mánadagur 5. august 2019síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 5. august 2019 · Nr. 88 TÍÐINDI túrin, so var tað ikki heilt utt­an trupulleikar. Sum partur av flog­ ætlanini skuldu teir lenda í Erbil, sum liggur í kurdiska parti­num av Irak. Talan var um ein van­ligan brenni­evnis­ steðg, men tá tyrlan hevði sett seg, komu toll­ myndug­leikarnir og tóku passini frá teimum trim­ um. Kurdistan verður í ávísan mun stýrt av ymisk­um ættarbólkum, og tær avtalurnar, ið eru fingnar í lag við onkran, telja møguliga ikki hjá onkr­um øðrum, og tað var júst hetta, sum hendi á tyrlu­plássinum í Erbil. - Vit fingu ikki passini aftur! Annar av hinum báðum hevði flogið fyri onkran høvding í økinum, og tí var okkurt komið í klemmu við onkran annan ættarbólk. Eg fekk so at vita, at eg kundi fáa mítt pass aftur og fara á flog, men eg fór jú ongan veg uttan hinar. Teir komu hóast alt á flog aftur allir samlir og settu beina kós móti turkiska markinum. Tá teir nærkaðust marki­ num hoyrdist eitt amerikanskt her­naðar­ flog­far í radionum, sum for­telur teimum, at teir høvdu ikki loyvi at flúgva inn í Turkaland. - Tá hugsaðu vit, at vit fóru ikki aftur til hatta sirkus­ið í Erbil, so vit lótu sum luft og hildu áfram. Restin av túrinum gekk sum ætlað. Átta dag­ar og 3.300 fjórðingar eftir fráferð setti tyrlan seg í Alicante í Spania. Hevur avbjóðingar at búgva í Katar Katar hevur møguleikar fyri tey, sum vilja hava flúgv­i­tímar. Men tað er heldur ikki bara eitt spæl at flyta hagar, og neyðugt er at vita, hvat tað er fyri um­hvørvi, ið flutt ferður til. - Nú um summarið er ikki útiverandi - tað er alt ov heitt og fuktigt. Í grundini eru vit ikki úti í frá mei til september. Vit gera sum best ber til at leggja eina gerandisrutu, so­leiðis at vit fáa keypt inn og gjørt ørindi beint aftaná arbeiðstíð, og so fara vit beint heim. So eru vit inni til dagin eftir - tað ber rætt og slætt ikki til at vera uttandurða, sigur Fróði. - Um veturin royna vit at fara eitt sindur út í oyðimørkina. Tað er tann deiliga tíðin her. Summar­ tíðin er heilt forferdilig, tá er deiligt at fara heim til Føroyar. Men tá vit so koma heim til Føroyar, so eru vit hvítari enn øll onn­ur, bara tí at vit eru ikki uttandurða her. Tey, sum arbeiða fyri Gulf Helicopters, búgva fyri seg í einum avgirdum býlingi. Talan er um ein rætti­liga fjøltáttaðan starvs­fólka­hóp, og tískil gongur meginparturin av samskiftinum fyri seg á enskum. Somu­leið­is er skúlin hjá børn­un­um eisi­ni ein al­tjóða skúli við ensk­um undir­vís­ingar­ máli. Við hús tosa Fróði og tey tó føroyskt, og hetta verður ivaleyst hent, um flytast skal heim aftur til Før­oyar. - Elsta gentan verður 16 nú í summar, so vit hava hugsað um at venda nøs­ ini heimeftir. Men tað er ilt at siga, hvat framtíðin hev­ur at bjóða uppá, sig­ ur Fróði Waag. steinar@sosialurin.fo