hósdagur 20. juni 2019síða 9

FRÍGGJADAGUR 21. JUNI 2019 SOSIALURIN 70 9 KJAK Ungur maður skuldsettur fyri sjey ára gamalt morð Talan er um eitt mál, sum hevur spøkt leingi. Alt byrjaði í 2012, tá ein ung genta varð funnin deyð PÆTUR HJALMAR EVENSSON H in 21. november í 2012 varð 16 ára gamla Maria Fuglø Christi­ an­sen funnin deyð á sjónum ímillum Hvannasund og Norðdepil. Líksýn hava tvær ferðir staðfest, at gentan drukn­ aði, men nú er málið vent ful­komi­ liga á rang­una. Ein 23 ára gamal maður varð mikudagin handtikin og skuld­ settur fyri at hava druknað ungu gentuna, og hetta skuldi sam­ bært ákæranum vera hent aft­an á klokkan 02:32 hasa novemb­er­ nátt­ina í 2012. Noktaði seg sekan Hósdagin varð maðurin grund­ lóg­aravhoyrdur, har hann varð ákærd­ur fyri brot á paragraff 237 um manndráp. Í fyrra lagi er hann skuldsettur fyri at hava druknað gentuna á sjón­um. Í øðrum lagi er hann skuld­settur fyri at hava verið so mikið harðligur við hana, at hon er endað á sjónum ímóti sínum vilja og er druknað. Ákæruvaldið vildi hava mann­ in dømdan, men hann noktaði seg sekan, tá ákærurnar vórðu førdar fram. Dyrnar stongdar Beint eftir hetta vildi ákæruvaldið hava rættin at steingja dyrnar, og tíðindafólkini vórðu biðin um at fara út. Hetta var fyri, at almenn­ ingurin ikki skuldi fáa nakað at vita um tað, sum varð sagt undir avhoyringini. Sagt varð, at nógv vitni eru av­hoyrd, men at tað framvegis eru møgulig vitni, sum ikki eru avhoyrd enn. Jógvan Páll Lassen, verjin hjá mannum, metti ikki, at nøkur orsøk var at steingja dyrnar, og ein tíðindamaður frá Kringvarpinum mótmælti eisini avgerðini. Men dómarin gav ákæranum viðhald og stongdi dyrnar, meðan málið varð viðgjørt. Málið hevur spøkt leingi Talan er um eitt mál, sum er næst­ an sjey ára gamalt, har tann 16 ára gamla Maria Fuglø Christiansen varð funnin deyð á sjónum í byrg­ingini millum Hvannasund og Norðdepil. Aftaná rættarlæknaligt líksýn varð niðurstøðan tann, at gentan var druknað. Eitt hálvt ár seinni - 14. juli í 2013 hendi eitt ógvusligt kníválop í Norðdepli, har fýra fólk vórðu stungin av einum 18 ára gomlum manni. Talan er um sama mann, sum var til grundlógaravhoyring hósdagin og skuldsettur fyri mann­dráp. Eftir hendingina í Norðdepli tók løgreglan málið um Mariu Fuglø Christiansen uppaftur, tí hon og ungi maðurin høvdu áður verið par. Í september í 2013 valdi løg­regl­ an at grava líkið av Mariu Fuglø Christiansen upp aftur fyri at 'binda um heilan fingur', sum varð sagt tá. Tá líkið fyri aðru ferð varð kannað í obduktión, varð úrslitið tað sama - at hon var druknað. Føroyskt drápsmál: Fylg við á in.fo Blaðið fór til prentingar klokkan 15 hósdagin, og hetta var áðrenn grundlógaravhoyringin varð liðug. Á in.fo hava vit dagføringar av málinum og møguliga dóminum 10 morð í Føroyum síðan seinna heimsbardaga Sambært ársfrágreiðing landslæknans og dagføringum úr miðlunum eru 10 drápsmál skrásett, síðan seinna heimsbardaga 1. morðið 1967: 22 ára gamla Ann Alfredsen úr Noregi, búsitandi í Havn, verður skotin til deyðis av fyrrverandi unnusta sínum, ein 23 ára gamal føroyingur. Drápsorsøkin tykist at hava verið svartsjúka, og tók maðurin eisini lívið av sær sjálvum, umframt at lata eftir sær eitt skilnaðarbræv. Hendingin var lýst í sendingini »Ást fjalir lýti«, sum varð send í Kringvarpinum í 2017. 2. og 3. morðið 1970: Ein 24 ára gamal føroyingur stingur tvær ungar gentur og ein 30 ára gamlan mann, sum kom gentunum til hjálpar. Hendingin fór fram í Klaksvík, har onnur gentan og maðurin lótu lív. 4. morðið 1979: Ein grønlendingur verður stungin til deyðis av nøkrum unglingum uttan fyri TB-húsið á Tvøroyri eitt dansikvøld. 5. morðið 1984: Ein grønlendsk kvinna verður skotin og dripin av unnusta sínum uttan fyri húsini í Kollafirði. Maðurin var farin inn eftir eini byrsu meðan kvinnan sat í bilinum, og skeyt hana til deyðis, tá ið hann kom útaftur. 6. morðið 1988: Ein ungur maður á Tvøroyri skeyt unnustu sína við byrsu. Málið varð viðgjørt sum eitt sonevnt svartsjúkumorð. 7. morðið 2005: Ein sálarliga sjúkur maður setti eld í húsini, har hann búði í Sørvági. Bæði hann og mamma hansara doyðu, og varð skrásett sum víðkað sjálvmorð. 8. morðið 2011: Eftir fyrst at hava verið eftirlýstur í nakrar dagar, viðger løgreglan málið um Dánjal Petur Hansen, eisini nevndur Piddi, sum eitt drápsmál. Málið endar við, at unnustin hjá fyrrverandi konuni verður dømdur fyri morðið. Líkið verður ikki funnið, og ikki fyrr enn nøkur ár seinni verður beinagrindin funnin út fyri Ljósá. 9. morðið 2013: Ein 61 ára gamal maður doyr, eftir at hava fingið ein knív í bringuna. Løgreglan skuldsetti ein 68 ára gamlan mann fyri at hava dripið mannin, men málið endar við, at viðkomandi verður fríkendur fyri morð, men dømdur fyri harðskap av serliga grovum slag við deyða sum úrsliti. 10. morðið 2014: Ein 36 ára gamal maður varð funnin deyður í einum húsum í Hvalba. Drápsmaðurin hevði stungið ein sovandi mann fleiri ferðir í hálsin. Drápsmaðurin varð dømdur 13 ára fongsulsrevsing fyri morðið