hósdagur 1. august 2019síða 8

FRÍGGJADAGUR 2. AUGUST 2019 SOSIALURIN 87 8 sær, ið hann ætlar at troyta. Og tað merkir, at aðrar ætlanir verða út­settar. - Ætlanin var, at eg skuldi byrja á Copenhagen Business School aftaná summarferiuna. Eg eri kom­in inn á útbúgvingina HA almen, men nú hendir so ræðuliga nógv í mínum lívi. Tí havi eg valt at útseta tað í eitt ár, greiðir hann frá og leggur afturat, at hann ætlar sær at fara undir eina útbúgving. - Um tíggju ár trúgvi eg ikki, at eg framhaldandi kann liva av reality, so tá er tað fínt, at eg kann liva av at vera grannskoðari og sita í einari skrivstovu og slappa av. Í staðin velur Teitur Skoubo at mið­savna seg um sína tilveru sum reality-stjørna í Danmark. Tað merkir, at hann fer at brúka tíð­ina upp á sosialur miðlar og nýggj­ar sendingar. - Í løtuni fáist eg við at gera til­ far til Instagram, Youtube og at verða við í øðrum sendingum. Eg eri bundin av sáttmála og kann ikki siga ov nógv um tær send­ing­ arnar, men eg eri við í eini nýggjari sending, ið verður send á stroym­ ing­tænastuni ViaFree, sigur hann. Spurdur um tað ber til at liva av eini slíkar tilveru, vísir hann á, at tað higartil tykist at tað fer at bera til. - Vit hava fingið nógvar fylgj­ ar­ar og tað gongur heilt gott. Eg mangli einki, svarar Teitur. Eri tann eg eri Tað merkist eisini aftur í ger­andis­ degnum hjá føroyska Paradis Hotel vinnaranum, at hann er vorð­in eitt kent andlit í Danmark. - Nú havi eg júst vunnið, so eg verði steðgaður allastaðni av fólki, ið ynskja mær tillukku. Tað eru ræðu­liga nógvar myndir, ið man skal taka, sigur hann við einum brosi. Og hóast man kann gera nógv býtt í einari sending sum Paradise Hotel, so hava tað higartil bara verið jaligar viðmerkingar, ið hann hevur fingið frá fólki. - Eg eri glaður fyri, at fólk hava eina so jaliga uppfatan av mær. Um tað vóru fólk, ið koma yvir til mín at svína meg til, so hevði tað verið nakað annað. Men øll eru glað og positiv. Fólk sum eg ikki kenni ynskja mær tað besta og stuðla mær. Tað er ein fantastisk kensla, sigur hann og leggur aft­ur­at. - Eg havi slett ikki uppliva at fingið nakra negativa viðmerking. Fólk dáma meg, og tað er orsøkin til, at eg ynski at forseta við hesum lív­in­um og gera fleiri sendingar. Og hóast tað kann vera ein stór broyting frá at vera ein ungur, ókendur maður úr Føroyum, til at gerast vinnari av Paradise Hotel, so dámar honum væl eitt lív, har tað almenna ljósið er á honum. - Eg havi vant meg við, at tað eru so nógv fólk, ið fylgja við mínum lívi. Tað er so mikið vanligt, at eg hevði hildið tað verið ræðuliga løgið, um fólk góvust at fylgja við tí, ið eg fáist við. Eg eri tann eg eri og geri einki, ið man ikki átti at gjørt, sigur Teitur Skoubo. Føroyar ov lítlar Síðan hann kom aftur av hotell­in­ um í Meksiko hevur Teitur einans vitja aftur í Føroyum eina ferð og tað verður ikki enn á sinni, at hann vendir aftur til oyggjarnar. - Eg havi bara verið í Føroyum eina ferð í ár og var tað í apríl mánað. Eg eri so upptikin í løtuni, at eg veit slett ikki nær eg fari aft­ur. Í síðstu viku var eg í Belgia, hesa vikuna skal eg filma til You­ tube, so verður ein festivalur í Týsk­landi og so er ætlanin at fara út at ferðast við Annu. Eg havi lovað henni eina feriu og tað skal hon eisini fáa, aftaná at eg fór av­ stað við pengunum, sigur Teitur Skoubo og leggur afturat, at hann elskar nýggja lívsstílin. - Øll sum hava roynt hetta her vita, at hetta er ein dreymur. Tú liv­ ur akkurát sum tú vil og tú hevur møguleikan at gera júst sum tú vil. Og sum vinnari av Paradise Hotel fær man alt ókeypis, tá man fer út í náttarlívið. Og tað er júst náttarlívið, ella mangul upp á náttarlív, ið er høv­ uðs­orsøkin til, at Teitur hevur trup­ult við at ímynda sær eina til­veru í Føroyum. - Eg sakni nógv mína familj­ una, vinir og netverkið, ið eg hevði í Føroyum. Men sjálvar um­støðurnar í Føroyum eru alt ov smáar til mín. Har hendir ov lítið. Man skal hava í huga, at størsti náttklubbin í Føroyum er bara opin eina ferð um vikuna. Í Danmark er tað opið næstan hvønn dag og frá hósdegnum til sunnu­dag er alt opið. Í Føroyum er tað ov gamaldags og strangt til mín, sigur Teitur Skoubo. Kortini viðgongur hann, at tá hann sá myndir og upptøkur frá ólav­søkuni á sosialu miðlunum, saknaði hann tann partin av før­ oyska summarinum. - Eg valdi ikki at fara á ólavsøku í ár, tí eg havi so nógv at gera her í Danmark, men eg viðgangi gjarna, at eg angraði tað rættiliga nógv, at eg sat í Danmark meðan vinfólkini vóru á ólavsøku. Ólavsøkan hevur altíð verið eitt hæddarpunkt hjá mær. - Áðrenn væntaði eg, at eg fór inn á hotellið og fór at spæla spælið ísakalt. Men har inni fann eg út av, at tað ber ikki til bara at sløkkja fyri sínum kenslum. Tað tók meg á bóli og nú skilji eg hví tey gráta í sjónvarpinum. Eg var annars tann, ið plagdi at flenna, tá fólk grótu í slíkum støðum PERSÓNSSØGA Í dag eru tey aftur vinir, men í fleiri mánaðir tosaðu Teitur Skoubo og Anne Plejdrup ikki við hvønn annan Mynd: Ritzau/Scanpix Á hotellinum fann eg út av, at tað ber ikki til bara at sløkkja fyri sínum kenslum. Tað tók meg á bóli og nú skilji eg hví tey gráta í sjónvarpinum Mynd: Ritzau/Scanpix