hósdagur 18. juli 2019síða 5

FRÍGGJADAGUR 19. JULI 2019 SOSIALURIN 82 5 S tóru ferðslu­út­bygg­ing­ar­nar fara at viðvirka til, at talið av før­oy­ ing­um, sum fara at pendla mill­ um bústað og arbeiðs­pláss, fer at økjast. Heitið pendlan stavar frá orðinum ”pendul”, sum merk­ir at sveiggja aftur og fram. Ein pendlari er ein per­són­ ur, sum ikki býr og arbeið­ir í sama geografiska øki. Pend­lan­in er oftani ein hvønn­dags­ferð millum bústað og ar­ beiðspláss, men kann eisini vera ein ferð við longri tíðar­bilum ímillum. Tí verður ein, ið ferðast regluliga millum heim og arbeiðs-, útbúgvingar ella frítíðarstað, nevndur pendl­ari. Eitt pendlarapláss er eitt knúta­punkt, har tveir ella fleiri vegir møtast, sum ger tað møguligt at skifta frá privatbili til buss, ella at savnast við øðrum fyri at koyra víðari í einum bili. Nógvastaðni er nógv ferðsla á vegunum, serliga í meldurstíðini til og frá arbeiði. Tá kann vera skilagott, at pendlarapláss verða gjørd á sentralum støðum fyri at stuðla undir pendlanina og gera tað lættari at koyra saman, brúka bussar ella súkkla ein part av ferðini. Hetta er eisini betri fyri umhvørvið. Í bussinum ber til at slappa av ella fáa sær eitt gott prát við onkran annan ferð­andi, meðan súkklingin fær ein í form og gevur harvið eitt annað slag av vælveru.  Nakrir hentleikar eiga at vera tøkir á teimum størru pendlara­plássunum sum eitt nú ruskspannir, bíðirúm, vesi, parkering og hentleikar til súkklur. Øll pendlarapláss hava tó ikki sama tørv á øllum hesum hent­leikum. Eitt nú tey plássini, sum ikki eru knútapunkt fyri almennari ferðslu. Landsverk og Strandferðslan mæla til, at ein heildarætlan fyri pendlarapláss verður gjørd í samstarvi við viðkomandi kom­munur. Somuleiðis at hesi verða staðsett strategiskt, soleiðis at møguleikarnir eru fleiri at koyra við hvørjum øðrum ella nýta almennu flutn­ings­møguleikarnar. Tað vil siga bæði bussar og ferjur. Har­afturat skulu hentleikar vera til súkkling, soleiðis at fólk trygt kunnu seta súkkluna frá sær á hesum plássum. TALIÐ AV PENDLARUM FER AT ØKJAST Í STÓRUM Neyðugt verður við fleiri pendlaraplássum, har fólk kunnu skifta akfar ella finna saman um eitt akfar, heldur Landsverk Landsverk og Strandferðslan mæla til, at ein heildarætlan fyri pendlarapláss verður gjørd í samstarvi við viðkomandi kommunur MYND: HEINESENMYNDIR/LANDSVERK Umhugsin Nærverandi Ítøkiligur MIÐFLOKKURIN SJÁLVANDI hvørt vikuskifti í Sosialinum MIÐFLOKKURIN VIÐ MIÐFLOKKINUM Í 25 ÁR Fyri 25 árum síðani, 7. juli 1994, varð greitt, at Miðflokkurin varð vorðin umboðaður á Løgtingi fyri fyrstu ferð. Gleðin var ómetaliga stór hjá teimum djørvu monnum og kvinnum, sum i tvey ár høvdu trúð- og virka fyri visiónini. Tordur Niclasen og Jenis av Rana fingu tann forrætt at verða valdir á Løgting sum fyrstu umboð floksins. Mong spáddu flokkinum stutta livitíð, men so varð ikki. Í dag livir hann sítt virkna lív sum ongantíð fyrr og ger seg tilreiðar til at stilla upp til sítt 8. Løgtingsval. Hyggja vit í avrikslistan, so má sannast, at flokkurin hevur ríkað Føroyar. Nevnast kunnu: Frælsu kringvørpini MVG frítøka fyri kirkju- og samkomuhús Fríu skúlarnir Bjargaðu børnini (fosturtøkutal, ið er fallið frá áttati til knappliga tjúgu hesi árini flokkurin hevur stríðst fyri rætti allra til lív) Umboðsmansstovnurin Verjandi ávirkanin á aðrar flokkar- og harvið politikkin sum heild Møguleika teirra illa sjúku at fáa tabuseraða heilivágin Medicinskt cannabis - og vit kundu hildið á. Ein stór, hjartans tøkk til øll tykkum, sum trúføst hava staðið í verjugarðinum um flokkin. Tað hevur og er ikki lætt- nei á ongan hátt, tí mong megna ikki at skilja drívmegi okkara. Ein vøkur og rámandi lýsing av einum, sum stuðlar og veljir flokkar, ið hava kristnu menniskjafatinina fremst, ljóðar soleiðis: "men tá á stendur, kann verða í dagliga meldrinum ella tá val eru, tá leggja hesi, uttan trupulleikar, síni politisku, fíggjarligu, samfelagsligu og tjóðskaparligu áhugamálum til viks, fyri at gera tað, sum er nógv týdningarmiklari- grunda ta tjóð, tey elska, á trygga, kristna støðið". Enn einaferð takk øll somul! Vit vóna og síggja fram móti einum góðum løgtingsvali 2019! P.S.: Kundi tú hugsa tær at verði valevni Midfloksins, so er tú vælkomin at boða einum okkara frá- pláss eru enn á listanum. "Um Miðflokkurin bara hevði fingið uppskotið um frælsi at senda út- og sjónvørp ígjøgnum, hevði tað verið nóg stór orsøk fyri meg at valt flokkin" (miðfloksveljari)