mánadagur 2. september 2019síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 2. september 2019 · Nr. 100 Hugskot og viðmerkingar – send sms til 225000 AMERIKANSKUR FÓTBÓLTUR Niklas Reginsson Hugt at amerikanskum fótbólti síðan: 2008 Hvørjum heldur tú við: Dallas Cowboys Hvørji lið koma í Super Bowl: Kansas City Chiefs og New Orleans Saints Hvat lið vinnur Super Bowl: Kansas City Chiefs Hvør spælari verður MVP: Patrick Mahomes Hvat lið fer at yvirraska í ár: Carolina Panthers Hvat lið verður eitt vónbrot: Pittsburgh Steelers Eliesar Olsen Hugt at amerikanskum fótbólti síðan: 2008 Hvørjum heldur tú við: Atlanta Falcons Hvørji lið koma í Super Bowl: Atlanta Falcons og Kansas City Chiefs Hvat lið vinnur Super Bowl: Atlanta Falcons Hvør spælari verður MVP: Julio Jones Hvat lið fer at yvirraska í ár: Pittsburgh Steelers Hvat lið verður eitt vónbrot: Los Angeles Rams Kelda: NFL (leikarar hava atkvøtt) Myndin Hóast einstakar stórar broyt­ingar í summar, so vænt­ar Karstin Jensen ikki at tann stóra myndin í NFL fer at broyta seg so nógv hetta kapp­ingarárið. – Eg vænti ikki at nakað lið kemur sníkjandi og tekur øll á bóli. Samlaða myndin fer at líkjast nógv tí í fjør, men har vera onkrar smærri broyt­ingar, heldur hann. – Vit koma nokk at síggja okkurt lið gera um seg, sum seinnu árini hevur verið í veikara endanum. Cleveland Browns hev­ur verið botn­proppur í nógv ár, men hevur sein­astu tvey árini styrkt seg mun­andi. Í vár fingu teir ongan minni enn Odell Beckham Jr. frá New York Giants, sum telist millum kend­astu NFL-spæl­ ararnar, vísir Karstin á og skoytir upp í, at New York Giants av tí sama er viknað nógv og helst fer at teljast ímillum veik­astu liðini í ár. Eitt annað lið, sum spaku­ liga hevur hug at ressast, er Oakland Raiders. – Eg gleði meg at síggja teir í ár. Teir hava gjørt um seg síðstu 18 mánaðirnar síð­ani Jon Gruden tók við sum venjari. Hann gjørdi ein vørr og sendi fleiri av stjørnunum avstað til onnur lið fyri draft picks, og tað er nú at hesir høgt mettu ungu leikararnir koma at fáa sínar fyrstu dystir í NFL. Teir hava tó eis­ini fingið nakrir profilar inn – eitt nú Antonio Brown, sum eg eri serliga spentur at síggja um hann fer at avrika á líka høgum støði í Raiders sum hann gjørdi í Steelers, sigur Karstin. Rookies Í apríl var ár­ liga NFL-draft­ ið, har øll lið­ ini hvørt eftir øðrum sleppa at velja sær ein leik­ ara úr universitets­ fót­bólts­deild­ini – college football – í USA. Tað er hað­ ani risa talent­ini og komandi stjørnurnar koma, og aftur í ár trína fleiri áhugaverdir leik­arar inn í NFL – deildina fyri teir stóru menninar. Karstin dregur onkrar úr rúgvuni. – Marquise „Hollywood“ Brown er ein ungur receivari, sum stórar vónir eru til eftir at hann hevur gjørt um seg í college football. Hann er í nærm­astu familju við áður­ nevnda Antonio Brown, og teir minna eisini nógv um hvønn annan á vøllinum. Er Marquise bara helvtina so góður sum Antonio, so hevur Baltimore Ravens gjørt eitt sera skilagott val við at velja hann, heldur Karstin. Hinumegin bóltin, í verju­ partinum, eru tað serliga tveir vælvaksnir ungir mans, sum nú trína inn í NFL. – Annar er Nick Bosa. Hann bleiv valdur sum