mikudagur 8. desember 2004síða 25

Nr. 235 - 8. desember 2004 25 ul framleiðsla standa seg best støddarskilja. Tey størru virkini vilja ikki hava fiskin støddarskildan, men kanska tey smærru virkini vilja, segði hann. Edmund Jacobsen, sum starvast í Føroya Banka, helt, at verður fiskurin skildur umborð, spara reiðarí og manning eitt lið á landi, og tí helt hann, at meira skuldi ligið eftir í prísinum. - Men tað ger tað ikki kortini. Vit fáa ikki meira fyri fiskin við skiljing, staðfesti Ragnar Olsen, reiðari. Anfinn Olsen segði, at støddarskiljing er við at gerast "gandaorð" í fiski- vinnuhøpi. - Men hetta trúgvi eg einki upp á, segði hann. Hann visti annars at siga, at íslendingar hava økt munandi um loftvegis flutningin av fiski millum Keflavík og Boston í USA síðan yvirgangsatsóknirnar hin 11. september, tá ið flúgvingin millum Evropu og USA minkaði. Upsi virkast umborð Spurningurin um virking av eitt nú upsa umborð á skipunum heldur enn í landi, nú trupult serliga er at sleppa av við og fáa prís fyri upsa, var eisini frammi. Tað var Leivur Mohr, fyrrverandi virkisleiðari og sum í fleiri ár hevur starv- ast á vinnulívsdeildini hjá Føroya Banka, sum reisti spurningin, um møguleikar eru at virka upsa umborð. - Er tað ein møguleiki at fara út á sjógv at arbeiða upsa? spurdi hann. Olaf Olsen var ikki sann- førdur um, at hetta er ein gongd leið. - Skal upsin arbeiðast umborð, er í fyrsta lagi neyðugt við nýggjum íløg- um, og tað er dýrari at gera verksmiðju umborð enn í landi. Fyrrverandi reiðarin á Beta visti annars at siga, at nýggju skipini eru nógv effektivari í veiði enn tey gomlu. - Tey eru effektivari, enn vit trúðu, segði hann. Afturútsiglt sølulið Ragnar Olsen helt, at Før- oyar eru afturútsigldar í søluliðnum í mun til okkara grannalond. - Eg kundi eisini hugsað mær, at meira kundi verið gjørt við at fingið betri prís fyri vøruna, men hetta veit eg ikki, segði Olaf Olsen. Onkur, sum var við á fundinum, helt fyri, at kann vøran ikki seljast betur, megna virkini kanska at varðveita skiftisavlopið við at "klípa" burtur av fiska- prísinum. Eftir at Bjarni Poulsen hevði havt sínar framløgur av gongdini hjá fiskiskipa- flotanum og var farin undir at talgreina gongdina í fiskavirkisvinnuni, gjørdi Olaf Olsen sær eina áhuga- verda niðurstøðu. Tað vísir seg nevniliga, at tað eru línuskipini, ið telj- ast millum tey elstu skipini í flotanum, sum av ísfiska- skipunum hava tey bestu úrslitini seinastu árini, og samstundis er tað salt- fiskaframleiðslan, sum í Føroyum er ein hin elsta, ið hevur bestu úrslitini á landi. - Hetta merkir, segði Olaf Olsen, at tað eru tey elstu skipini og tann elsta fram- leiðslan, sum standa seg best. Eftir framløgurnar hjá Bjarna Poulsen um gongdina hjá fiskiskipaflotanum og fiskavirkisvinnuni, var orðaskifti Mynd: Jens Kr. Vang - Skal upsin arbeiðast umborð, er í fyrsta lagi neyðugt við nýggjum íløgum, og tað er dýrari at gera verksmiðju umborð enn í landi, segði Olaf Olsen Mynd: Vilmund Jacobsen