mánadagur 8. juli 2019síða 21

21 Mánadagur 6. januar 2014 · Nr. 2 Sosialurin Mánadagur 8. juli 2019 · Nr. 77 Hugskot og viðmerkingar – send sms til 225000 eydnast at taka FM heitið frá Argja­bátinum. Sigursvandi Argjabáturin vann FM í fjør, og um tað eydn­ ast at vinna leygardagin í Sør­ vági, so verður Argjabáturin enn einaferð meistari. Undanfarnu ferðirnar hevur tað verið í sjálvum startinum, at Nevið Reyða hevur mist tað, sum í endaspurtinum rest­aði í. Soleiðis var tað ikki leygar­dagin. Tá var starturin hjá Nevið Reyða góður. Men tað var skjótt, at Argjabáturin legði seg framum, og so stýrdu argjamenn kappingini. Felags fyri Klaksvíkar Róðrar­felag og Argja Róðrar­ felag er, at tey eiga eina mann­ ing, sum higartil hevur verið heilt suveren. Hjá Klaksvíkar Róðrarfelag er tað Fípan Fagra í barna­ róðri­num hjá dreingjum. Óføru dreing­irnir hava higartil sett allar hinar so ruddiliga upp á pláss, og soleiðis var tað aftur leyg­ardagin. Hjá Argja Róðrarfelag er tað Blikur við gentumanning. Óføru genturnar hava higartil sett hinar so ruddiliga upp á pláss, og soleiðis var tað aftur leygar­dagin. Hinar suverenu manningarnar Fimm manningar hava vunnið allar fimm ferðirnar og hava harvið fult stigatal. Umframt tær báðar omanfyri nevndu – Fípan Fagra og Blikur – eru tað Erla Kongsdóttir við kvinnum, Hvessingur við monnum og Ormurin Langi. Allir hesir bátarnir vunnu leygardagin øgiliga sann­ førandi sigrar. Erla Kongsdóttir vann so trivaligan sigur, sum tað sjáldan kemur fyri. Tað fóru næstan nítjan sekund frá tí, at Erla fleyg um málið, og inntil Svan­ur og Havfrúgvin fóru um málið í stórari kapping um næst­fremsta plássið. Hvessingur var næstan tíggju sekund undan øllum hin­um. Kappingin um næst­ fremsta plássið var stór, og har var Jarnbardur bestur. So trivaligur var sigurin hjá Orminum Langa ikki, men avrikið var so mikið sann­ førandi, at einki bendir á, at Suðuroyingur ella Havn­ ar­bát­urin fer at gera nakað við Ormin Langa í tveimum teimum síðstu kappingunum. Vestmanna aftur uppí leikin At tað ikki altíð gongur so­ leiðis, sum úrslitini undan­ farnu ferðirnar kundu lagt upp til, var kappingin millum 6-mannaførini við kvinn­um leygardagin dømi um. Søl­ mundur vann allar róðr­ar­nar í fjør, Sølmundur vann fýra teir fyrstu róðrarnar í ár, men leygardagin gekk tað ikki. Fortuna í Vestmanna bjóðaði av, og Fortuna vann lut­falsliga trivaligan sigur. Tað vóru næstan fýra sekund aftur til favorittin Sølmund. Vestmanna er gomul kapp­ róðararbygd, men tað hevur verið soltið seinastu árini. At Fortuna vann fyri fyrstu ferð yvirhøvur, og at kvinnurnar í Havfrúnni end­aðu á øðrum plássi ber boð um, at tað sær ljósari út við kvinnu­kapp­ róðrinum, meðan tað ikki enn sær so ljóst út hjá dreingjum og monn­um. Púra opna kappingin Í einari kapping verður FM vinn­arin heilt víst ikki funnin fyrr enn á ólavsøku. Tað er í kapp­ingini millum 5-mannafør við dreingjum. Favorittarnir