mánadagur 1. juli 2019síða 4

4 Sosialurin Hugskot og viðmerkingar – send sms til 225000 Mánadagur 1. juli 2019 · Nr. 74 TÍÐINDI TVEIR VETRAR Gongst sum ætlað, verður tað bara tveir vetrar afturat, at bilførarar noyðast í fjøllini Áki Bertholden Nýggi Hvalbiartunnilin skal vera liðugur á heysti í 2021. Tað er máli hjá Jón Sigurds­ son, stjóra í Articon. Seinnapartin hósdagin varð fyrsta skotið fyri Nýggja Hvalbi­artunlinum latið av og so­statt hava tey í Norðaru helvt í Suðuroy tikið eitt risa fet inn í framtíðina, sum tikið varð til á hátíðarhaldinum í tí sam­bandinum. Tað er byggifelagið, Articon, sum skal gera tunnilin og upp­ runaliga var ætlanin at hann skuldi verða liðugur at taka í brúk í januar í 2022. Men Jón Sigurdsson sigur, at gongst alt væl í hond, verður tunnilin liðugur á heysti í 2021. Hann sigur, at farið verður undir boringina í august og so er ætlanin at arbeiða uttan íhald til tunnilin er liðugur. Tað tekur umleið eitt ár at spreingja tunnilin ígjøgnum, og so tekur tað eitt ár afturat at gera hann kláran at taka í brúk. Sostatt er ætlanin, at vet­ur­ in, sum skjótt stendur fyri dur­ um aftur, verður næstseinasti veturin, bilførarar skulu vera noyddir upp í fjøllini fyri at koyra ímillum bygdirnar í norð­aru helvt í Suðuroy, Hvalba og Sandvík, og bygd­ir­ nar sunnanfyri. Nýggi Hvalbiartunnilin ligg­ur nevniliga nógv longri niðri í dalinum enn núverandi tunnil er, og tað sama er galdandi fyri tunnilismunnan trongis­vágs­meg­in. Sostatt verð­ur koyr­andi meststum eft­ir sløttum úr Hvalba til Trongis­vágs. Jón Sigurdsson sigur, at eini 40 fólk verða knýtt at ar­ beiðnum at gera tunnilin, so tað fer at síggjast aftur í bygd­ ini. Tað fer eisini at hoyrast, tá ið sprongt verður, í hvussu so er til tey eru komin inn í fjallið. Hann sigur, at eftir ætlan verða trý skot skotin um sam­ døg­urið. Eitt risafet Á ein hátt er hetta eisini eitt nýtt kapittul í okkara sam­ ferðslu­søgu, sum nú verður skrivað, tí nú eru vit ikki bara farin at gera tunlar til bygdir, sum ongan tunnil høvdu. Nú eru vit nevniliga eisini farin at gera nýggjar tunlar til bygdir, sum hava ótíðarhóskandi tunl­ ar. Hvalbiartunnilin verður tann fyrsti og politiska avtalan er, at síðani standa tunlarnir Norður um Fjall fyri tørni. Og tað vóru eisini meiri enn ein av røðarunum, sum førdu fram, at hetta er eitt risa fet inn í framtíðina. Núverandi hvalbiartunnilin var eitt øgiligt frambrot tá ið hann varð tikin í brúk í 1963, sum tann fyrsti tunnilin í land­inum. Men síðani er tíðin langt síð­ani farin frá honum tí hann er so smalur og lágur, at last­ bil­ar og bussar í vanligari stødd, sleppa ikki ígjøgnum hann. Tað hevur verið ein stórur trupulleiki hjá vinnulívi og ferða­vinnu í norðara parti í Suð­uroy, tí framburðurin hev­ ur langt síðani yvirhálað hann. Men samstundis verður tunn­ilin eitt neyðugt lið í sam­ ferðsl­uni, tá ið undir­sjóv­ar­ tunn­il er gjørdur til Suður­ oynna Heðin Mortensen, lands­ stýris­maður í samferðslu­mál­ um, sigur, at Suðuroyartunnilin skal koma upp í Sandvík og tá skal eisini nýggjur tunnil ger­ast ímillum Hvalba og Sandvík. –  Í samferðsluhøpi standa so­statt nøkur sera spennandi ár fyri framman hjá suður­oy­ ing­um og tá ið komið er á mál, er lætt og ómakaleyst at ferð­ ast runt Føroya syðstu oyggj. Knýta Suðuroynna saman Kristin Michelsen, borgarstjóri á Tvøroyri, vísti á, at sam­ starvið ímillum granna­bygd­ir­ nar Tvøroyri og Hvalba, hevur altíð verið fyrimyndarligt á øll­um økjum, og hann vónar at nýggi tunnilin fer at knýta bygd­irnar enn tættari saman. –  Í Hvalba er eitt ríkt og sterkt vinnulív, sum er í tøtt­ um samstarvi við vinnu­lívs­ menn­irnar á Delta á Tvøroyri og tað fer at fáa stóra gleðið av nýggja tunlinum. Janus Thomsen, borgar­ stjóri í Hvalba vísti, at tá ið nú­ ver­andi tunnil kom var tað ein koll­velting fyri Hvalbiar Komm­unu, og førdi heilt aðrar vinnu­ligar møguleikar við sær. Hann staðfesti, at nógv virk­semi hevur verið í Hvalba og útflutningur fyri hundrað­ tals milliónir eru førdar ígjøgn­um Hvalbiartunnilin. Hann vónar eisini, at nýggi tunn­ilin verður við til at binda alla Suðuroynna saman, um­ framt at geva teimum í Hvalbi­ Vilja verða liðug eitt h