mánadagur 2. september 2019síða 17

17 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 2. september 2019 · Nr. 100 Hugskot og viðmerkingar – send sms til 225000 Øssur Hansen og B68 vunnu í Sørvági, og KÍ sigurin ber við sær, at 07 Vestur ikki er á uppflytingarplássi FÓTBÓLTUR 1. Deild Jóannes Hansen Løgtingsvalið var orsøk til, at umfarið í næstbestu deildini varð fríggjakvøldið og ikki leygar­dagin, sum tað plagar at vera. Fyri einari viku síðani var tað greitt, at Øssur Hansen skal taka sær av venjingini í barn­dómsfelagnum á Toftum. Fríggjakvøldið hevði hann fyrstu ferð ábyrgdina av B68 lið­num, tá ið avbjóðingin var so stór, sum hon kann vera í næstbestu deildini. Tofta­ menn vóru í Sørvági, og teir vunnu 3-2. Úrslitið ber við sær, at tað í løtuni er einki lið á uppflytingarplássi. 07 Vestur og KÍ hava 38 stig. Málmunurin hjá 07 Vestur er +16. Málmunurin hjá KÍ er +23. KÍ eigur út­ settan dyst ímóti B71 á Sandi. Tann dysturin er settur at vera 13. oktober. Oftast hevur tað víst seg, at næstbestu liðini hjá teim­ um, sum eisini eru um­boð­að í bestu deildini, viknað, tá ið tað er farið um mánaðar­ skiftið august/september. Soleiðis tykist tað ikki at vera í ár. Úrslitini benda á, at Víkingur, NSÍ og KÍ ikki eru viknað meiri enn 07 Vestur, sum í summar misti flestu av útlendsku spælarunum og fleiri spælarar, ið eru aðra staðni frá í Føroyum. Hesin veruleikin kann bera við sær, at tað fyri fyrstu ferð, síðani skipanin við niður­flyting var veruleiki í 1976, ikki verður niður- og upp­flyting millum tvær tær ovastu deildirnar. Tann avgerðin er fram­ vegis í hondunum á 07 Vestur, sum tvær tær næstu ferðir­nar fer at spæla á úti­ vølli ímóti kappingar­neytum til at vinna heiðursmerki. Annað fríggjakvøld skal 07 Vestur spæla á úti­vølli ímóti NSÍ, sum er næst­ fremst, og um tvær vikur skal 07 Vestur spæla í Klaks­ vík. Síðani fær 07 Vestur vitjan av B71, sum higartil í ár hevur havt merkiliga gott tak á teimum í Vágum, so skal 07 Vestur spæla á úti­ vølli ímóti Skála og B36, og í síðsta umfari eigur 07 Vestur heima­vøll ímóti HB. Øssur sigraði í Sørvági 07 Vestur – B68 2-3 Nýggi venjarin, Øssur Hansen, vísti seg at vera góð­ur íblástur hjá B68, sum tvær ferðir megnaði at svara aftur, tá ið heimaliðið hevði lagt seg framum. Miðskeiðis í fyrra hálv­ leiki umsetti 07 Vestur lið­ for­mað­urin Høgni Egilstoft Nielsen brotsspark til 1-0. 18 ára gamli Bárður Ó. Jensen javnaði til 1-1 tíggju minuttir undan steðg­inum. Fyri heimaliðið var tað dygg­ ur smeitur, at lið­for­mað­urin, Høgni Egilstoft Nielsen, stutt undan steðg­inum noyddist skadd­ur av vøll­inum. Kortini eydnaðist tað 07 Vestur í tíðini, sum var løgd aftrat fyrra hálvleiki. Mál­skjútti var Sølvi Egilsson. B68 skoraði tvey mál í seinna hálvleiki. Karstin Clementsen javnaði til 2-2 eitt lítið korter eftir steðgin, og so høvdu gestirnir greiða yvirvág. Í næstsíðsta min­ utti eydnaðist