mánadagur 22. juli 2019síða 18

Mánadagur 22. juli 2019 · Nr. 83 18 Sosialurin Hugskot og viðmerkingar – send sms til 225000 SVIMJING Sjúrður Hildarson Hoydal -Vit blivu samd um at vera ósamd, sigur Petur Mittún, aðal­skrivari í Ítrottarsambandi Før­oyar, um fundin, sum Ítrottar­sambandi hevði við IOC – altjóða olympiska nevndin – í desember. ÍSF hevði greitt frá sínum sjónarmiði um at Føroyar skuldu gerast limir í IOC, og harvið fáa møguliga fyri at eitt nú luttaka á olympisku leik­ unum. Men svarið er rímiliga greitt: At Føroyar fóru ikki at fáa limaskap. Ítrottarsambandið lat spurn­ingin um IOC liggja, og fór síðani víðari við einum enda­málið um at tryggja sær, at føroysku ítrottarfólkini skuldu fáa sum best burturúr. At føroyskir íðkarar skulu fáa møguleikan at kappast á al­ tjóða pallum, skiltu umboðini fyri IOC væl. Altjóða viðurkenning gevur menn­ing og úrslit. - Gongdin er púra greið. At tær ítrottargreinar í Før­ oyum, sum hava fingið altjóða viðurkenning, vaksa og fáa betri úrslit, meðan tær greinar, ið ikki hava altjóða viðurkenning, hava tað trupult, sigur Petur Mittún. Í dag hava átta føroyskar ítrottar­greinar altjóða lima­ skap. Tær eru fótbóltur, hond­ bóltur, flogbóltur, badminton, bogaskjóting, borðtennis, judo og svimjing. Harafturat hevur Para-ítrottur fullan altjóða – og olympiskan – limaskap. Mótsetningarnir eru allastaðni - Hvussu kann para-ítrottur hava olympiskan limaskap, spyr Petur Mittún og svarar sjálvur: - Jú, tí at tey vóru við frá byrjanini, tá ið para-olymp­ iska nevndin var sett á stovn. Samstundis hava Føroyar rætt til at luttaka í eitt nú EM í svimjing ella badminton, men ikki til olympiskar kappingar. Tað eru hesir mótsetningarnir, ið ÍSF allatíðina vísir á, í stríð­ num at vinna Føroyum fullan altjóða limaskap. Til seinastu European Games hevði Evropiska olympiska nevndin EOC, fingið upp í lag at leggja EM í millum annað judo, bogaskjóting, badminton og borðtennis undir European Games, sum er ein olympisk kapp­ing, har Føroyar ikki sluppu at luttaka. Hetta vísti ÍSF á, og semja var eisini funnin fyri, at Føroyar skuldu sleppa at luttaka undir føroyskum flaggið í European Games, og í øllum kappingum sum EOC skipar fyri – so leingi at ítrottargreinin hevur al­ tjóða limaskap. Tað vil siga at ítrottargreinar sum til dømis skjót­ing og fimleikur sleppa fram­vegis ikki luttaka. Hesir mótsetningarnir eru alla­staðni, vísir aðalskrivarin á, og greiðir frá hvussu mót­ sigandi avgerðirnar hjá altjóða sambondinum kunnu vera. - Ja, tit mugu gjarna kappast til Para-OL, einki problem, men tit kunnu ikki kappast til OL. Tit mugu gjarna kappast til EM, men ikki til European Games. - Tit sleppa ikki at marsjera inn, men tit mugu gjarna vera her, sigur Petur Mittún nak­ að speiskur, og vísir til eina margháttliga støðu við kapp­ ingini, ið Føroyar luttaka í hesa vikuna. European Youth Olympic Festival Í samráðingunum við IOC og EOC høvdu Føroyar lut­tøku í European Games sum høvuðs­ endamál. Men før­oy­ingar­nir nevndu eisini eitt ynski um at sleppa við til stóru ung­ dómskappingina, European Youth Olympic Festival, ið EOC hevur hildið annað hvørt ár síðani 1991. Hetta eydnaðist, og í hesi vikuni eru seks før­oysk­ir svimjarar og ein judo-íðkari í Baku í Aser­ba­djan, har tey umboða Føroyar í stóru olympisku ung­dóms­kapp­ ingini. Føroyskt flagg, føroyskir búnar, føroyskur tjóðsangur, men... Sunnudagin var so setanin av European Youth Olympic Festival. Men setanin er sum vera man, serliga olympisk, við millum annað olympiska eldinum. , og Føroyar hava framvegis ikki olympiska viðurkenning. Tí skulu teir seks føroysku íðkararnir marsjera inn saman við danska hópinum undir danska flagginum, hóast at teir eru í føroysku búnunum. Sjálv úrslitini eru eisini olympisk úrslit undir EOC, so um føroysku íðkararnir vinna heiðursmerki, so verður veittrað við merkinum, Tú alfagra land mítt fer at ljóða og vinnarin er í føroyska búnanum. Men heiðursmerkini verða kortini skrásett sum vunnin fyri Danmark, greiðir Petur Mittún frá. Hetta hava tey í ÍSF ikki verið nøgd við, og ein samd starvsnevnd hevur tí tikið eina ítrottarpolitiska støðu um at føroyingarnir marsjera als ikki við setanina, men sita við Føroyska flagginum millum áskoðararnar. Hetta er ein av fleiri støðutakanum, ið neyðugar eru í hesum stríði, men Petur Mittún greiðir eisini frá, at átøkini hjá ÍSF fyrst og fremst snúgva seg um at vísa seg fram á jaligan hátt og geva Føroyskum íðkarum møguleika at kappast á altjóða pallinum Hetta skal mýkjast Hetta er ein longri tilgongd, og har eru sjálvandi framvegis lutir, ið ikki eru í lagið, sigur Petur Mittún. Tí biður ÍSF eisini um enn ein fund við IOC í heyst, har føroysku sjónar­ miðini enn einaferð verða førd fram. Føroyar vóru fyrstu ferð við til European Games í 2015, tí at ungdóms-em í svimjing var lagt undir hesa stevnu. Tá sluppu føroyingarnir ikki at luttaka undir føroyskum flaggið, men brúktu í staðin flaggið hjá LEN – evropiska svimjisambandinum. Fýra ár seinni eru føroyingarnir Seks íðkarar umboða Føroyar á European Youth Olympic Festival hesa vikuna. Umframt at vera góð avbjóðing úr einum ítrottarligum sjónarmiði, er føroyska luttøkan enn eitt stig á leiðini ímóti fullari føroyskari luttøku í altjóða ítrotti. Sosialurin hevur prátað við Petur Mittún, aðalskrivara í Ítrottarsambandi Føroya um hesar kappingar ENN EITT STIG ÍMÓTI OLYMPISKU LEIKUNUM