mánadagur 12. august 2019síða 4

4 Sosialurin Hugskot og viðmerkingar – send sms til 225000 Mánadagur 12. august 2019 · Nr. 91 TÍÐINDI GHETTO Á ARGJUM Fyrrverandi tekniski stjórin í Tórshavnar kommunu og eigarafeløgini undir Kongavarða hava ikki álit á íbúðarbyggingini, sum býráði hevur gjørt eina serstaka byggisamtykt til. Ov nógvar íbúðir á lítlum plássi, og ov víðar byggiheimildir til byggiharran merkir, at eingin trygd er fyri góðsku, halda tey. Mortan Østerø mortan@sosialurin.fo Kommunan hevur verið í ein­ ari drúgvari tilgongd at lýsa alternativar møguleikar innan bústaðarbygging, og 27. sept­ ember í fjør, samtykti býráðið at bjóða lendið undir Konga­ varða út í almennari sølu til bygging av leiguíbúðum. Talan er um er um bygging á einum 10.500 fermetrar øki, ið kemur at standa í røðini við síðuna av teimum fimm íbúðarhúsunum, sum vórðu bygd í 2007 undir Kongavarða. Niðanfyri økið er raðhúsabygging, og oman fyri økið eru sethúsaútstykkingar á Klingrutjørn. Bæði eigarafeløgini undir Konga­varða og Jákup Egholm Hansen, fyrrverandi tekniskur stjóri í Tórshavnar Kommunu, hava farnu tíðina lagt býráðið undir at føra útsølu hvørjum býarskipan viðvíkir. Sambært Jákupi og eigara­ feløgunum var øki upp­runa­ liga var ætlað 30 búeindum, men nú fer byggiharrin at seta 94 íbúðir har. Jákup Egholm Hansen er púra ósamdur í av­ gerðini at fáa fleiri íbúðir bygd­ar á júst hesum økinum und­ir Kongavarða. Sambært Ják­upi, er øki ikki egna til so­ mikið nógvar íbúðir ella ferðslu, umframt, at hann vænt­ar byggitilfarið vera iva­ samt. - Verandi býráðsmeirilutin hevur í reinari desperatión lagt seg skerflatan, og ætlar at loyva ”discount”-bygging av bíligasta og ringast hugsandi slag, bert fyri bøta um sína ringu samvitsku, av ikki at hava gjørt nakað munadygt við bústaðartørvin í góðari tíð. Og kanska eisini fyri at hava nakað at vísa á til næsta komm­unuval. At hetta slagið av bygging verður til ”slum” inn­an stutta tíð, sæst ikki fyrr­ enn byggingin er liðug, og fólk eru flutt inn, men tá er næsta býráðsvalið farið afturum, og tá er eisini ov seint at rætta upp­á mistakið, fyri tann bý­ ling­in sum tá er blivin oyði­ lagd­ur. Og slík bygging er held­ ur ikki ein hjálp til tey neyðars fólk sum eru í tí trongu støðu, at tey noyðast at flyta inn í hesa fyrstu ghetto´ina í Tórs­ havnar kommunu, skrivaði Ják­up Egholm Hansen í lesara­ brævið 2. august. Fyrrverandi tekniski stjórin í Tórshavnar Kommunu mælir býráðnum til at byggja væl færri íbúðir undir Kongavarða, og heldur seta fleiri bústaðir á minni trong pláss í komm­un­ uni. Opið bræv frá eigarafeløgunum Mánadagin í farnu viku, varð opið bræv stílað borgar­stjór­ anum í Tórshavnar Kommunu, Anniku Olsen, um ætlaðu bygg­ingina av 94 leigu­bústøð­ um undir Kongavarða. Avsend­ ar­in av opna brævinum vóru eig­arafeløgini ávikavist undir og eystan Kongavarða. - Íbúgvarnir og eigara­feløg­ ini undir Kongavarða undra seg stórliga, hvat kommunan hev­ur í kvittanum í hesum máli og kenna seg als ikki trygg við, at hendan ætlanin hev­ur borg­ arans besta fyri eygað. Heldur tykist tað sum, at kommunan leypir á leistum fyri at geva privatum byggi­harra ser­sømd­ ir og lendi í gávu fyri at kroysta eina ørvitisverkætlan við 94 búeindum inn í eitt lítið øki, har serkunnleikin í Tórhavnar Kommunu sigur, at pláss bert er fyri 30 íbúðum, skriva eig­ arafeløgini í sínum brævið til Anniku Olsen, borgarstjóra. Tær 94 íbúðirnar skulu byggj­ ­ast í ávikavist trimum og fýra hæddum, tó at hæddin ikki skal taka burtur av útsýn­in­um hjá íbúgvunum við Kling­ur­s­ tjørn, stendur í byggi­sam­tykt­ini. Feløgini havast at, at av­ gerð­in varð tikin í slíkum skundi, at tað ikki var fyrr enn sama kvøld, at íbúgvarnir vórðu hoyrdir í málinum á borg­ arafundi, og tískil ikki høvdu góðar stundir at gera vart við seg. Sambært teimum er ser­ staka byggisamtykt so­mikið laga­lig, at privati byggi­harr­in fær stórt rásarúm at av­gera sjálv­ur hvussu bygt verð­ur, um­framt úr hvørjari dygd til­ farið er. Somuleiðis undrast eigara­ feløgini, at tað hevur eydnast ein­um privatum aktøri at fáa so­mikið stórt øki til høldar fyri lág­prís, umframt, at heild­ar­ ætl­anir um felagsøki og nøkt­ andi ferðsluviðurskifti ikki verða hildin.