mánadagur 22. juli 2019síða 6

Mánadagur 22. juli 2019 · Nr. 83 6 Sosialurin Hugskot og viðmerkingar – send sms til 225000 TÍÐINDI Brandur Mortensen Nolsøe Í septembermánaði tekur 56 ára gamli Chik Collins við sum nýggjur rektari á Fróðskaparsetrinum. Hann er føddur og upp­ vaksin í Skotlandi, har hann eisini hevur starvast at kalla alla sína yrkisleið. Chick Collins er professari í sosialvísindum, og sein­ astu árini hevur hann sitið ovast í leiðsluni á Uni­versity of the West of Scot­land. Á pappírinum eitur hann Charles William Collins, men í gerandis­ deg­num nevnist hann Chik, sum er ein skotsk stytt­ing av navninum Charles. Hann vaks upp saman við átta systkjum í býnum Kilmarnock í land­økinum Ayrshire í Skot­landi. Chik Collins hevur verið í Føroyum í sam­ bandi við starvs­setan­ina, men í hesum døg­um er hann aftur í Skot­landi og legg­ur síðstu hond á sein­ astu arbeiðs­upp­gáv­ur­ nar, áðrenn hann byrjar ein nýggjan kapit­tul í lívi­num í Føroy­um. Chik Collins er settur sum rektari á Fróð­ skapar­setrinum komandi fimm árini. Hann er sera spentur um uppgávuna, og hevur hann longu eina jaliga mynd av Før­ oy­um og nýggja starvs­ plássinum. – Tað er torført ikki at verða bergtikin av før­ oysku náttúruni. Men enn týdningarmiklari er, at eg eri komin væl frá byrjan við starvsfeløgunum í Før­oyum. Chik Collins gleðist um, hvussu eldhugað fólk í Føroyum eru um Fróð­skaparsetrið. Og júst hendan fatanin hevði stóran týdning fyri í avgerðini at flyta til Før­ oya. – Var tað ikki so, hevði eg neyvan tikið av møguleikanum at gerast rektari, sigur Chik Collins. Kundi verið tónleikari Tað var ongin sjálvfylgja, at Chik Collins um ungur fór tann vísindaliga vegin. Hóast tað lá væl fyri á universiteti, gjørdi hann av at royna aðrar leiðir, og fekk hann sær ymsar starvs­royndir til vega, eftir loknað útbúgving. Eitt nú starvaðist hann sum lýsingarfólk á blað­ num The Observer í Lon­ don, og innan sosiala bústaðarbygging. Eitt tíðarskeið var Chik Collins eisini yrkis­tón­ leikari og spældi gittara í yms­um bólkum. Hann er tó skjótur at minna á, at tónleikurin í dag ikki er meir enn eitt ítrív. – Eg havi skilt, at tón­ leikur fyllir nógv í før­ oyskari mentan, og at før­oyingum dáma væl at syngja. Eg vil fegin gera greitt, at long tíð er ging­in, síðani eg fekst við tón­leik, sigur Chik Collins flenn­andi. Eftir at hava fingið sær ymsar starvsroyndir til vega, dugdi Chik Collins at skyna á, at veru­ligi áhugin var fyri tí akademiska, og hevur hann starvast á uni­ versiteti síðani. Chik Collins sigur, at áhug­in fyri at arbeiða sum aka­ demikari komst mill­um annað av, at hann slapp at arbeiða við endamálinum at tæna samfelagnum. – Ofta kendist tað í veru­leikanum ikki sum eitt arbeiði, so væl treivst eg. Eg var drigin av møgu­ leikanum at kunna gera ein mun í lívinum hjá einari rúgvu av fólki, eitt nú næmingunum, eg undir­vísti. Harafturat var eg drigin av møgu­ leika­num at hava eina hond í framleiðsluni av nýggjari vitan. Vitan, sum heimurin ikki hevði havt, var tað ikki fyri ar­ beiðnum, eg var partur av. University of the West of Scotland, har Chik Collins hevur arbeitt tey seinastu árini, hevur havt stóra framgongd og er vaksið nógv í vavi, síðani tað bleiv sett á stovn í 2007. Framburðurin er ikki komin av sær