hósdagur 20. juni 2019síða 38

VINNUBLAÐIÐ HJÁ MIÐLAHÚSINUM 14 juni 2019 1 Ferðavinnan veksur enn við rúkandi ferð SJÁLVT UM VIT HAVA SÆÐ EITT ÓTAL AV FERÐAFÓLKI KOMA TIL LANDIÐ SEINASTU ÁRINI, SO VEKSUR TALIÐ AV FERÐAFÓLKUM ENN HVØRT ÁR Árni Gregersen Tað hevur leingi ljóðað, at Føroyar eiga at fáa sær eitt bein afturat at standa á fíggjarliga, umframt alivinnuna og fiskivinnuna. Eins og í londunum kring okkum hava nógv víst á streymin av ferðafólki, sum hesi seinnu árini eru farin at flyta seg aðrastaðni enn bert til tey kendu g heitu ferðamálini í Evropa. Besta dømi um, hvar kann henda, er helst Ísland. Síðani landið var rakt av harðari fíggjar- og búskaparkreppu hevur tað reist seg aaftur og í dag buldrar búskapurin avstað við fullari ferð. Høvuðsorsøkin er, at fólk hava funnið sær Ísland, sum ferðamál. Ferðafólk við pengum vitja hagar og tann ferðavinna, sum fyrr var meira ella minni ein viðfáningur, er nú ein reel vinna, sum skapar vøkstur hjá grannum okk­ ara fyri vestan. Her hjá okkum hendir stórt sæð tað sama, hóast vit eru nøkur ár aftaná íslendingunum. Politiskt hava vit spent okkum fyri og avgjørt, at vit búskaparliga eiga at fáa meira burt­urúr ferðavinnuni. Vit eru komin nakað ávegis í Føroyum, men vit mugu ásanna, at vit enn ikki eru heilt klár til ta stóru innrásina av altjóða ferðafólki. Til Føroyar Tað er sjálvandi avgerandi fyr, at vit fáa fólk at leggja pening eftir seg, at fólkini koma til Før­ oyar. Visit Faroe Islands var sett á stovn. Høvuðs­ endamálið er at gera Føroyar kendar úti í heimi og fáa ferðafólk at koma hendan vegin. Visit Faroe Islands hevur arbeitt ógvuliga miðvíst við at seta Føroyar á landkortið og fólk koma nú úr øllum heiminum til Føroyar. Hetta er í stóran mun gjørt við at Visit Faroe Islands hevur boðið útlendskum miðlum til Føroyar fyri at fáa umtalu. Tann strategi er eydnast til fulnar. Tey hava eisini arbeitt við nøkrum lýsingarátøk­ um, sum hava gjørt um seg millum fakfólk. Fyrst var tað Google Sheep View, sum var sýnt fram í Cannes og fekk heiðursløn. Síðana var tað Google Translate, sum eisini var eitt før­ oyskt átak, sum eisini fekk heiðursbræv og í ár var tað stuntið við at lata Føroyar aftur eitt viku­skifti, sum var tilnevnt at vinna í Cannes. Vert er at vísa á, at í Cannes eru tað tey all­ ar­bestu lýsingarátøkini, sum vinna heiður. Fyri at venda aftur, so er tað sjálvandi av alstórum týdningi at gera Føroyar kendar, vil ein hava fólk at koma higar at vitja. Tann parturin er sjálvandi partvís loystur, hóast slíkar herferðir ongantíð eru lidnar. Hvussu nógv Sum á so nógvum økjum í Føroyum, so vísir tað seg, at vit heldur ikki tá ið tað snýr seg um útlendsk ferðafólk hava nøktandi hagtøl. Vit hava tøl, sum bransjan heldur eru rætti­ liga álítandi og frá í ár verða nýggj tøl gjørd. Men vit halda, at millum 110.000 0g 120.000 fólk – útlendsk ferðandi koma til Føroyar um árið. Av teimum eru sløk 50.000 sum koma higar við cruisskipunum – tað vil siga, at tey gista ikki í Føroyum og brúka heldur ikki nógvar pengar í Føroyum. Tá ið fólk keypa eina cruisferð, so eru út­ ferðir vanliga við í prísinum, so tað eru út­ lendskir agentar, sum fáa vinningin av hesum fólkum. Men tað vil so siga, at 50.000 til 60.000 koma higar sum ferðafólk. - Ja, tað er har á leið, men vit arbeiða fyri at Jóan Pauli Helgason