týsdagur 6. august 2019síða 30

8 8-10/08 SUMMAR FESTIVALURIN 2019 Eitt av heilt stóru ensku nøvnunum í 70’unum og 80’unum var Smokie. Bólkurin, sum gjørdi um seg við væl svingandi bleytum rocki, hevði hópin av dansihittum, og fram­ førslurnar vóru altíð lívligar og fevnandi. Forsangari fyrstu nógvu árini var Chris Norman, og tað er hann, sum eigur eyðkendu røddina á mongu hittunum hjá Smokie í sjeyti árun­ um – eitt nú »Living Next Door to Alice«, »Mexican Girl«, »Needles and Pins« og »Lay Back In the Arms of Someone«. Chris Norman var eisini við at skriva nógvar sangir hjá Smokie. Tí var talan eisini um lítlan skelk, tá væl dámdi fronmaðurin valdi at takka fyri seg. Fyrst og fremst segði Norman, at tað var longsulin eftir familjuni og æviga strembanin eftir nýggjum og størri pallum til framførslurnar. Hann steðgaði tó á ongan hátt við tónleikinum. Meðan hann fram­ vegis var partur av Smokie, royndi hann seg í eini duett saman við Suzi Quatro, og lagið ”Stumblin’ in”, vann seg upp sum nummar fýra á Bill­board, og meira enn ein millión ein­tøk av stakfløguni fóru um handils­diskarnar kring allan heim. Í 1986 trein Chris Nroman so á pall sum einstaklingur, og alt fyri eitt gjørdist talan um rimmar hitt. ”Midnight Lady” var sera væl umtókt kring alt Europa, og á Týsk­landi var lagið ovast á tóna­ tindunum í seks vikur. Onnur væl dámd løg, sum Normann einsa­ mallur hevur staðið fyri, eru ”Some Hearts Are Diamonds”, ”No Arms Can Ever Hold You” og ”Broken Heroes”. Eisini vann hann í 1994 heið­urin sum ársins Video-stjørna hjá CMT Europe. Í 2004 var hann partur av so­ nevnda Comeback Show, har hann sam­an við C.C. Catch framførdi ”Stumblin’ In”. Her vann Normann seg allan vegin til finaluna, og mín sann, um hann ikki framførdi saman við gomlu kenningunum úr Smokie í finaluni. Chris Norman hevur síðani út­ givið meira enn 20 soloútgávur. Hann er kendur sum dugnaligur sangari, og hann er framvegis í sera góðum formi. Í vár gav hann út uppsamlingina ”Chris Norman De­fini­tive Collection – Smokie and Solo Years”, og tað er eingin ivi um, at tað verður júst hetta, sum verður á skránni á Vágsbøi. Tað besta frá báð­um tíðarskeiðum, um so kann sigast, og so er lítil ivi um, at talan her verður um ársins bygdaball á Vágs­bøi. Har hava føroyingar áður havt møgu­leika at lurta eftir Smokie, men tá var tað uttan Chris Norman. Nú fáa føroyingar fyri fyrstu ferð høvi at uppliva hann á palli í Før­ oy­um. Seinna partin av 1980’unum var gospel­rockbólkurin Samsint virkin á føroyska tónleikapallinum, og í desember 1989 góvu teir fløgu út. Sangirnir á hesari útgávu vóru sera væl móttiknir og nógv spæld­ ir –  eitt nú «Vit vóru orsøk« og »Eg veit frelsari mín livir«. Nú 30 ár eru liðin síðani ein­ astu útgávuna hjá bólkinum, savnast teir aftur til serstaka fram­førslu, sum verður á Summar Festivalinum í august. – Eg havi onkuntíð roynt at fing­ið bólkin saman aftur, og nú lukkaðist tað. Tað er gott høvi, at tað eru liðin 30 ár síðani út­gávu­na hjá okkum. Vit eru sera spentir at fara á pallin aftur, sigur Herálvur Jensen, sum er ein av tón­leikarunum í bólkinum. Allir fimm upprunaligu tón­ leikar­ar­nir í Samsint verða við til framførsluna á Summar Festi­vali­ num. Teir eru Heine Lützen, Jan Zachariassen, Herálvur Jensen, Andrew Jensen og Jónsvein Heine­ sen. SAMSINT GER COMEBACK Gospelbólkurin, sum spældi rock í 80’unum, fer nú aftur á pall KLÁRT TIL RIMMAR BYGDARBALL Við hópin av vælsvingandi løgum setti Chris Norman sín stóra dám á dansigólvini kring allan heim. Eingin ivi tykist vera um, at vit her hava garantin fyri einum ordans bygdaballi á Vágsbøi