týsdagur 27. august 2019síða 46

14 Sosialurin Mikudagur 28. august 2019 · Nr. 98 VALBLAÐ Vit vendu eisini halli til avlop Helgi Abrahamsen Sambandsflokkurin Samgonguflokkarnir gera nógv burt­ urúr, at teir hava vent hallinum hjá landskassanum til avlop. Vit síggja talvur sum vísa, hvussu stórt hallið var í undanfarna valskeiði, og hvussu stórt avlopið er nú. Men hvussu rætt er hetta? Ímynda tær ein bát, har menn standa við snellurnar og draga fisk inn á dekkið. Meðan teir stríðast við hetta, liggur ein maður í koyggjuni og svevur. Hetta gongur fyri seg í nógvar dagar. Teir á dekkinum fáa ein fiskin fyri og annan eftir, meðan hin svevur. Men tá skipið er um at vera fult, kemur maðurin í koyggjuni uppá dekkið, og tað passar soleiðis, at hann dregur seinasta fiskin inn um lúnningina, áðrenn skipið fer at sigla heim við fullari last. Tá skipið kemur til lands, reypar hesin maðurin um, at tað var hann sum fylti skipið. Tá hann kom upp á dekkið, var skipið ikki fult, men tá hann hevði verið har eina løtu, bleiv tað fult. Hann fekk jú tann seinasta fiskin. Hevði arbeiðið sum allir hinir høvdu gjørt, áðrenn hann kom und­ an fjarðunum so ongan týdning? Jú sjálv­andi! Arbeiðið vardi í nógv ár Í 2008 varð stórur partur av heim­in­ um raktur av eini fíggjarkreppu. Vit í Føroyum merktu hana eisini. Sam­ gong­an sum kom til á heysti sama árið tók ta avgerð, at heldur enn at traðka harliga á bremsuna, skuldu vit halda gongd í samfelagshjólunum. Úrslitið av tí var, at landskassin hevði 688 mió. krónur í halli í 2009. Síðani tá er eitt miðvíst arbeiði gjørt, fyri at venda hallinum aftur til avlop. Ímeð­ an hava onnur ligið og sovið sín søta andstøðu-svøvn. Men á valinum í 2015, tá hallið næstan var burtur, komu hesi uppá dekkið, drógu teir sein­astu fiskarnar inn um lúnn­ing­ ina, og ganga nú og reypa av, at tey hava vent hallinum til avlop. Jú hallið er vent til avlop, og tað kunnu vit øll fegnast um, - men tað eru altso ikki bara teir seinastu fisk­ ar­nir sum gera, at lastin á einum skipi verður full. Eg flenni í Anglettinum Bjarta Petersen Miðflokkurin Sum flestu nokk hava lagt merki til, sum hugdu eftir Anglettinum tá Arnfinn á Birtuni stóð fyri skotum, so fletti eg. Ja eg flenti entá hart. Onkur vildi kanska sagt tað var óhóskandi, tí maðurin var tíðuligt keddur, og føldi seg ákærdan í forvegin av spurningunum. Hetta er sannheit. Tó so flenti eg, men hví. Jú eg flenti tí eg havi hoyrt hasi argumentini fyrr, og tað ræðir meg. Eg havi hoyrt hasi argumentini frá fólki sum selja og brúka hash og onnur sterkari evnir. Hartil fari eg so at hugsa, at møguliga eru hetta argumentir, sum eru vanlig at brúka. Hetta sum so ræðir meg er: at maðurin hevur møguliga ein rímuligan stóran veljaraskarða í Føroyum. Fyri okkum, sum ikki brúka rúsandi evnir eru hetta tápulig argument, sum onki hald er í. Sjálvandi er hash í sær sjálvum ikki gott fyri teg. Men um tú hevur hoyrt lygnina nóg ofta kennist hon sum sannleiki. Tí er tídningarmiki, at vit svara hesum aftur og vísa á at hash við euforisku evnunum í er farligt. Eg orki ikki tankan um, at míni børn gerast bundin av rúsevnum – heldur ikki fyri at minka um sálarliga pínu. Eg orki ikki