numm­ar tvey í draftinum, og hann skal vera við til at styrkja verjuna hjá San Francisco 49ers. Hann er beiggi Joey Bosa, sum spælir í Los Angeles Chargers. Joey Bosa ger um seg sum defensive end og telist mill­ um bestu leikarar á hesum plássi í NFL. Nick verður av mongum mettur at vera betri enn stóribeiggin, og um so er, so hevur 49ers fingið fatur á einari framtíðar super­ stjørnu, metir Karstin. – Hin er Quinnen Williams. Hann bleiv valdur tíðliga í draftinum av New York Jets, og hann er eitt heilt serligt talent. Hann spæl­ir í defensivu linjuni mitt fyri, og í 2018 var hann ein av allar­bestu leikarunum í college football, har hann við sínum 191 sentimetrum og 138 kilo'um skapti stórar trupul­leikar fyri álopspartin hjá mót­støð­uni, sigur Karstin. Karstin minnir á, at tað er eitt stórt lop frá college til NFL, og at tað kann taka tíð at spæla seg inn á eitt lið, men hann heldur, at leik­ ararnir, ið eru nevndir oman­ fyri, hava evnini til at gera mun alt fyri eitt. Super Bowl Tá ið prátið dettur inn á Super Bowl, so sigur Karstin seg meta, at annar Super Bowl-luttakarin frá í fjør, Los Angeles Rams, aftur í ár fer at koma langt. – í NFC vænti eg at finalan kemur at vera ímillum Los Angeles Rams og Chicago Bears, men at Rams fer at hava munin. Rams hevur eitt væl saman­spælt lið, har nógv­ir eru í besta aldri og spæla á sera høgum støði, sig­ur hann. – Hesaferð vænti eg ikki at New England Patriots kem­ur at umboða AFC í Super Bowl, uttan so at 'Gronk' um­bestemmar seg og kem­ur við aftur. Hann er ein ov týðandi leikari á has­um liðnum, og vit hava sæð álopið havt trupulleikar uttan hann, har Dwayne Allen (avloysarin, red.) ikki megn­ar at fáa eins nógv burtur­úr, sigur Karstin, sum heldur vænt­ar at eitt annað lið fer at snúgva sær framum New Englands Patriots og vera AFC-umboðið í Super Bowl. – Eg vænti at Kansas City Chiefs verður umboðið, og at teir vinna Super Bowl í februar. Teir hava eitt krút­ sterkt lið og hava styrkt seg væl síðan í fjør, tá teir vóru júst ov stuttir at koma í Super Bowl. Um skaðar ikki fara at arga, so vænti eg at teir fara allan vegin við tí energ­iska og undirhaldandi Patrick Mahomes á odda, sig­ur Karstin Jensen at enda. albinus@sosialurin.fo NR. SPÆLARI PLÁSS LIÐ 1 Aaron DONALD Defensive tackle Los Angeles Rams 2 Drew BREES Quarterback New Orleans Saints 3 Khalil MACK Linebacker Chicago Bears 4 Pat MAHOMES Quarterback Kansas City Chiefs 5 Todd GURLEY Runningback Los Angeles Rams 6 Tom BRADY Quarterback New England Patriots 7 Antonio BROWN Wide receiver Oakland Raiders 8 Aaron RODGERS Quarterback Green Bay Packers 9 Julio JONES Wide receiver Atlanta Falcons 10 Von MILLER Linebacker Denver Broncos 11 DeAndre HOPKINS Wide receiver Houston Texans 12 JJ WATT Defensive end Houston Texans 13 Michael THOMAS Wide receiver New Orleans Saints 14 Alvin KAMARA Runningback New Orleans Saints 15 Bobby WAGNER Linebacker Seattle Seahawks 16 Saquon BARKLEY Runningback New York Giants 17 Philip RIVERS Quarterback Los Angeles Chargers 18 Ezekiel ELLIOT Runningback Dallas Cowboys 19 Tyreek HILL Wide receiver Kansas City Chiefs 20 Andrew LUCK Quarterback Indianapolis Colts BESTU LEIKARARNIR Í 2019/20