sjálvum, men er hann eitt úrslit av, at leiðsla og starvsfólk hava arbeitt miðvíst ímóti ítøkiligum málum. – Tað hevur verið ein fragd at havt ein leiklut í tí stóra arbeiðinum, sum er farið fram á University of the West of Scotland tey seinastu árini, sigur Chik Collins. Fyri Chik Collins hevur tað alstóran týdn­ ing, at ein er tilvitaður um leiklutin, eitt unviersitet hevur fyri samfelagsmenningina. Málið, sigur hann, skal altíð vera at tæna samfelagnum, og at geva góð íkøst til búskaparligu, sosialu og mentanarligu viðurskiftini. – Fyri mær er eitt akademiskt starv ein framíhjárættur, tí tað loyvir einum at gera mun, sum onnur størv ikki kunnu. Ein eigur at royna at geva nakað aftur til yngru ættarliðini, og til samfelagið í síni heild. Tað er týdningarmikið, at íløgurnar, sum sam­felag­ ið ger í eitt universitet, verða afturgoldnar við ar­beiði, sum hevur virði, sigur Chik Collins. Fekk starvslýsingina sendandi í spølni Chik Collins ivast ikki í, at hann hevur eina stóra avbjóðing fyri framm­an. Hann flytir til eitt nýtt land við øðrvísi mentan­ um. Harafturat verður ein stór avbjóðing at læra seg føroyskt. Chik Collins er varugur við, hetta verður ikki lætt, men hann er sannførdur um, at neyðuga hjálpin verður til taks. – Eg havi verið nógv í sam­bandi við nýggju starvs­felagarnar, og eg havi fingið ta fatan, at fólkini, sum vera runda­ num meg komandi árini, fegin vilja, at starvstíðin verður væleydnað. Tá eru fyritreytirnar fyri, at tað gongst væl, longu góðar, greiðir hann frá. Chik Collins ætlaði sær upprunaliga ikki at skifta starvsstað, men um tað mundið, tá hann bar eyga við starvslýsingina hjá Fróðskaparsetrinum, spældi hann sær longu við tankan um at royna okkurt nýtt. –Eg hevði leingi ímynd­ að mær, at eg skuldi vera í Skotlandi restina av yrkisleiðini. Men tá børn­ ini vóru blivin so vaksin, at tey sjálvi vóru farin undir egna yrkisleið, gjørd­ust viðurskiftini nøk­ur onnur. Tó var tað ikki nóg mikið at flyta til eitt nú Onglands, ella onkra aðra­staðni nærindis. Skuldi hann royna aðrar leiðir, mátti nýggja starv­ ið hava heilt nýggjar av­ bjóð­ingar. Hann gjørdi av, at skuldi hann flyta, vildi hann fara longur burtur. Og tá Chik Collins sá starvslýsingina um rektara­starvið á Fróð­ skapar­setrinum, gjørdist hann hugtikin. – Tá ein kenningur mest­sum í spølni vísti mær starvslýsingina, tók eg tað ikki sum skemt. Eg helt tað vera sera áhuga­vert og fór beint at leita mær meiri vitan um Fróðskaparsetrið, og um Føroyar. Jú meira eg lærdi, tess størri gjørdist hug­urin at starvinum, sigur Chik Collins. Eitt, sum hann tíð­ liga beit merki var, at Fróðskaparsetrið er ein sera týdning­ar­mikil stovn­ur fyri føroyska sam­felag­ið í síni heild, og hevur ein lykla­leiklut í sam­felags­menningini. Í tann mun eru viður­ skift­ini í Føroyum og á Uni­ver­sity of the West of Scot­land ikki heilt ólík, sigur hann. Vil raðfesta altjóða samstarv Setanarnevndin legði millum annað dent á, at nýggi rektarin hevur Komandi rektarin á Fróðskaparsetrinum, Chik Collins, er sannførdur um, at flestar uppgávur kunnu loysast við góðum samstarvi. Hann ætlar millum annað, at altjóða samstarv og gransking skulu raðfestast, og at fleiri lesandi skulu gerast liðug við útbúgvingarnar FRÓÐSKAPARSETRIÐ SKAL TÆNA FØROYSKA SAMFELAGNUM