mikudagur 29. mai 2019síða 13

FRÍGGJADAGUR 31. MAI 2019 SOSIALURIN 62 13 PÆTUR HJALMAR EVENSSON "Hugburðsbroyting". Tað er lyklaorðið, sum krevst fyri at fáa eina reinari føroyska náttúru, sam­bært nógvum føroyingum. Fleiri enn áttatúsund føroyingar eru nevniliga samdir um, at vit øll kunnu gera mun til frama fyri umhvørvið og náttúruna. Tað kann íð hvussu er staðfestast út frá limatalinum á Facebookbólkinum “4 plastic per day”, sum veruliga hevur fingið vind í seglini seinastu tvær vikurnar. Bólkurin hevur sum enda­ mál at eggja føroyingum at rudda plast upp á vegnum og í náttúruni annars. Limirnir eru raskir at rudda og leggja mynd­ ir út av óruddinum, teir hava funnið úti. Tað verður við hes­ um hvønn einasta dag víst á, hvussu nógv órudd er at finna í veit­um, á bøi, við sjóvarmálan og aðra­staðni í náttúruni. Dunkar, sigarett­stubbar, toy, emballagur og jarn eru nøkur av teimum ting­unum, sum javnan eru at síggja á myndunum, limirnir leggja út. Ætla at røkka útlendingum Bólkurin er stovnaður av Svein Rógva Nielsen Ljósstein og konu hansara. At byrja við var heitið á bólkinum “4 plastik um dagin”, men nú hevur hann broytt navn til enska heitið “4 plastic per day”. - Vit hava broytt navnið, fyri at onnur fólk, sum ikki skilja før­oyskt, eisini kunnu vera við. Tað veri seg ferðafólk, sum vitja í Føroyum, og hvør veit - kanska átak­ið kann røkka út um land­ odd­arnar, so onnur kunnu taka tað til sín, sigur Svein Rógvi Niel­sen Ljósstein, sum dagliga dag­førir og motiverar inni á bólkinum, hann hevur stovnað. Lýsingin av bólkinum stendur nú í fýra málum - føroyskum, donskum, enskum og týskum. Byrjaði á fjørðuni Bólkurin varð stovnaður sum ein natúrlig avleiðing av tí nógva plasti­num, sum er at finna í før­ oysku náttúruni. - Vit búgva beint við sjóvar­ málan, og vit hava leingi sæð, hvussu nógv plast og annað órudd hevur ligið har og er skolað inn. Vit vildu gera okkurt við tað, og so fingu vit hug­skotið at stovna ein al­ mennan facebookbólk, sum vit so bjóðaðu okkara vinum upp í, sigur Svein Rógvi Nielsen Ljós­ stein. Aftaná hetta hevur tað gingið skjótt - sera skjótt. Limir hava bjóð­að vinum upp í, sum aftur hava bjóðað sínum vinum upp í, og nú gongur limatalið móti 9.000. At rudda við einum smíli Bólkurin er ikki ætlaður til, at fólk skulu finnast at, men heldur koma við positivum tankum um, hvat kann gerast betur.  - Tað hevði stóran týdning fyri okkum, at vit fingu ein jaligan tóna til hetta, sigur Svein Rógvi Nielsen Ljósstein. Lýsingin av bólkinum er soljóðandi: - Ver við til at gera mun við einum smíli. Allastaðni, har vit ganga, liggur plastikk og órudd og flýtur. Hvat við, um vit øll fram­yvir fara at taka minst 4 stk. plastikk upp um dagin, og hugsa okkum um, hvat vit koyra út í náttúruna aftur? Ikki bara tey aktivu sum rudda Øll eru ikki líka aktiv á Facebook, tá tað kemur til at deila myndir og annað. Men at deila mynd av sínum innsavningsposa er als ikki ein fyritreyt fyri at vera við í hesari rørsluni. Svein Rógvi Nielsen sigur sjálvur, at tað eru verri enn so øll, ið leggja myndir út av tí, tey hava savnað inn. Fleiri av limunum rudda eisini uttan yvirhøvur at deila myndirnar á bólkinum, og hetta veit hann, tí fólk bæði viðmerkja tað og skriva privat boð til hansara um tað. Eingin ivi er um, at hesin bólk­urin veruliga hevur fingið før­oy­ingar at blíva meira til­ vitaðar um plastdálking í náttúruni. Flest allir føroyingar hava hoyrt um bólkin nú, og um teir ikki beinleiðis rudda, er tað sannlíkt, at boðskapurin um eina reina náttúru ótilvitað hong­ur fast í sinninum hjá væl fleiri, enn áðrenn hesin bólkurin varð stovnaður. FACEBOOKBÓLKUR Í UNDANVINDI: FØROYINGAR GÓÐTAKA IKKI ÓRUDD Í NÁTTÚRUNI Fyrst var heitið "4 plastik um dagin", men nú hevur bólkurin skift navn til enska heitið "4 plastic per day" fyri eisini at røkka útlendingum - hetta er at kallað blivið ein rørsla Tilvildarlig mynd av Oyndafjarðarfjalli MYND: PÓL SUNDSKARÐ - HIKING.FO