undan fjarðar­ stevnu vóru teir bát­ar­nir, sum høvdu vunn­ið í fýra teimum fyrstu kappingunum – Heykur úr Hósvík og Royndin Fríða úr Vági. Leygardagin tørnaði tað heilt øðrvísi út. Drekin, Royndin Fríða og Heykur endaðu ávíka­ víst á øðrum, triðja og fjórða plássi. Kappingin var øgilig, tí tað var bara eitt hálvt sekund frá Drekanum og aftur til Heyk. Nýggjur vinnari var Karin úr Klaksvík, sum er gamla Fípan Fagra og ongantíð hevur vunnið undir nýggja navni­ num. Karin legði seg heilt skjótt á odda og helt tørn, hóast stóra báts­longdin, ið óføru klaks­víks­ dreingirnir høvdu vunnið sær, tódnaði niður í eina stóra hálva bátslongd, tá ið bátarnir fóru um málið. Í FM kappingini er Heykur framvegis fremstur. Men tað er bara eitt stig aftur til Royndina Fríðu. Tá ið hugsað verður um, hvussu royndirnar siga, at tað kann laga seg í hesi kappingini, so ber ikki til at útiloka, at Drekin og Karin kunnu blanda seg uppí, hóast tað eru seks og sjey stig fram til toppin. Men so skal nógv venda heilt øðrvísi, enn tað ger í løtuni. KAPPRÓÐUR Barnaróður gentur 1 Hulda 03:02.44 2 Ingibjørg 03:04.02 3 Rókurin 03:08.05 4 Spógvin 03:15.39 5 Ørnin 03:17.00 6 Heykur 03:17.09 7 Karin 03:24.18 8 Dúgvan 03:24.39 9 Beinta 03:33.25 10 Blikur 03:35.45 11 Títlingur 03:42.12 FM 1 Hulda 33 2 Ingibjørg 31 3 Rókurin 24 Barnaróður dreingir 1 Fípan Fagra 02:48.35 2 Knúkur 02:58.23 3 Fiskurin 02:59.02 4 Dúgvan 03:02.14 5 Firildur 03:08.07 6 Spógvin 03:08.19 7 Falkur 03:10.21 8 Ingibjørg 03:12.35 9 Pílur 03:14.46 10 Nísan 03:18.12 11 Ørnin 03:20.28 12 Royndin Fríða 03:36.42 13 Beinta 03:38.21 FM 1 Fípan Fagra 35 2 Knúkur 26 3 Fiskurin 25 5-mannafør gentur 1 Blikur 06:18.22 2 Drekin 06:22.24 3 Fenja 06:24.21 4 Rókurin 06:29.12 5 Frúgvin 06:30.13 6 Firvaldur 06:31.05 7 Kollur 06:37.06 8 Báran 06:39.15 9 Ørnin 07:28.28 FM 1 Blikur 35 2 Drekin 30 3 Frúgvin 20 5-mannafør kvinnur 1 Erla Kongsdóttir 06:23.06 2 Svanur 06:41.34 3 Havfrúgvin 06:42.05 4 Teistin 06:48.45 5 Junkarin 07:05.43 FM 1 Erla Kongsdóttir 35 2 Havfrúgvin 28 3 Svanur 25 6-mannafør kvinnur 1 Fortuna 06:02.16 2 Sølmundur 06:06.06 3 Smyril 06:31.41 FM 1 Sølmundur 34 2 Smyril 28 2 Fortuna 28 5-mannafør dreingir 1 Karin 05:48.21 2 Drekin 05:50.12 3 Royndin Fríða 05:50.33 4 Heykur 05:50.43 5 Firvaldur 05:54.14 6 Tjaldrið 06:03.07 7 Ørnin 06:06.23 8 Jallurin 06:07.32 9 Sílið 06:10.41 FM 1 Heykur 29 2 Royndin Fríða 28 3 Drekin 23 4 Karin 22 6-mannafør menn 1 Hvessingur 05:25.36 2 Jarnbardur 05:35.00 3 Herningur 05:36.01 4 Kollfirðingur 05:37.09 5 Gongurólvur 05:37.39 6 Strálan 05:43.39 FM 1 Hvessingur 35 2 Gongurólvur 26 3 Herningur 22 8-mannafør 1 Argjabáturin 05:17.25 2 Nevið Reyða 05:19.13 3 Miðvingur 05:43.48 4 Sjóriddarin 06:08.08 FM 1 Argjabáturin 33 2 Nevið Reyða 32 3 Sjóriddarin 13 10-mannafør 1 Ormurin Langi 05:02.15 2 Suðuroyingur 05:08.04 3 Havnarbáturin 05:10.38 FM 1 Ormurin Langi 35 2 Suðuroyingur 29 3 Havnarbáturin 26