løgting, Lands­ stýri og Føroya fólk sum er evsti myndug­leiki í Føroyum. Og tað skal eisini fólkatingsumboðið sláa fast við sjeytummaseymi – á øllum altjóða pallum. Tað er harmiligt, at Tjóðveldi er til reiðar at avreiða føroyskan sjálvsavgerðarrætt, afturfyri at leggja seg út í, hvør verður danskur statsministari. Eitt fólkatingsumboð úr Føroy­um eig­ur ikki at seta føroysk­an sjálvs­avgerðarrætt á upp­boðs­ sølu í fólkatinginum. Eg bjóði meg fram sum val­ evni til fólkatingsvalið fyri Javn­ að­arflokkin – tí tað er avgerandi, at Føroyar spæla á størri altjóða leik­vølli. 3.800 fólk fara at renna saman við krúnprinsinum í Klaksvík. FÓLKATINGSVAL 2019