mánadagur 17. juni 2019síða 19

19 Mánadagur 6. januar 2014 · Nr. 2 Sosialurin Mikudagur 17. juni 2019 · Nr. 68 Hugskot og viðmerkingar – send sms til 225000 SÚKKLING Pætur Albinus Ein av føroyingunum, ið fæst við súkkling í undanbrekku - altjóða kent sum downhill mountain biking - er 21 ára gamli Uni Vitalis. Talan er um eina lítla og nærum spildur­ nýggja ítróttargrein, og í løtuni eru tað einans Uni Vitalis og Tummas Óli E. Olsen, sum av álvara gera nakað við hesa ítróttargreinina. - Eg byrjaði at súkkla fjalla­ súkkling sum knapt 13 ára gamal við Tórshavnar Súkklu­ felagi. Tað innibar ikki tað heilt stóra, Vit súkklaðu felagstúrar eina-tvær ferðir um vikuna, greiðir Uni Vitalis frá um upp­ runan til súkkluleiðina. - Men tað var á YouTube, at eg gjørdist bitin av súkkling í undan­brekku, sigur hann. - Tummas Óli keypti fyrstu down­hill-súkkluna tá ið eg var 17 ára gamal. Eg slapp at royna hana, og eg visti beinanvegin, at hetta var mín ítróttargrein. Eg bleiv bitin, sigur Uni. Uni keypti sær síðani sína egnu súkklu, og hann og súkklufelagin byrjaðu nú so smátt at súkkla so hvørt veðr­ ið her heima loyvdi tí á økjum um Havnadal, Sornfelli og Vel­ ba­stað. - Men tað var ikki fyrr enn í fjør, at vit veruliga byrjaðu at taka tað seriøst og fóru til Dan­ mark at kappast. Tað gekk so at siga hampiligt. Vit fingu nøkur topp 20-pláss og so aðrar tíðir, sum ikki vóru so góðar, sigur Uni Vitalis. Framstig Kappingarnar í fjør og í ár hava givið Una ávísar royndir, og nú eru byrjunartrupulleikarnir rist­ir av. - Eg veit, at eg plagi at koyra væl, men tað er trupult at koyra skjótt og støðugt samstundis og ikki detta. Hetta havi eg tó megnað væl sum í ár, sigur Uni. Fyrsta kappingin hjá Una í ár var í danska býnum Ry. Hann súkklaði væl í innleiðandi súkkl­ingini, men á fyrsta tein­ in­um datt hann og gjørdist numm­ar 21. Á seinna teininum koyr­di hann tó sera væl, og við einum 2. plássi súkklaði hann seg upp á eitt samlað 14. pláss. Tað snýr seg nevniliga um at brúka stytst tíð á báðum tein­ un­um tilsamans. - Tað er hart, tí danskararnir í toppinum gera ikki nógv ann­ að enn at súkkla, og teir eru tætt við at vera professionellir. Teir kappast eisini altjóða, vísir Uni á. Seinna kappingin var í Vejle. Uni visti frammanundan, at hend­an kappingin lá betur til hansara, tí teinurin kundi mint um ein føroyskan tein við nógvum gróti og minni av sving­um. - Eg kvalifiseraði meg við skjót­astu tíðini, men teir allar skjótastu vóru ikki við í kvalifika­tióni av tí at eingi stig vóru upp á spæl. Eg visti tískil, at eg hevði eina harð kapping dagin eftir, sigur Uni, sum tó stóð seg væl ímillum teir stinn­ astu. - Eg gav alt. Eg koyrdi so at siga perfekt og lá eftir fyrsta teinin nummar fimm 0,3 sekund aftanfyri nummar fýra og fimm sekund frammanfyri num­mar seks. Á øðrum teini­ num skuldi eg tí bara koyra trygt fyri at tryggja mær fimta­ plássið. Tað kláraði eg, og tað var stórt fyri meg, sigur Uni. - Eg fór heim við stórari gleði og enn størri vilja at kappast næstuferð, sigur hann víðari. Tað eru fýra kappingar eftir at koyra í hesum kapp­ingar­ árinum, og Uni liggur á einum samlaðum fjórða plássi. - Eg vil gjarna vera í topp 3 tá ið kappingarárið er liðugt, tí so eri eg ímillum teir bestu í danska ríkinum, og tað hevði latið upp fyri størri møgu­leik­ um, sigur Uni. Næsta kapping er í Mols Kne­bel komandi vikuskifti. albinus@sosialurin.fo Fjallasúkkling: Ungu føroyingarnir, Uni Vitalis og Tummas Óli E. Olsen, hava fingist við fjallasúkkling í undanbrekku í nøkur ár, og nú eru teir byrjaðir at gera um seg í Danmark FÁA GÓÐ ÚRSLIT Í DANMARK Uni Vitalis á fjallasúkkluni Uni Vitalis hoppar her 12 metrar, ið einans fáir danir hava megnað