hósdagur 5. september 2019síða 11

FRÍGGJADAGUR 6. SEPTEMBER 2019 SOSIALURIN 102 11 Meðan evnisbólkar sita og arbeiða við øðrum málum, sita floksformennirnir og royna at finna semju um fíggjar- og búskaparpolitikkin komandi árini T á ið tríggir flokkar skulu semjast um eina polit­iska kós, so krevst bæði vilji og eitt stórt for­arbeiði. Undir samráðingunum hesa vikuna hava Fólkaflokkurin, Javn­að­arflokkurin og Mið­flokk­ urin sett nakrar arbeiðsbólkar at við­gera tey vanligu málsøkini, sum orku, almannamál, fiski­ vinu­mál og annað. Sjálvir sita formennirnir við teimum tungu málunum, sum fyrst og fremst er búskapar- og fíggjarpolitikkurin. Hjá teimum snýr tað seg um at finna eina kós, sum víkir frá tí kós, fráfarandi landsstýrið legði. Í tað skal leggjast, at teir trígg­ir borgarligu flokkarnir hava funnist hvassliga at, at av­ lopið hjá landskassanum hevur verið ov lítið seinastu árini og at raksturin er vorðin ov dýrur. Teir skulu eisini fyrihalda seg til tey vallyftir, sum flokkarnir hava givið í langa valstríðnum og finna eina loysn fyri, hvussu hesi lyftir kunnu fíggjast. Minni skatt Bæði Fólkaflokkurin og Sam­ bandsflokkurin hava boðað pen­sjonistunum frá, at tey skulu sleppa bíligari í skatti. Sambandsflokkurin hevur sagt, at grundupphæddin í fólka­ pensjónini skal vera skattafrí, meðan Fólkaflokkurin hevur verið bastantur, tá ið tað snýr seg um Samhaldsfasta. Flokkurin hevur sagt, at tað ikki er rætt, at pengarnir í Sam­haldsfasta verða skattaðir tvær ferðir. Fyrst áðrenn teir verða goldnir inn í grunnin og so tá ið borgarin fær útgjald úr grunninum. Formaðurin í Fólkaflokkinum segði greitt undir valstríðnum, at hetta verður broytt frá 1.januar, men tað fer at kosta lands­kassanum og kom­mun­ un­um nógvar pengar. Fyri kommunurnar vil hetta siga, at tær fáa 100 milljónir krónur minni inn í skatti, verður útgjaldið úr Samhaldsfasta skatta­frítt. H a r u m f ra m t h e v u r fólkaflokkurin lovað lægri skatt til lág og meðalinntøkurnar. Ovast millum lyftini hjá Sam­ bandsflokkinum er við­gerðar­ trygd innan 30 dagar.Hetta kostar sjálvandi eisini, men ivasamt hvussu nógv. Miðflokkurin hevur arbeitt nógv við spurninginum um at seta ein sethúsabanka á stovn. Ein banka, sum kann veita lán til sethúsabygging uttanfyri mið­staðarøkið. Bankin skal eftir ætlan veita ískoytislán til fólk, sum velja at seta búgv uttanfyri mið­ staðarøkið, men sum ikki fáa láni­fígging nokk frá teimum pen­ingastovnum, sum vit hava frammanundan. Fiskivinna og hjúnaband Tvey onnur evni, sum for­menn­ ir­nir noyðast at taka sær av eru spurn­ingurin um lógina um fyrisiting av sjófeingi og um hjúnabandsflógina. Tað var soleiðis, at tá ið lógin um fyrisiting av sjófeingi bleiv samtykt av fráfarandi sam­gongu, at tá atkvøddi Bill Justinussen úr Miðflokkinum fyri lógini. Tað vil kortini ikki siga, at hann tók undir við øllum lutum í lógini, men at hann helt kortini at tað bar á rætt borðið í mun til gomlu lógina. Hetta er heilt í stríð við ta fatan, sum Fólkaflokkurin hevur av lógini. Flokkurin vil hava lóg­ina broytta rættuliga nógv. Millum annað vil flokkurin hava alla uppboðssølu av veiðirættindum tiknað burtur eins og flokkurin vil hava menn­ ingarkvoturnar avtiknar. Um tað fer at eydnast s a m ­r á ð ­i n g a r l e i ð a ra n u m úr Sam­bandsflokkinum at finna ein gyltan millumveg á hesum økinum er torført at meta um, tí hann skal eisini viðgera spurningin um hjúna­ bandsllógina. Her eru tað fyrst og fremst Miðflokkurin og Jógvan á Lakjuni úr Fólkaflokkinum sum halda, at lógin skal broytast. Teir halda, at hon fer ov langt og vilja helst steðga á og møguliga gera broyt­ingar, so vit í staðin fyri at gifta samkynd, geva teimum rættin til skrásett parlag. Tá ið hetta er sagt, so eru fleiri aðrir spurningar, sum skulu fáast uppá pláss, áðrenn komið verð­ur til, hvør skal umsita hvørji málsøki í landsstýrinum. Tað plagar at kóka hart tá ið tað skal gerast og ofta kókar grýtan yvir, tá ið navn verður sett á landsstýrisfólk og nevndar­formenn í tinginum. Tað skal ein tolin og smidligur vest­menningur fyri at fáa alt hetta at ganga upp til týsdagin á mid­degi. Aðalmálið hjá nýggju samgonguni er fíggjar- og búskaparpolitikkurin