mánadagur 12. august 2019síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 12. august 2019 · Nr. 91 Hugskot og viðmerkingar – send sms til 225000 HONDBÓLTUR um sama mundið. Tá ið Sosial­urin kemur á gátt er venjingin í fullari ferð. Venj­ ingin hevur verið í gongd í góðar tveir tímar, og í øðrum endanum fáa nakrir av dreingjunum venj­ing í strikuspælið frá enn einum strikuleikara í heims­flokki. Tað er 38 ára gamli Jesper Nøddesbo, ið leggur lag á. Hann gjørdist Evropa­meist­ ari í 2008 umframt at hann eisini vann olympisku leik­ irnar í 2016. Dreingirnir skift­ ast at royna seg við at flyta seg tvørtur um mál­teigin, fáa bóltin frá olympiska meistaranum og leypa ígjøgnum tveir verju­leik­arar og skjóta. Jesper Nøddesbo viðmerkir hvørja einastu roynd, um hon fer í málið ella ikki – og allar við­merkingar­ nar eru jaligar og læruríkar. Tað er einki at ivast í at dreing­irnir bæði hugna sær og læra at spæla hondbólt. Ungar føroyskar stjørnur taka yvir Seinnapartin verður skift út í venjaratoyminum. Nú eru tað føroysku A-lands­ liðs­leikararnir hjá monnum, ið leggja lag á hjá teimum ungu. Hesar báðar dagarnar skulu børnini venja ein dag við BSV-leikarunum og ein dag við landsliðsleikarunum. Mánadag seinnapart venja gentur 14 og 16 í Hoy­ víks­høllini, og venj­ararnir eru ikki so nógv eldri. Teir eru Brandur Halgirsson og Tórður Guttesen, umframt teir báðar nýúttiknu lands­ liðs­leikararnar, Bartal Klein Olsen og Leivur Mortensen. Tá ið Sosialurin er í Hoy­ víkshølini eru genturnar í holtur við fleiri kappingar. Tær spæla ímóti einum málið, og tað verður lagt nógv fyri í royndunum. Ungu lands­liðsdreingirnir royna at halda venjingarferðina høga – ikki fyri at leggja trýst á, men tí at teir vita at tær hava tað stuttligast við at kappast. Í einum steðgi hitta vit teir báðar nýggju landsliðs­ leikararnar, Leiv Mortensen og Bartal Klein Olsen. Teir siga júst tað sama sum donsku veteranarnir: – Tað snýr seg fyrst og fremst um at børn­ini hava tað stuttligt. Hetta er fyrstu ferð at teir eru á lands­lið­ num, og munnu verða nakað spentir at royna seg ímóti BSV miku­kvøldið, men teirra fyrsta lands­liðs­uppgáva er altso sum venjarar. Glaður landsliðsvenjari Sonni Larsen lands­liðs­venj­ ari dámar væl at hansara leik­arar royna seg í hesum leik­lutinum, greiðir hann Sosial­inum frá, tá ið fyrsti dagurin er lokin. – Tað, at venja onnur, lærir teg eisini eina rúgvu um hondbólt, sigur venjarin, ið er stak væl nøgdur við fyrsta dagin. – Øll, ið eg havi prátað við, hava latið væl at, sigur venjarin, áðrenn hann leggur tað týdn­ingar­mesta afturat: – Og eg haldi av­ gjørt at børnini hava havt tað stutt­ligt og fingið nógv burtur­úr. Føroyskur heims­ meistari leggur eisini lag á Ein á BSV-liðnum, ið fær eyka uppmerksemi, er sjálv­ andi Jóhan á Plógv Hansen. Sosialurin vitjar í Hoyvíks­ høllini seint seinnapartin týsdag, tá ið gentur 14 aftur eru á vøllinum. Hetta er sein­asti venjingartímin á hond­bólts­skúlanum, og gent­urnar dríva framvegis á. Tær kapp­ast óført við at spæla