hósdagur 20. juni 2019síða 36

VINNUBLAÐIÐ HJÁ MIÐLAHÚSINUM 12 juni 2019 1 - TAÐ GONGUR RÆTTILIGA VÆL HJÁ ARTICON AT BYGGJA HOTEL BRANDAN, OG ALLAR TÍÐARÆTLANIR HALDA. BYGGIFELAGIÐ GER EITT SERA GOTT ARBEIÐI, OG EG IVIST ONGA LØTU Í, AT TÍÐARÆTLANIN FER AT HALDA, SOLEIÐIS AT FYRSTU GESTIRNIR SLEPPA INN Á NÝGGJA HOTELLIÐ UM EITT ÁR, SIGUR STJÓRIN, PÆTUR TRÓND THOMSEN Vilmund Jacobsen Tað verða Pætur Trónd Thomsen og Rógvi Mikkelsen, sum verða ávikavist hotellstjóri og hotelleiðari á Hotel Brandan, sum Hotel Hafnia letur byggja við Oknarvegin í Havn. Frammanundan er Pætur Trónd Thomsen stjóri á Hotel Hafnia, og hann er eisini stjóri á Hotel Skálavík við Ólavi Thorsteinssyni sum hotelleiðara. Allir tríggir eru teir lutfalsliga nýggir sum hotellstjóri og leiðarar, men líka so nýggir, sum teir eru á sínum rókum, tykjast teir allir líka tendraðir upp á tær uppgávur, sum eru og sum liggja fyri framman. Ein spennandi tíð Pætur Trónd Thomsen hevur verið í stjóra­ starv­inum í stívliga eitt ár, og hann hevur áður starvast sum sølu- og tænastuleiðari umborð á Norrønu. Hann trívist væl við uppgávuni og er sera spentur upp á ta avbjóðing, sum liggur í nýggja Hotel Brandan, sum fer at standa liðugt um eitt ár. Rógvi Mikkelsen er byrjaður í sínum starvi og fram til, at Hotel Brandan letur upp um eitt ár, fer hann at læra samtakið at kenna, og hann er í holt við at fyrireika seg og síni starvsfólk til nýggju uppgávurnar. Hann hevur eina viðkomandi útbúgving frá Copenhagen Business School, og hann hevur nógvar royndir á hotell- og matstovuøkinum. Sjálvur er komandi hotelleiðarin ógvuliga spentur til uppgávuna, og hann er sera fegin um stóra álitið, sum hon er víst við starvinum sum hotelleiðari. Vertsskapur og blíðskapur Bæði Pætur Trónd Thomsen og Rógvi Mikk­el­ sen gleða seg til at veita sínum komandi gest­ um eina framúr tænastu á einum hotelli, sum fer at skara framúr á tí grønu leiðini, sum teir taka til. Hotel Brandan verður eitt 4-stjørnað hotell við norðurlendskum sniði. Her verða 124 køm­ ur tilsamans, harav seks kømur verða til rørslu­ tarnað og tvær svitur. Bæði Pætur Trónd Thomsen og Rógvi Mikk­el­sen eru samdir um, at ráðstevnu­møgu­ leikarnir á Hotel Brandan verða framúr við høl­ um í ymiskum støddum, sum kunnu tillagast eftir tørvi. - Jú, mær dámar væl navnið, Hotel Brandan, og eg haldi, at navnið er upplagt. Brandan var írskur munkur, sum kom til Føroya – ævintýrari, sum sigldi víða um høv. Hetta verður eitt føroyskt hotell, vakurt og við føroyskum ser­ merkjum sum eitt nú flagtekju. Vit vilja bjóða altjóða klassa við føroyskum vertskapi og blíð­ skapi, sum fer at merkja umhvørvið á hotell­in­ um, har eisini búnarnir hjá okkara tænastu­fólk­ um vera serstakir. Pætur Trónd Thomsen vísir á, at føroyska gesta­blídni er serstakt, og tað er bara ein sann­ roynd, at føroyingar sum tænastufólk vilja strekkja seg rættiliga langt fyri, at onnur – í hes­um førinum gestirnir – skulu hava tað gott og føla seg væl. Fullur av orku - Eg byrjaði í starvinum sum stjóri á Hotel Hafnia hin 1. mars í fjør, og eg kenni meg at hava eina rúgvu av orku. Her hendir rættiliga nógv, og tað er ein sera spennandi tíð, sum Møblarnir til Hote Brandan longu bíl Pætur Trónd Thomsen og Rógvi Mikkelsen, ávikavist stjóri og hotelleiðari