at vinna fulla úrtøku, tá ið Búi í Hjøllum, sum eitt korter framman­ undan var komin á vøllin, skor­aði sigursmálið. Víkingur vann toppdystin Víkingur – NSÍ 2-0 Teir næstbestu hjá Víkingi áttu heimavøll ímóti teimum næstbestu hjá NSÍ. Talan var um kapping um fremsta plássið, tí Víkingur hevði 40 og NSÍ 39 stig. Víkingur vann granna­ uppgerðina 2-0. Næstbesta liðið hjá Víkingi plagar at spæla heima­dystirnar uppi á Brekku í Leirvík. Ljós­viður­ skift­ini í Sarpugerði eru væl betri, enn tey eru í Leirvík. Tí varð dysturin í kvøld í Gøtu. Longu í sjeynda minutti setti Arnbjørn Svensson hol á eftir hornaspark. 1-0 støð­ an helt sær, inntil tað restaði eitt korter. Heimaliðið var meiri í álops­støðu og hevði fleiri royndir ímóti málinum, enn NSÍ hevði. Í 74. minutti eydnaðist tað at økja til 2-0. Málskjútti var Elias Lervig, sum hevur verið fastur maður á besta liðnum. Upplegginum stóð Signar á Brúnni, sum seks minuttir frammanundan var skiftur inn, fyri. Á Víkinga liðnum vóru tað Elias Lervig og Arnbjørn Svensson, sum plaga at vera á besta liðnum. Á NSÍ liðnum vóru eitt nú Per Langgaard, Betuel Hansen, Óli H. Olsen og Øssur Dalbúð. Mikkjal trífaldur málskjútti B36 – KÍ 0-4 Næstbesta liðið hjá KÍ vann stóran sigur í Gundadali ímóti teimum næstbestu hjá B36. Klaksvíkingar vunnu 4-0. Eftir fyrra hálvleik var 2-0. Fýra minuttir eftir steðgin økti KÍ til 3-0, og so var spurn­ingurin bara, hvussu stórur sigurin hjá gestunum fór at verða. Fram ímóti dystar­enda skoraði Hjalgrím Elttør, og so vann I 4-0. Tá ið havt verður í huga, at B36 hevði onkrar, sum hava spælt nógv á besta lið­num, millum teir fyrstu ellivu, so var sigurin kanska óvænt­að stórur. Millum teir fyrstu ellivu hjá B36 vóru Benjamin Heinesen og Hannes Agnarsson. Hjá KÍ vóru Steinbjørn Olsen og Jonn Johannesen á vøllinum í kvøld. 22 ára gamli Mikkjal á Bergi skoraði øll trý tey fyrstu málini. Hann hevur onkra løtuna verið á besta lið­num hjá klaksvíkingum, men fyri tað mesta hevur hann verið á næstbesta lið­ num. Har hevur hann higar­ til í ár spælt 15 dystir, og í kvøld var hann fyrstu ferð mill­um málskjúttarnar. Og tað var ikki hissini, tí í ein stóran hálvan tíma skoraði hann trý mál. Skála longri frá botninum EB/Streymur – Skála 0-2 Fyri fyrstu ferð í ár fór næst­ besta liðið hjá Skála leygar­ dagin fyri aðru ferð á rað av vøllinum við fullari úrtøku. Næstsíðsta leygardag vann Skála 2-1 á heimavølli ímóti Víkingi, og fríggja­ kvøldið vann Skála 2-0 á úti­vølli ímóti teimum næst­ bestu hjá EB/Streymi. Grannauppgerðin í Hólm­ anum var lívlig og undir­ haldandi. Fram ímóti dystar­ enda royndi heima­liðið at spenna álops­bogan í roynd at javna til 1-1. Tað eydnaðist ikki. Dómarin legði nógva tíð aftrat, og tá ið klokkan vísti 96 minuttir, økti Skála um munin. Tað var innskifti Jan Ingason Hansen, sum stað­ festi sigurin. Skála setti hol á lítla løtu undan steðginum. Málskjútti var