hósdagur 27. juni 2019síða 21

FRÍGGJADAGUR 28. JUNI 2019 SOSIALURIN 73 21 ANGELICA OG HILMAR DANIELSEN Opið hús í Bøkjarabrekku 15 týsdagin 2. juli kl. 11.00 - 15.00 T ýsdagin 2. juli hava javn­aldrarnir Angelica og Hilmar Danielsen í Havn verið gift í samfull 70 ár og hava jarnbrúdleyp. Tey giftust á syftunsøku 1949. Hann er ættaður úr Húsavík og hon úr Havn. Tey eru eitt nú kend fyri handilin Yamaha í Bøkjarabrekku í Havn, sum tey róku í 35 ár. Har fekk mangur ungdómur og vaksin eftirlíkað síni ynski um knallert, motorsúkklu og vanliga súkklu.  Hilmar og Angelica fóru undir handilin í 1972. Hilmar seldi og umvældi og aftrat sær hevði hann Angelicu, sum hjálpti til at avgreiða og syrgdi fyri øllum papp­ írsarbeiði. Hon fylgdi eisini væl við gongdini á marknaðinum og kendi hvønn møtrikk í handlinum. Handilin lat aftur í 2007, tá bæði vóru komin væl upp í sjeytiárini. Angelica og Hilmar hava seks børn, 12 ommu- og abbabørn og fýra langommu- og langabbabørn. Tað gongur ikki dagur uttan at onkur teirra vitjar, og beiggjarnir hittast til morgunkaffi í Bøkjarabrekku hvønn gerandisdag kl. 10.00. Hilmar er húsvíkingur. Hann er føddur 14. september 1929 sum fimti av níggju systkjum. For­ eldr­ini vóru Jacobina f. Joensen úr Oyndarfirði og Óli Danielsen á Breyt í Húsavík. 15 ára gamal fór Hilmar til Íslands at arbeiða á bónda­garði í hálvt ár. Síðani var hann hálvt ár á kraftverkinum á Borgarfirði vestara. Hann kom heim aftur í 1946, og tá fann hann kon­una í Sjónleikarhúsinum.   Fyrst lossaði Hilmar í Havn og síðani koyrdi hann lastbil hjá klokkaranum Frits Christiansen. Harnæst var hann tvey ár hjá handilsvirkinum P/f P.A. Rest­ orff. Í 1954 fór Hilmar til skips við norskum skipi og var við norð­ monn­um til 1957. Tá fór hann í starv sum kranaførari á Saltsøluni, sum Esmar Fuglø og Hans Pauli Jo­hannesen áttu saman við hin­ um hvannasundsbrøðrunum. Har var hann í samfull 15 ár. Eldri sum yngri húsvíkingar í Havn plagdu at ganga túrar saman. Hilmar var fastur fúsur. Teir vóru altíð nógvir í tali, og skemtarar plagdu at arga teir við, at teir mest av øllum líktust flokkunum av russarum, sum mang­an vóru at hitta til gongu mill­um bygdir.  Angelica er fødd 1. mars 1930. Hon er elst av trimum børnum hjá Petru F. Heinesen úr Svínoy og Sámali Joensen í Havn, nevndur Sámal hjá Ísaki. Petra og Sámal búðu fyrst, tá tey vóru gift, í Havn og fluttu undir krígnum til Vestmanna, har Sámal hevði hand­ilin Inni á Fitjunum. Tey komu aftur til Havnar, men tá mamma Petru doyði, fluttu tey til Svínoyar at taka sær av jørð og seyði. Sámal og Petra komu aftur til Havnar í 60unum. Tey búðu eitt skifti á Argjum, men fluttu so heim til Angelicu og Hilmar á Bøkj­aratrøðni, haðani bæði doyðu út - Petra í 1977 og Sámal í 2002. Jarnbrúðurin Angelica vaks upp hjá ommuni og abbanum í Niels Finsens Gøtu. Tey vóru Ísak Joen­sen úr Mykinesi og Angelica úr Vestmanna. Ísak skómakarin var pápabeiggi málaran Sámal Joen­sen Mikines. Barnaheimið hjá yngru Angel­ icu var í húsunum, har Thomas Dam Ítróttur hevur hildið til í mong ár. Angelica hevur hund, og tí sæst hon enn sum áður í havn­ ar­gøtum við Silvu. Hvørja viku er hon eisini á bingo. Hjúnini hava bæði áhuga fyri fótbólti. Í Føroyum heldur Hilmar við HB. Í Onglandi er lið hansara Chelsea. Men Angelica heldur við B36. Til lukku við jarnbrúdleypinum.   Opið hús í Bøkjarabrekku 15 týsdagin 2. juli kl. 11.00 - 15.00 Heilsan Børnini við familju NØVN JARNBRÚDLEYP Í BØKJARABREKKU