hósdagur 13. juni 2019síða 19

FRÍGGJADAGUR 14. JUNI 2019 SOSIALURIN 67 19 Fullteknað á Húsarhaldsskúlanum Longu í mars í ár var fullteknað á Húsarhalds­ skúlanum í Klaksvík til sjeymánaðarskeiðið, sum byrjar í august. Skúlin hevur eisini nógv styttri skeið, og síðsta skúlaárið hava 350 fólk tilsamans verið á Húsarhaldsskúlanum FRANTS JENSEN FRANTS@SOSIALURIN.FO – Vit hava eitt langt skeið, sum varir frá august til februar. Eftir tað hava vit fleiri styttri skeið, sum eru fram til juni, sigur Jóhanna á Tjaldrafløtti, stjóri á Hús­arhaldsskúla Føroya. Draga lut millum umsøkjarar Tað var longu í mars, at næm­ ing­ar vórðu tiknir inn til til sjey mánaðar skeiðið, ið byrjar í aug­ ust. – Tað koma vanliga nógvar um­sóknir inn. Soleiðis var eisini í ár. Pláss er bara til 21 næmingar, og vit hava í fleiri ár valt at draga lut millum allar umsóknirnar. Okkara ynski er, at næmingar koma úr øllum landinum, og tað verður tað eisini til skeiðið, ið byrjar í august. Øll øki í landinum eru umboðað, sigur Jóhanna á Tjaldrafløtti. Fyrr var tað soleiðis, at tey fyrstu 21, sum sendu umsóknir inn, sluppu á skúlan. Men tá kundi tað henda, at tað vóru mest klaksvíksgentur, ið sluppu inn, ella gentur úr einum ávísum øki í landinum, sum vóru skjót við umsóknini. Nú í nógv ár, hev­ ur umboðanin kring landið verið góð, sigur stjórin. Ungar gentur Flestu av næmingunum, ið koma inn, er júst liðug við 9. ella 10. flokk. Men tað er eisini onkur næm­ingur, ið hevur verið á mið­ náms­skúla. – Vanliga eru tað bara gentur, ið søkja, men vit hava tó havt onkr­an drong okkurt árið, sigur Jóhanna á Tjaldrafløtti. Á Húsarhaldsskúlanum verð­ ur millum annað undirvíst í matgerð av ymiskum slag, føðslu­ læru, brúkaralæru, reingerð, klædna­vask, seyming, brodering, bind­ing, glaslist og fyrstuhjálp. Styttri skeið Umframt sjeymánaðarskeiðið, skipar Húsarhaldsskúli Føroya fyri fleiri styttri skeiðum. Millum annað eru fleiri skeið, sum hava við seyming av føroyska bún­an­ um at gera, til dømis at seyma buks­ur, vest, kot, skjúrt, eins og brod­ering. Eisini eru fleiri skeið, sum hava við matgerð, reinføri, lívsstíl og kreativitet at gera. Hesi skeiðini hava verið sera vælumtókt, og ofta er bíðilisti á hesum skeiðunum. Nýggjur húsarhaldsskúli Nýggjur húsarhaldsskúli skal byggjast. Skúlin skal byggjast við síð­una av Biskupstorgi í Klaks­ vík. Á nýggja skúlanum verður pláss til 35 næmingar. Løgtingið játtaði 3. mai í ár 21 milliónir krónur sum eitt rentu- og avdráttarfrítt lán til verk­ætl­ an­ina. Bústaðir skal standa fyri byggingini. – Nú manglar bara endalig játtan úr Mentamálaráðnum til at farið kann vera í gongd. Eg vóni, at játtanin kemur áðrenn summ­arfrítíðina, sigur Jóhanna á Tjaldra­fløtti. Áhugi fyri siðbundna fólkaháskúlanum Áhugi er framvegis fyri siðbundna fólkaháskúlanum í Føroyum. Eftir summarfrítíðina byrja umleið 20 næmingar á 120 ára gamla Føroya Fólkaháskúla í Havn FRANTS JENSEN FRANTS@SOSIALURIN.FO – Jú, áhugi er framvegis fyri skúl­ anum. Vanliga eru millum 16 og 22 næmingar á hvørjum skeiði. Higartil eru 20, sum hava ynskt at byrja á skeiðnum í heyst, sigur Ann­finnur Heinesen, stjóri á Føroya Fólkaháskúla. Tað eru mest føroyingar, ið eru á háskúlanum, men nakrir útlendingar eru eisini vanir at vera við. Á skeiðnum í heyst verð­ ur eisini ein donsk genta við. Nógv ymisk skeið Umframt longu skeiðini, so skipar Føroya Fólkaháskúli fyri fleiri øðrum styttri skeiðum. Millum annað eru skeið at læra føroyskt, mentan, hiphop, filmsjónleik, sang, foto, dans, umframt familju­ skeið, pensjónistaskeið og annað. Gott við fleiri háskúlum Hóast fleiri aðrir háskúlar nú eru komnir, so heldur Annfinnur Heine­sen ikki, at talan er um kapp­ing um næmingar. – Eg haldi tað er gott, at vit hava fleiri háskúlar. Vit leggja dent á hvør sítt. Hinir skúlarnir leggja millum annað dent á matgerð, ítrótt og á tað vistfrøðiliga og grøna. Vit leggja meira dent á tað at mennast sum menniskja og sum samfelagsborgari og at stimbra tey skapandi evnini, sigur Ann­finnur Heinesen. Nýggjur háskúlastjóri Søkt hevur verið eftir nýggjum há­skúlastjóri, og hann verður sett­ ur í næstum. Sjálvur ætlar Ann­ finnur ikki at halda fram. – Eg fari nú at gera meira við tað, sum er mín áhugi, men sum eg ikki hava havt so nógva tíð til seinnu árini. Millum annað sjón­ leik og annað, sigur fráfarandi há­ skúla­stjórin. Jóhanna á Tjaldrafløtti, stjóri á Húsarhaldsskúlanum í Klaksvík Føroya Fólkaháskúli í Havn