týsdagur 18. juni 2019síða 23

JUNI 2019 7 6 KJARNUMÁL Vaksnamannaútbúgving og lívlong læra eru grundarsteinar undir einum væl virkandi arbeiðsmarknaði. Talgilda samfelagið fer at seta stór krøv til umstilling og útbúgving, tí nógv størv fara at hvørva, og nýggj koma í staðin. Sáttmálarnir hava ásetingar um strategiska førleikamenning av starvsfólkunum. Kanningar millum álitisfólkini hjá Starvsmannafelagnum benda tó á, at ásetingarnar um førleikamenning verða ofta ikki hildnar, og at tað er ein trupulleiki, at arbeiðsplássini ikki hava fíggjarligar játtanir til vaksnamannaútbúgvingina. Førleikamenna starvsfólk 5 Framtakið: Hettar er lætt at ”misbrúka” á almennum arb plássi. Skeið osv bara fyri at hava skeið osv.” Miðflokkurin: Tí eiga tað almenna og privata vinnulívið at taka lógvatak og í felag tryggja arbeiðstakaranum hesar førleikar. Javnaðarflokkurin: Vaksnamannalæra og førleikamenning eru avgerandi tættir í sosialdemokratiska vælferðarsamfelagnum. Tí eru vit sannførd um, at hetta økið skal raðfestast politiskt. Sambandsflokkurin: Hetta er neyðugt fyri at tryggja dagførda vitan og effektivitet í almennu skipanunum, ið skal veita øllum eina dygdargóða og effektiva tænastu. Flokkarnir halda: Tekur flokkur tykkara undir við hesum? Flokkur Ja Lutvíst Nei Sambandsflokkurin Javnaðarflokkurin Sjálvstýri Tjóðveldi Framsókn Miðflokkurin Framtakið ✓ ✓ ✓ ✓ ✓ ✓ ✓ Starvsmannafelagið heldur: At vaksnamannaútbúgving og førleika­ menn­ing mugu raðfestast politiskt og skip­ ast við lóg, og sum partur av hesum skal mark­aður peningur játtast stovnunum, so at sáttmálaásetingarnar kunnu fremjast í verki Fólkaflokkurin hevur ikki svarað Førleikamenning gevur trygd og møguleikar Komandi tvey áratíggjuni bendir alt á, at ovurstórar broytingar fara at verða á arbeiðsmarknaðinum kring allan heim. Flestu metingarnar benda á, at millum ein triðingur og helvtin av øllum heimsins núverandi størvum fer at hvørva vegna tøkniliga nýmenning av talgilding og manngjørdum viti. Hetta merkir tó ikki neyðturviliga eitt arbeiðsloysi upp til 50%, tí samstundis verða nýggj arbeiðspláss skapt. Avbjóðingin verður at tryggja, at tey, ið missa arbeiðið, hava førleikarnar til at arbeiða á nýskaptu arbeiðsplássunum. Tískil verður neyðugt at uppraðfesta vaksnamannaútbúgving munandi fyri at tryggja fólk móti arbeiðsloysi. Við løgtingsslóg um førleikameting, álitinum um vaksnamannaútbúgving og arbeiðsmarknaðardepil og aðalorðaskiftinum um hetta sama hevur politiska skipanin sett eina tilgongd í verk rætta vegin. Men tað er framvegis neyðugt at tryggja, at starvsfólk fáa kravdu og neyðugu vaksnamannaútbúgvingina, og at politiska skipanin heldur fast í teimum ætlanum, hon hevur. Førleikamenning hevur ikki bara við sær, at fólk kunnu standa ímóti teimum broytingunum, ið eru ávegis, og varðveita sítt búskaparliga lívsgrundarlag. Førleikamenning hevur eisini við sær, at fólk kunnu átaka sær nýggjar fakligar avbjóðingar, eins og tær tryggja, at arbeiðspláss altíð hava starvsfólk við teimum kvalifikatiónunum, sum tørvur er á. Sostatt loyvir tað bæði tí einstaka at menna seg og átaka sær meira spennandi uppgávur, um ynski er um tað, og tað gevur arbeiðsplássum starvsfólk við nýggjum førleikum, sum longu hava bakgrundsvitan og kenna arbeiðsplássið. Harumframt vísa kanningar eisini, at førleikamenning í sjálvum sær er góð fyri trivnaðin og nøgdsemið hjá starvsfólkum. Partarnir á arbeiðsmarknaðinum hava longu viðurkent tørvin á førleikamenning, við at tað eru ásetingar um strategiska førleikamenning í sáttmálunum. Fyri at hetta verður til veruleika, so krevur tað tó, at tað ikki bara er nakað, sum ein semist um til samráðingar, men at politiska skipanin eisini vísir hetta í verki við at skipa førleikamenning og vaksnamannaútbúgving við lóg og játta og marka pening til stovnar, so at sáttmálaásetingarnar kunnu fremjast í verki. Lesið øll svarini í fullum líki á www.starvsmannafelag.fo