hósdagur 29. august 2019síða 5

FRÍGGJADAGUR 30. AUGUST 2019 SOSIALURIN 99 5 Eg eiti Bjarni Hammer og eri búsitandi á Tvøroyri, saman við konu míni, Barbaru og okkara fýra børnum: Bjartu, Manju, Hav­grími og Tór. Vit blivu gift í summar. Familjan og børn­ini er tað sum er mest umráðandi av øllum. Tá saman um kemur, snýr politikkurin seg nett um at hjúkla um børnini – Føroya framtíð. Eg eri útbúgvin løgreglumaður, men havi seinastu 4 árini sitið á Løgtingi, umboðandi Javnaðarflokkin. Eg havi eisini sitið 7 ár í býráðnum. Frítíðina brúki eg saman við familjuni. Eisini takist eg við seyðahald og ítrótt, serliga kappróður. Eg eri sera, sera glaður um at hava sitið á Løgtingið seinastu 4 árini. Til tíðir hevur tað verið strævið. Viðgongd og mótgongd hevur myndað hesa tíðina, men tað hevur verið ein stórur heiður at hava tikið tøk fyri Føroyar og fólkinum her býr. Vit hava fingið nogv av skafti og hava avgreitt flestu stórmálini, sum hava ligið á lánið í áravís. Barnafamiljurnar hava fingið betur sømdir, pensjónin er hækkað munandi fyri tey, sum einans hava samhaldsfesta og fólkapensjónina. Stórt yvirskot er á fíggjarlógini, vinnulívið trívist og arbeiðið er til allar hendur. Vit hava gjørt Føroyar til eitt enn betur land. Tað hevur ongantíð verið so gott at vera føroyingur í Føroyum sum nú og er tað okkara felags ábyrgd, at góða gongdin heldur fram. Tað eru enn føroyingar, sum skulu lyftast longur upp. Eg havi sæð skuggasíðuna av vælferðasamfelagnum. Í yrkinum sum løgrumaður, havi eg veruliga sæð skuggasíðuna av vælferð­ar­ sam­felagi okkara. Sum løgreglumaður í mið­ staðarøkinum kemur ein víða og tað er ikki alt líka tespuligt, ið ein hevur upplivað. Vit hava eina skyldu at gera nakað við hetta og tað gera vit. Tað skal ikki lata seg gera at liva undir fátækramarkinum í einum samfelagi sum Føroyum! Javnaðarflokkurin er einasti flokkurin, sum alla tíðina heilhjartaður hevur ar­beitt fyri vælferð til allar borgarar og, ikki minst, arbeiðir fyri at varðveita væl­ferðarsamfelagið. Vit eru trygdin fyri vælferð til allar borgarar í landinum, tað verið seg ung, eldri, innan vinnulívið og innan tað almenna. Vit meta Føroyar eftir teimum veikastu í samfelagnum. Tað hava vit gjørt nakað við. Vit hava lyft støðið og smalkað gjáirnar. Vit eru tó ikki komin á mál, og fara vit áhaldandi at stríðast fyri betri korum hjá øllum føroyingum. Eg kann lova tykkum, at eg fari framhaldandi at stríðast fyri einum enn betri Føroyum, líkamikið hvussu bylgjurnar bróta. Bjarni Hammer Løgtingslimir og valevni hjá Javnaðarflokkinum Góði veljari – Eg eri stoltur um at verða føroyingur!