Aksel B. Danielsen, sum smekkaði bóltin í málið eftir sending frá Poul Kallsberg. Aksel flutti í summar úr KÍ og út á Skála. Á næstbesta KÍ lið­num skoraði hann undan summarsteðginum níggju mál. Fríggjakvøldið skoraði hann fyrsta málið á Skála. HB hóttir B36 HB – B71 3-2 Fríggjakvøldið vann næst­ besta liðið hjá HB 3-2 á heima­vølli ímóti B71. Um somu tíð tapti næstbesta B36 liðið 4-0 á ovara vølli í Gunda­dali ímóti KÍ. Eftir 21 umfør hevur B36 21 stig, og HB hevur 20 stig á ávikavíst áttanda og níggj­ unda plássi. At B71 tapti 3-2 fríggja­ kvøldið ber við sær, at sandoy­ingar hava 22 stig og eru á sjeynda plássi. Átta minuttir eftir steðgin sá Kristian Krog Hentze gula kortið fyri aðru ferð, og tað vísti seg at kosta, at B71 síðsta stóra hálva tíman var undirmannað. Aron Clementsen legði B71 framum, tá ið eitt korter var farið, og miðskeiðis í fyrra hálvleiki javnaði Tormóður P. Djurhuus við 1. Deild menn STØÐAN NR. LIÐ DYSTIR VUNNI JAVNT TAPT + MÁL - MÁL +/- STIG 1. Víkingur 21 12 7 2 42 -20 (+22) 43 2. 07 Vestur 21 12 5 4 45 -26 (+19) 41 3. NSÍ 21 12 3 6 41 -29 (+12) 39 4. KÍ 20 12 2 6 52 -30 (+22) 38 5. B68 21 6 7 8 32 -37 (-5) 25 6. Skála 21 4 11 6 25 -30 (-5) 23 7. B71 20 6 4 10 36 -51 (-15) 22 8. B36 21 5 6 10 33 -41 (-8) 21 9. HB 21 5 5 11 28 -37 (-9) 20 10. EB/Streymur 21 2 6 13 30 -63 (-33) 12 Nú hongur upp­ flytingin í klønum tráði EB/Streymur – Skála 0-2 (0-1) 0-1: Aksel B. Danielsen 42. 0-2: Jan Ingason Hansen 95. Víkingur – NSÍ 2-0 (1-0) 1-0: Arnbjørn Svensson 7. 2-0: Elias Lervig 74. 07 Vestur – B68 2-3 (2-1) 1-0: Høgni Egilstoft Nielsen br 25. 1-1: Bárður Ó. Jensen 34. 2-1: Sølvi Egilsson 45. 2-2: Karstin Clementsen 59. 2-3: Búi í Hjøllum 89. HB – B71 3-2 (2-1) 0-1: Aron Clementsen 15. 1-1: Tormóður P. Djurhuus br 26. 2-1: Villiam Klein 28. 2-2: Eirikur Jacobsen 79. 3-2: Brian Slyne 87. B36 – KÍ 0-4 (0-2) 0-1: Mikkjal á Bergi 13. 0-2: Mikkjal á Bergi 39. 0-3: Mikkjal á Bergi 49. 0-4: Hjalgrím Elttør 74. Máltindurin Clayton Soares B71 . . . . . . . . . . . . . . . . . . . . . . . . 13 Andri Benjaminsen NSÍ . . . . . . . . . . . . . . . . . . . . . . 11 Aksel B. Danielsen KÍ . . . . . . . . . . . . . . . . . . . . . . . 10 Niels Mouritsen 07 Vestur . . . . . . . . . . . . . . . . . . . . . 8 Óli H. Olsen NSÍ . . . . . . . . . . . . . . . . . . . . . . . . . . . 8 Solomon Kwao 07 Vestur . . . . . . . . . . . . . . . . . . . . . 8 22. umfar Fríggjadagin 13. september NSÍ – 07 Vestur B68 – B36 Leygardagin 14. september KÍ – HB B71 – Skála Mikudagin 18. september Víkingur – EB/Streymur brotssparki. Tá ið lítil hálvur tími var farin, legði Villiam Emil Klein HB framum 2-1. Hóast sandoyingar vóru undirmannaðir, so eydnaðist tað Eiriki Jacobsen at javna til 2-2, tá ið tað restaðu ellivu minuttir, men so var tað, at HB skoraði sigursmálið til 3-2, tá ið tað restaðu tríggir minuttir. Málskjútti var Brian Slyne. joannes@sosialurin.fo