hósdagur 9. desember 2004síða 3

Ein drukkin bilførari rýmdi av staðnum, tá ið hann seinnapartin mánadagin rendi á ein annan bil á Toftum FERÐSLUÓHAPP Terji Nielsen terji@sosialurin.fo Eitt ferðsluóhapp á Toftum í mánadagin mundi enda galið. Óhappið hendi um hálvgum fimm tíðina seinnapartin mánadagin, tá ið ein bilur skuldi snara til vinstru við bensinpumpuna við gamla Oyrahandilin niðan á vegin móti Fót- bóltsvøllinum. Ein bilur koyrdi beint aftan fyri henda bilin, og bilførarin varnaðist ikki, at fremri bilurin hevði steðgað á og gjørt seg kláran til at snara til vinstru. Hann rendi tí við nógvari ferð upp í reyvina á fremra bilinum, og vakthavandi á politistøðini í Runavík sigur, at stoyturin var so mikið harður, at fremri bilurin styttist einar hálvanannan metur. Rýmdi av staðnum Rygglenið á førarasetrinum brotnaði eisini, og kvinnu- ligi bilførarin endaði tí bráddliga á baksetrinum. Tíbetur fekk kvinnan tó ongan skaða av stoytinum. Maðurin, ið koyrdi bilin aftan fyri, steðgaði bilin- um, og tá ið fólk komu til, varnaðust tey, at maðurin var drukkin. Løgreglan varð boðsend, men áðrenn hon kom á staðið, var ávirkaði bilførarin rýmdur av staðnum til gongu oman móti bátahylinum. Løgreglan fór at leita, og tað eydnaðist teimum at finna mannin í øllum myrkrinum. Vaktahavandi sigur, at maðurin var týðu- liga drukkin, og helst verð- ur hann dømdur at missa koyrikortið. Báðir bilarnir fóru rættu- liga illa í samanstoytinum. Nr. 236 - 9. desember 2004 3 Í morgin, fríggjadagin, verður ókeypis at koyra ígjøngum Vágatunnilin - hetta er tvey ára føðingar- dagurin hjá tunlinum. Eitt av tiltøkunum, ið til ber at vitja hendan dagin, er Vatnsoyrar Bilasavn hjá Hans Elmari Poulsen. Á savninum eru nógv áhugaverd gomul akfør - teirra millum fleiri av elstu bilum í Føroyum, eitt nú ein 89 ára gamal Ford T og ein Ford TT lastbilur frá 1922, ið er júst sama slag bilur, sum tann fyrsti, ið kom til Føroya hin 6. mai í 1922. Hans Elmar Poulsen sigur, at opið verður frá kl 13 fríggjadagin. Bilasavnið opið fríggjadagin Hesin Ford TT hjá Vatnsoyra Bilasavni er frá 1922. Hann er júst sama slag, sum tann fyrsti bilurin, ið kom til Føroya. Tað var tann 6. mai í 1922 Ógvusligt ferðsluóhapp á Toftum 1. januar fara tey bæði nýggju feløgini, Landing- armiðstøð Føroya og Faroe Fish Market, undir virk- semi sítt. Tveir stjórar skulu í hes- um sambandi setast, og nú stendur í øllum førum greitt, hvør annar teirra er. Kristian Fríðrik Olsen hevur seinnu árini verið leiðari á deildini hjá Fiska- marknaðinum í Klaksvík, og framyvir verður tað so hann, sum skal stjórna landingarmiðstøðini. Hetta váttar Harry Benjaminsen, sum er næstformaður í nevndini hjá Fiskamarknaðinum, og sum eis-ini er nevndarlimur í nýggja felagnum. Eisini skal nýggjur stjóri setast til søluliðið í nýskip- aðu feløgunum, Faroe Fish Market. Harry Benjamin- sen sigur, at enn er hesin spurningur ikki endalga avgreiddur. Hann vil tó siga somikið, at stjórin er settur, tá virksemið byrjar fyrst í komandi ári. -jm Landingarmiðstøðin sett stjóra