tankan um einar Føroyar, har alsamt fleiri eru bundin av hash. Eg orki ikki tankan um at koyra í traffikkinum, og hinir førarirnir eru ávirkaðir av rúsevnum. Eg orki ikki tankan um børnini, sum lýða misrøkt undir foreldum, sum eru bundin av hash. Tað sum flestu okkara kenna til sum sannleika og eru vorðin lærd í fólkaskúlanum er: at hash er tað minst farliga av rúsandi evnunum. Men tó so sera farligt, tí tað opnar sum ein hurð fyri øllum hinum farligaru rúsevnunum. Av teim farligaru rúsevnunum gera summi eitt varandi sálarmein, avhengiheit, ella skitsophreni. Um kannibis flokkurin fær sín vilja merkir hetta eitt sera økt trýst á avvenjingarstøðini. Hetta kundi veri grundin til, at teir hava tikið tað við í sína dagsskrá, at gera meira við avvenjing. Heilaskanningar av fólki, sum hava drukki illa, ella tikið rúsevnir í eina ávísa tíð, vísa at tey hava heilaskaða. Heilt seriøst merkir hetta, at heilin hevur partar, sum eru óaktivir. Tað vil siga heil øki av heilasellum, sum als ikki fungera. Ein slík heilsaskanning vísir ein holutan heila. Eg veit um brúkarar uttanlanda, sum eru blivin kanna, og fortald, at tey mentalt hava niðursett IQ og eru at javnseta við retarderaði fólk. Hetta ger tey tísskil óarbeiðsfør til nógv arbeiðir. Skulu vit lata eina slíka dagsskrá ráða í Føroyum. Hvør bjóðar seg fram at donera síni børn til at vera offur fyri hesum? Nú havi eg ikki nevnt kriminalitet enn, tí kannabis flokkurin sigur teirra loysn minkar um kriminalitet. Har hevur hann í ein vissan mun rætt. Eisini tekur hann synd í fólki, sum ikki longur hava rein pappírir hvat lógini viðvíkur, og ynskir at tey kunnu hava meira frælsi. Hetta er fitt av honum. Tó so bjóðar Miðflokkurin eina nógv betri og simplari loysn: vit anseta nakrar gravhundar til allar tollarar, sum eru á flogvøllinum og umborð á skipum og á øllum postflutningi. Hesir hundar eru forholdsvís lítlir, fittir og mildir. Samstundis hava teir førleika til at geva okkum eina tryggari Føroyar. Føroyar eru so lítlar og so avsíðis, at vit kunnu forholdsvís nemt steðga innflutningi av rúsevnum yvirhøvur. Lat okkum standa saman og standa móti rúsevnum. TRYGG VÆLFERÐ FYRI ØLL Edva Jacobsen, valevni fyri Sambandsflokkin Ynskir tú at varðveita eitt sterkt vinnulív, Støðugar karmar til fiski­ vinnuna, tryggar sosialar livi­um­støð­ ur, styrkt heilsuverk, gott skúlaverk, framtaksfúsan politik á kristiligum mentanarstøði og tryggar fíggjarligar karmar, tá er Sambandsflokkurin eitt gott val. NØKUR HJARTAMÁL: • Sterkt vinnulív • Støðugar karmar til fiskivinnuna • Trygg vælferð • Styrkt heilsuverk/ Viðgerðartrygd til øll • Góðar karmar til hjálpar- og viðgerðarfelagsskpir • Fjølbroyttar íbúðarmøguleikar til allar málbólkar • Fjálga um verkafólki • Kr. 580 upp á grundupphæddina aftur sum skjótast • Samskipa og styrkja skúlatilboð til børn við serligum tøri • Styrkja endurvenjingartilboð og gera tilhoyrandi nýggja lóggávu. Hesi og mong onnur hjartamál vil eg arbeiða hrat fyri um tað verður víst mær álit. Eg fari inniliga at heita á teg um at fara á val og at geva mær tín stuðul, so eg aftur fái møgu­ leika at umboða teg á Løgtingi. - Hvør atkvøða her stóran mun – eisini tín !