mánadagur 12. august 2019síða 16

Mánadagur 12. august 2019 · Nr. 91 16 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 FÓTBÓLTUR Sum spælari hevur Zoran Pavlovic vunnið á bæði Real Madrid og Manchester United, og vinnara­hugburðin hevur serbiski venjarin tikið við sær til Tvøroyrar, har hann hevur fingið nógv burtur­úr einum tunnum TB-hópi. – Eg merkti á fólki, at tey vóru bangin um okkum, sigur Zoran um iva­somu vónirnar til TB. – Hart arbeiði skapar úrslit og tolsemi skapar succés, sigur hann Pætur Albinus Reyða Stjørna TB-venjarin, Zoran Pavlovic, hevur upplivað mangt og hvat á fót­bóltsleiðini, sum byrjaði í ungum árum heima í Beograd, Serbia, har hann spældi ung­dóms­fótbólt við stór­felag­num Reyðu Stjørnu, sum í dag eisini er kent sum Crvena Zvezda. Vegurin hjá Zoran til besta hópin hjá Reyðu Stjørnu var ikki lættur. Hann valdi at skifta til tað nakað minni felagið, FC Napredak Krusevac, og eftir nøkur kapp­ingar­ár har skifti hann heimaftur til Reyðu Stjørnu. Tá – sum 25 ára gamal – lá betur fyri. – Eg spældi mest sum hangandi áleypari, og tað eru serliga tveir dystir, ið eg minnist væl, greiðir Zoran frá. Og ikki løgið í tí - talan var veruliga um tveir stórdystir. – Í 1987 spældu vit fjórð­ ings­finalu í Champions League ímóti Real Madrid. Vit vunnu 4-2 heima í Beograd frammanfyri um­ leið 100.000 áskoðarum, sigur Zoran, ið sjálvur varð inn­skift­ur í seinna hálvleiki. Reyða Stjørna tapti tó úti­dystin 2-0 á Santiago Bernabeu í Madrid og reyk við 4-4-javnleiki úr Champions League eftir regl­ uni um úti­vallarmál. – Hin dysturin var ein venj­ingardystur á Old Trafford ímóti Manchester United. Vit vunnu 1-0, sigur Zoran og er skjótur at leggja afturat: – Og eg legði upp til málið! Á liðnum hjá Manchester United vóru menn sum Jesper Olsen, John Sivebæk, Frank Stapleton og Gordon Strachan, og á venj­ara­bonk­ inum sat ein spildur­nýggjur venjari, ið einans hevði verið venjari hjá Manchester United í tveir mánaðir. Hann æt Alex Ferguson. TB-tilboð Tað var undan hesum kapp­ ingar­árinum, at Zoran Pavlovic fekk fyrispurning at standa á odda fyri TB, her hann eisini var spælari og venj­ari eitt skifti síðst í 1990- unum. – Tað fyrsta eg hugsaði, tá eg fekk fyrispurningin, vóru tey góðu minnini eg hevði herfrá, sigur Zoran og trívir í nøkur nøvn, sum hann minnist væl frá fyrra uppi­hald­inum á Tvøroyri, eitt nú Ronnie Midjord, Óla Johannesen, Poul F. Joensen, Sasha Radosavljevic og Karl Øster. Serligan vinskap hevur hann fingið við Ronnie Midjord, sum síðan eisini hevur verið og vitjað Zoran í Beograd. – Eg var jú her við tveim­ um lítlum børnum í 1990- unum, so hjálpina og blíð­ skapin, ið eg fekk, minnist eg sjálvandi væl, sigur Zoran vís­andi til synirnar Luka, ið er føddur í 1991, og Deni, ið er føddur í 1993. Deni spælir í dag við KÍ, meðan Luka er venjari hjá U13- og U15-liðunum í stóra eystur­ríkska felagnum, Sturm Graz. Kona Zoran starvast í dag sum skúlastjóri í Beograd og er ikki við í Føroyum, men tað hevur verið upp á tal at hon eisini skal flyta hendan­ vegin. Góðu minnini úr Føroyum og at annar sonurin spælir her gjørdi sítt til at Zoran valdi at taka av tilboðnum um at gerast TB-venjari, men hann var eisini drigin av ítróttar­ligu avbjóðingini. – Tað hevur verið púra týðiligt, at føroyskur fót­ bóltur er á veg fram. Hetta við at føroyska landsliðið renn­ur seg inn í stórtap kem­ ur nærum ikki fyri longur, og tú sært eisini javnan føroysk lið spæla seg víðari út í Evropa, greiðir Zoran frá. – Og so dámar mær eisini bara væl at fáa nýggjar av­ bjóð­ingar. Tað var eisini ein av nógvu orsøkunum til at eg tók av, leggur hann afturat. Fólk stúrdu Eftir at samstarvið um TB/ FCS/Royn var endað, so hevði Zoran Pavlovic eina stóra uppgávu í at fáa besta liðið hjá TB at megna at standa á egnum beinum í bestu deildini. – Eg merkti á fólki, at tey vóru bangin um okkum, sigur Zoran og leggur aftur­at, at hetta helst kom av tí at tað frætt­ist, at tað fyrstu tíðina ein­ans vóru sjey-átta leik­arar til venj­ingar hjá TB. – Fólk væntaðu einki av TB. Fjølmiðlar og onnur vænt­aðu at vit fluttu beint nið­ur, sigur hann. Zoran hevði tó aðrar ætlanir. – Eg trúgvi upp á hart ar­ beiði. Eg valdi ikki at hugsa negativt og arbeiða við tí, sum vit høvdu, greiðir Zoran frá, sum við tíðini fekk leik­ ar­ar lagdar afturat hóp­inum, men sum heild hevur havt ein sera tunnan hóp at ar­ beitt við. Dømi hava verið um dystir í Betrideildini, har teir einans hava havt tveir út­ skiftarar. – HB, KÍ og onnur stór feløg hava 20-25 leikarar at kapp­ast um plássini. Høvdu vit bara havt 16 spælarar, sum møttu til venjing fimm ferðir um vikuna, so høvdu vit eis­ini kunnað kappast um evro­pe­isku plássini í deildini, heldur Zoran. FÓLK VÓRU BANGIN UM OKKUM TB-venjarin ZORAN PAVLOVIC Føddur: 04.09.1961 Heimbýur: Belgrad, Serbia Støða: Giftur Børn: Luka (f. 1991), Deni (f. 1993) Sum leikari 1979-1982: Reyða Stjørna ungdómur (Jugoslavia) 1982-1985: FC Napredak Krusevac (Jugoslavia) 1986-1990: Reyða Stjørna (Jugoslavia) 1990-1992: Olympiakos (Grikkaland) 1992-1995: Mjällby AIF (Svøríki) Sum venjari 1996-1999: TB (Føroyar) 1999-2000: FK Bane (Jugoslavia) 2000-2004: FK Obilić, hjálparvenjari (Jugoslavia) 2005-2014: Reyða Stjørna, ungdómsvenjari (Serbia) 2015: FK Voždovac, hjálparvenjari (Serbia) 2015-2016: FC Dordoi Bishkek (Kyrgistan) 2019-: TB (Føroyar) Fakta