hósdagur 4. juli 2019síða 4

FRÍGGJADAGUR 5. JULI 2019 SOSIALURIN 76 4 PÆTUR HJALMAR EVENSSON 23 ára gamli Eyðun Salberg Magnus­sen hevur vøddasvinn av týpuni duchenne muskul­ dys­tro­fi. Tað vil siga, at hann mangl­ar eginleikan at framleiða stoff­ið dystrofin, sum heldur musklunum við líka. - Tað ger í roynd og veru bara tað, at eg eri veikur. Eg kann alt, men eg kann tað bara ikki ser­liga væl. Eg fái hvørki lyft armar­nar ella beinini, tí eg havi ikki styrkina til tað. Men eg fái rørt allar musklarnar, tó baraí øgi­liga lítlan mun, greiðir Eyðun Salberg Magnussen frá. Men alt inni í høvdinum funger­ar akkurát, sum tað skal. Eyðun, sum er uppvaksin í Trongis­vági, er bæði gløggur, prát­ing­ar­samur og hevur ein ser­liga góðan humoristiskan sans. Tað er bara kroppurin, sum av­markar hann. Sum kunnugt eru tað bara trý fólk í Føroyum, sum hava týpu­na muscular dystrophy duchenne. Føddur soleiðis Sjúkan er í genunum, sum vil siga, at Eyðun er føddur við tí. Hann kláraði at ganga, inntil hann varð átta ára gamal, tá hann fekk sín fyrsta rullistól. Eftir hetta bleiv hann veikari og veikari. - Tað gekk serliga niður av bakka í tannáringaárunum. Eg legði tó ikki so væl merki til tað, tí tað gekk so spakuliga. Nú fer ikki so nógv at henda aftrat, tí eg eri umleið komin so langt niður, sum eg kann, sigur Eyðun Sal­ berg Magnussen. Hann hevur stuðul 24 tímar um døgnið, sum hjálpir honum við øllum teimum tingunum, hann ikki megnar at gera sjálvur í gerandisdegnum. Kreativur sum fáur Eyðun Salberg Magnussen er sera kreativur av sinni og hevur altíð dámt væl at kasta seg út í ymsar kreativar verkætlanir. Hann hevur ein serligan tokka til tað skrivaða orðið og dámar sera væl at skriva stuttsøgur. Eitt vanligt knappaborð er eingin fortreyt fyri at kun­na skriva á teldu. Tað ber nevni­liga saktans til at skriva við skerm­ knappa­borðinum við at brúka músina, og tað gongur fínt, tí Eyðun fær væl brúkt fingrarnar. Hann ger nógv burtur úr at taka online-skeiðir í ymsum skrivi­kynstrum, har heimskend fólk undirvísa gjøgnum video. Við hvørjum skeiði fylgja nakrar stuttligar og avbjóðandi upp­gávur, sum Eyðun hugtikin plagar at loysa á masterclass. com. Á telduskýggjanum vísir Eyðun, hvussu hesi skeiðini ganga fyri seg, og hvussu ein upp­gáva kann síggja út. Hendan eina uppgávan snýr seg um at um­skriva eitt kent ævintýr í einari heilt aðrari tilvildarligari sjangru - og tað er ein terningur, sum avgerð kombinatiónina. - Tað er ymiskt, hvussu leingi tað tekur mær at gera einstøku upp­gávurnar. Um eg seti meg niður og komi ordiliga í støtið, so kann eg skriva nokkso nógv. PERSÓNSSØGA Eyðun Salberg Magnussen: TANN SKAPANDI UNGI MAÐURIN Í RULLISTÓLINUM - Í mínari støðu skal mann bara læra at góðtaka tingini, sum tey eru. Tað er eingin orsøk at blíva við at spyrja "Hví?”. Tað er jú líkamikið hví, tí soleiðis er tað bara, sigur 23 ára gamli Eyðun Salberg Magnussen Hetta eru tvær av myndunum, sum Eyðun hevur teknað við teknibretti sínum