mánadagur 12. august 2019síða 14

Mánadagur 12. august 2019 · Nr. 91 14 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 HONDBÓLTUR Tað snúði seg bæði um at læra og hava tað stuttligt, tá ið føroyska landsliðið saman við danska stórfelagnum, BSV, vandi 260 børn í farnu viku Sjúrður Hildarson Hoydal Børnini eru ikki meira enn komin inn um hurð­ina í Høllini á Hálsi mána­morg­ unin 5. august klokkan 9, tá ið tey hitta fyrstu stjørn­ ur­nar, ið skulu seta dám á hond­bólts­skúlan, ið børn­ ini luttaka á mána- og týs­ dagin. Innanfyri hurðina sita fýra U17-stjørnur og skriva børnini inn. Tey fáa vatn­ dunk, blusu og sjálvandi ein bólt frá U17-stjørnunum. Í høll­unum á Argjahamri og í Gunda­dali umframt Hoy­ víks­høllini sita aðrir U17- leikarar og taka ímóti. 260 børn skulu luttaka á hond­ bólts­skúlanum í hesum fýra høllum – og venjararnir eru før­oyska A-landsliðið, og so danska stórfelagið, BSV. Børnini í Høllini á Hálsi hendan mánamorgunin – gentur og dreingir 10 – eru sera spent og til reiðar so at siga ein minutt yvir níggju, men venjingin byrjar ikki fyrr enn klokkan 9.30. Meðan tey seinastu børnini verða inn­skrivaði, fara hini av sínum eintingum at hita upp, bæði við og uttan bólt. Møguliga fyri at vísa ídni fyri donsku og føroysku hond­bólts­stjørnunum, ið skulu venja tey komandi tríggjar dagar­nar. Men helst er veruleikin bert at tey ikki hava hug at bíðja eftir nøkrum so vaksnum sum klokk­uni – tey vilja sleppa at spæla hondbólt. Tey hava tríggjar tímar at venja, og tað tykist ikki at vera ov leingi. Heimsmeistarar og evropa­meistarar venja børnini Tá ið klokkan endiliga er vorðin nóg mikið, er klárt at byrja. Í syðra endanum av høllini standa tríggir stórir menn og bjóða børnunum vælkomin. Hann, ið prátar, er danski veteranurin og ein av heimsins bestu striku­spælarum nakrantíð, Michael V. Knudsen. Hesi tíggju ára gomlu minnast sjálv­andi ikki bestu dystirnar hjá 40 ára gamla Knudsen, ið gjørd­ist Evropameistari við Dan­mark í 2008 – hendan morgun­in venur hann børn, ið eru fødd árini eftir. Tað er eisini mæti danin, ið tekur orðið, tá ið venjingin byrjar, og tað ger hann á pedagog­ iskan hátt, eftir at hann hev­ur spurt børnini um tey skilja danskt: – Eg eiti Michael, eg spæli við BSV, byrjar hann og peikar síðani á tveir menn: – Hetta eru Sebastian og Klaus, teir spæla eisini við BSV, sigur danski risin, og sipar til slovenska Sebastian Skube og danska Klaus Thomsen. Teir báðir hava eis­ini í mong ár verið millum fremstu leikararnir í donsk­ um hondbólti. Heimsmeistari leggur lag á Á hinum vøllinum – í norðara endanum – eru tað Kasper Larsen og Nicolai Øris Hansen, ið skipa venjingina. Sebastian Hundstrup, ið er fimm­faldaður Danmarks­ meistari við fýra ymiskum liðum gongur teimum til handa, men hann stríðist hesar dagarnar við ein skaða og ger ikki nógv um seg. Nicolai Øris Hansen, ið hevur rakað eyðkenda full­ skeggi, ið hann bar tá ið hann gjørdist heimsmeistari fyri hálvum ári síðani, leggur gott lag á. Hann fær einar 25 dreingir at stilla seg tveir og tveir at hita upp og venja tað sama sum bæði smádreingir og heimsstjørnur mugu venja hvørja ferð: At kasta og at lofta. Har er ólíkatal av dreingj­ um, men danski heims­meist­ arin loysir skjótt trupul­ leikan við at kasta og lofta saman við einum av dreingj­ unum, so at allir hava ein felaga í part. Tað gerst skjótt greitt at heimsmeistarin leggur dent á at hava tað stuttligt, og eftir at armarnir á teimum tíggju ára gomlu eru hitaðir upp, vísir hann teimum hvussu tú tveitir aftur um rygg, millum beinini og aðrar ser­ligar kastihættir, Knudsen dámar væl í Føroyum Á syðra vøllinum eru børnini – bæði gentur og dreingir 10 – farin at renna og dribla. Her snýr tað seg um at læra at halda tamarhaldið á bólt­ inum tá ið tú ert í ferð. Fyrsti tímin snýr seg mest um at børnini kenna seg væl, og smá spøl við bóltinum fáa smílini fram á børninum áðr­ enn fyrsta steðgin. Í steðginum greiðir Michael V. Knudsen frá fyri Sosial­inum, at hann – eins og tey flestu – er hugtikin av tí hondbóltsspæli, ið før­ oy­ingar sýna í hesum árum. Hetta er ikki fyrstu ferð at hann roynir seg sum ung­ dóms­venjara, tí hann og Jóhan á Plógv Hansen høvdu eisini ein hondbóltsskúla í Føroyum fyrr í summar. – Hetta er eitt deiligt stað, og áhugin fyri hondbólti er stórur, sigur danski hond­ bólts­leik­arin. Hann greiðir frá, at tað er ikki heilt van­ ligt, at liðið venur onnur, tá ið teir eru á venjingarlegu, men hetta er eisini meira ein samansjóvingartúrur enn ein venjingarlega. Men óroyndir í ungdómsvenjing eru hesir menn ikki, tí at Michael V. Knudsen greiðir frá, at teir venja eisini børn og ung nær­hendis Bjerringbro og Silkeborg, haðani BSV er. Tí dugir hann eisini at siga hvar denturin skal leggjast til slíkar venjingar: – Tað týdningarmesta er at børn­ ini hava tað stuttligt, ger Michael V. Knudsen púra greitt. Serkøn venjing í striku­spælið frá olympiskum meistara Niðri í Gundadalshøllini venja 12 ára gamlir dreingir HØVDU TAÐ STUTTLIGT ÍMILLUM STJØRNURNAR Føroysku talentini