mánadagur 1. juli 2019síða 14

Mánadagur 1. juli 2019 · Nr. 74 14 Sosialurin Hugskot og viðmerkingar – send sms til 225000 Sjúrður Hildarson Hoydal Mánadagin fer ársins Euro­ pean Open kapping av bakka­ stokki í Göteborg í Svøríki. Euro­pean Open er ein ung­ dómshondbóltskapping fyri landslið, ið verður hildin á hvørjum ári í Göteborg. Annað­ hvørt ár erkapping fyri kvinnur og annaðhvørt ár fyri menn. Føroyar hava javnan luttikið síðani 2013, tá ið minniligastu dyst­irnir vóru sigrar á Slovakia og Finnlandi og ein ósigur ímóti Danmark, har tað stóð á jøvn­um í hálvleikssteðginum. Í 2015 vunnu Føroyar á Eystur­ ríki, Georgia og Kekkia. Flestu av leikarunum úr hesum báð­ um árum myndaðu í 2017 U21-landsliðið, ið spældi HM í Algeria. Føroysk kvinnurnar royndu seg í 2014 og í 2016, tá ið tær vunnu tá á Kekkia og Eysturríki. Í 2014 spældu før­ oysku U18-kvinnurnar eisini javn­leik ímóti Íslandi og taptu bert við einum málið ímóti Rumenia, eftir at hava verið aftan­fyri við sjey í hálv­leiki­ num. Vænta nógv av hesum árganginum Í 2017 broyttist manskappingin frá at vera U19 til at vera U17 og tað er hon aftur í ár. Hetta verður fyrsta altjóða kappingin hjá føroysku leikarunum, ið eru føddir í 2002 ella seinni, og júst talið 2002 hevur verið nevnt ofta ímillum teirra, ið fylgja føroyskum ungdómshondbólti. Seinastu árini hevur verið á lofti, at hetta er ein hin besti árgangurin føroyskum hondbólti og hetta sæst eisini aftur í at 14 av teimum 16 leikar­ un­um spældu hondbólt við út­lendsk­um feløgum farna kapp­ingar­ár. Væntanirnar til hendan árgangin gjørdust ikki minni, tá ið fleiri av leikarunum lut­tóku í U18 kapping í fjør – sum 16 ára gamlir – og stóðu seg væl og endaðu nummar seks. Torfør mótstøða og torført lutakast Í U18 kappingini í fjør var ikki fyri allarstørstu hond­bólts­tjóð­ ir­nar. Italia vann ta kapp­ing­ina, frammanfyri lond sum Norður­ makedonia, Sveis og Hvíta­russ­ land. Hesaferð verður mótstøðan úr hægsta flokki. Føroyar eru í bólki við eitt nú Norra og Spania, og tað er eingin ivi um at hetta verður sterk­asta mótstøðan ungu før­oy­ing­ ar­nir hava roynt seg ímóti. Lond­ini stilla við sínum sterk­ astu talentum, og áður hava heimsstjørnur sum Uwe Gens­ heimer, Aron Pálmarson og Jim Godtfridsson luttikið. Hjá kvinn­um spældi heimsins besti hond­bólts­spælari, Cristina Neagu, á rumenska liðnum sum vann silvur í 2006. Lutakastið hevur eisini hætt­ að seg so, at føroysku dreing­ir­nir verða tveittir beint í eld­in. Longu mánadagin eru dyst­ir­nir ímóti Norra og Spania á skránni, so alt fyri eitt fæst at vita á hvørjum støði føroyska lands­liðið er á í mun til tey allar­bestu. Skulu taka hini á bóli fyrsta dagin Mark Lausen-Marcher og Julian Johansen eru venjar­ ar hjá U17-landsliðnum. Mark Lausen-Marcher hevur høvuðs­ ábyrgd­ina av verju­parti­num, meðan Julian Johan­sen tekur sær av álops­parti­num. Teir gera greitt at endamálið vil at lut­taka í kappingini er eisini at kanna hvar landsliðið liggur í mun til hini landsliðini í Evropa. Sera torføra uppgávan á fyrsta dystardegnum kann brúk­ast væl, hugleiðir Julian Joh­an­sen. -Hini liðini kenna einki til okkum og vit halda sjálvi at vit hava eitt fínt landslið, so vit skulu brúka fyrsta dagin til at taka hini á bóli, um vit skulu hava nakran møguleika at gera okkum galdandi í kappingini, sigur álopsvenjarin. Hóast Føroyingar kenna nógv til spanskan og norskan hond­bólt, so er ongantíð lætt at meta um eitt U17-landslið, og Mark Lausen-Marcher hevur eisini trupult við at spáa um hvørt tað fer at bera til at fáa góð úrslit í hesari kappingini. -Um vit fáa góð úrslit ímóti Norra og Spania, so verður tað eitt gott útgangsstøði, men tað ber eisini ti at fáa ein av­smurn­ ing, og so vita vit hvussu vit standa, sigur verju­ven­jar­in. Væntanirnar koma uttanifrá Hóndbóltsfjepparar vænta at hetta er eitt sera sterkt landslið, og Mark Lausen-Marcher viður­kennir eisini at vónirnar til henda árgangin eru stórar, men hesar vónirnar koma frá øðr­um. -Hetta er spennandi, men teir bert eru 16 og 17 ára gamlir, og tað er trupult at siga longu nú akkurát hvussu góðir hesar leikararnir eru ella kunnu gerast, ger venjarin greitt. Julian Johansen tekur eisini und­ir við venjarafelaganum. -Vit tosa ikki so nógv innan­ hýsis um hvussu góðir teir eru, tað er hoyra vit mest uttani­frá. Teir eru fínir hond­ bólts­spælarir, men teir vita eisini væl at teir koma at møta nógvum góðum leikarum, sum koma frá góðum londum, og sum hava størri úrval. So vit kunnu bara gera tað besta vit megna, og so mugu vit síggja hvussu langt tað røkkur. Tað kann væl vera at vit møta londum sum eru nógv betri enn hvat vit eru, sigur Julian Johansen avgjørdur. Leikararnir vita sjálvir hvussu góðir teir eru Tað at fólk leggja hesar væntan­ ir­nar á ungu leikararnar hava venjararnir eisini við í sínum fyri­reikingum. -Vit tosa nógv við teir um at teir sjálvir vita hvussu góðir teir eru, og at vit eisini hava havt nógv góð landslið HONDBÓLTUR STERKT FØROYSKT U17-LANDSLIÐ TIL STERKA KAPPING Mótstøðan er sterk tá ið føroyska U17-landsliðið hjá dreingjum luttekur í stóru altjóða kappingini, European Open, í Svøríki. Longu mánadagin eru mótstøðuliðini Norra og Spania, ið eru tvær av fremstu hondbóltstjóðunum. Men júst hetta føroyska U17-landsliðið er høgt í metum ímillum serfrøðingarnar í Føroyum – nú skal staðfestast hvussu langt frá teimum allarbestu í heiminum hesin hópurin er