mini­hondbólt. Hóast um­støð­urnar at spæla eru væl minni enn genturnar eru vanar við í dystum, so fáa tær nógv burturúr. Í hesum spæli er leikferðin í hásæti. Tað gongur við rúkandi ferð aftur og fram, og gent­ur­ nar fáa góða venjing í at taka skjótar avgerðir og útinna tær í skundi. Genturnar eru býttar upp í seks lið, og har er eingin steðgur ímillum dystir­nar. Ístaðin fært tú steðg tá ið tú hevur skotið ímóti málinum, og kemur inn aftur tá ið onkur annar hevur roynt seg. Tað leikar javnt á, og tað er ikki til at siga hvør hevur vunnið og tapt ymsu dystirnar tá ið klokkan verður 17 og venj­ ingin er av; her er frøi á øllum andlitum. Halda fram at flenna eftir venjingina Tað er sum vera man Jóhan á Plógv Hansen, ið førir orðið, tá ið hann takkar gentunum fyri eina góða venjing, meðan Aljoza Rezar og Mads K. Andersen royna at fylgja før­oyska prátinum. Síðani verður prógv handað til lut­ tak­arar­nar, men nú gevur før­oy­ingurin við einum skálka­brosið orðið til danska lið­felagan. Tær umleið 30 gentur­ nar skulu rópast upp, ein í senn, fyri at fáa sítt prógv, og her hoyrist øgiligur látur ímillum tær, tá ið tær hoyra Mads K. Andersen royna sítt frægasta at bera fram føroysku nøvnini. Tá ið tær hava fingið prógv fara tær at práta og taka myndir við venjarunum, og sum vera man er tað Jóhan á Plógv Hansen, sum skal við á flestu myndirnar. Hann tekur sær góða tíð at práta, meðan lið­felagarnir báðir setast at bíða. Onkur spyr í spølni um tað er vanligt at før­oyski vongurin skal taka flestar myndir eftir dystir og venjingar. – Jú, soleiðis er tað altíð, flenna liðfelagarnir. Jóhan sær stór talent í Føroyum Jóhan á Plógv Hansen sjálvur er eisini væl nøgdur við hesar báðar dagarnar. Hann skipaði sjálvur fyri einum hondbóltsskúla í Før­ oyum fyrr í ár: – Hetta er eitt sindur øðrvísi enn tá ið eg sjálvur skipaði fyri JPH Camp, men tað er eisini bara deiligt at møta upp og venja í tríggjar tímar og so er tað liðugt, sigur Jóhan á Plógv Hansen, ið heldur at hesin hond­ bólts­skúlin er eisini sera væl fyriskipaður. Hann er eis­ini stak væl nøgdur við hesar báðar dag­ar­nar: – Tað er altíð stutt­ligt at venja børn og síggja tey royna seg, sigur heims­meistarin áðr­ enn hann greiðir fŕá hvat hann hevur upplivað í før­ oysku høll­unum hesaferð og fyrr í summar: – Tað er deiligt at síggja at føroyskur hondbóltur tekur seg fram. Har er hent ólukk­sáliga nógv bara síðani eg var barn, og tað er so stuttligt at síggja at har eru so nógv, ið hava hug til hondbólt, at so nógvir venjarar í landinum hava hug til at taka sær av teimum – og so eisini at øll duga so væl, sigur høgri vong­urin og heldur fram: – Michael V. Knudsen var við seinast, og hann hevur latið sera væl at; at har eru nógv stór talent. Tað havi eg eisini sæð, bæði seinast eg var her og í gjár tá ið eg hevði gentur 12 og so í dag við gentum 14, sigur Jóhan á Plógv Hansen og staðfestir: – Tað eru heilt vist nógv stór talentir, og um tey hava hug til at blíva við, so skulu tey nokk røkka langt. sjurdur@sosialurin.fo