hósdagur 18. juli 2019síða 23

FRÍGGJADAGUR 19. JULI 2019 SOSIALURIN 82 23 Listamaðurin Frits Johanne­ sen sýnir verk fram í Glæmuni í Norðagøtu ORÐ OG MYNDIR: DÁVUR WINTHER M ikudagin lat lista­ maðurin Frits Jo­ hannesen enn eina framsýning upp. Hesaferð var tað í Glæmuni í Norðagøtu, sum er eitt sera væl egnað høli til endamálið. Har er gott av dagsljós inni, og tó at hølið er rímiliga rúmligt, var stovan full, og onkur valdi at taka eitt túnatos uttanfyri, til tað var fjarðað so mikið av, at til bar at fara innum.  Tey mest sum stóðu seg ikki at seta grønar prikkar á mynd­ irnar, so hvørt tær vóru seldar – og tað gekk skjótt. Frits beyð vælkomin og hugleiddi nakað um myndirnar. Um hálvu skjørdrarnar og hálvu hjólini, sum sambært heim­spek­ ini gjørdu seg liðug ella heil í heilanum hjá hyggjaranum.  Frits tók til flytingar millum bygdirnar, Gøta og Fuglafjørður, og at enn livur á mannamunni Gøt-Óla Jákup og Gøtu Jógvan og aðrir við, sum fluttu til Fuglafjarðar. Tað hevur altíð verið góð samvinna millum Fugla­fjørð, Gøtu og Lorvík – eisini í skúlahøpi. Krokodillan Eisini hugleiddi Frits um kroku­ dilluna, sum oftast ligg­ur á lærinum á honum ella henni, ið situr við klaverið ella flyglið. Hetta kundi skiljast sum ein parafrasa til onkrar av máln­ ingunum hjá Mikines, har hann hevur hvalin, ið er spentur sum ein bogi – Her hevur Frits heldur valt eina krokudillu. Og heldur enn at menn standa kring hvalin við hvalváknum, helt Frits, at tað var fittari og hugnaligari, at fólk­ini stóðu kring korkudilluna við onkrum ljóðføri.  Hetta er ein stuttlig og hug­ leiðing flyting, tó at tær ikki nýtist at vera ræddur fyri, at Frits ikki er við í grindadrápi onkun­tíð og dámar væl grind. Hetta er enn ein av teimum ljósu, fjálgu, litríku og glaðu framsýningunum hjá Frits, sum gleðir mangan hyggjaran – tað greiddi gjárdagurin frá, við nógvari vitjan, har at kalla alt varð selt.  Men tó skal tú ikki halda tær aft­ur í at vitja framsýningina, tí hon er serstøk og hongur upp fram til 30. juli. EIN GLAÐUR FRITS Í GLÆMUNI