hósdagur 5. september 2019síða 12

FRÍGGJADAGUR 6. SEPTEMBER 2019 SOSIALURIN 102 12 TEMA: Unga innrásin Ásannast má, at talan gjørdist um eitt serligt løgtingsval farna vikuskifti. Síðani heimastýrislógin varð sett í gildi, hevur løgtingið havt 14 løgtingsfólk, ið hava verið yngri enn 30, og fýra teirra sita nú samstundis á tingi. STEINAR PATURSSON H allbera West, dokt­ari í politiskari vís­ind á Søgu- og sam­felags­ deildini á Fróð­skap­ar­ setr­inum, heldur, at tað er tor­ført at siga, hví ungu valevn­ini fingu so góða undirtøku júst hesaferð. Men styrkt ungmannafeløg kunnu hava havt sín leiklut at spæla. - Hví tað eru so nógv ung ting­ fólk júst hesaferð er ringt at siga nakað vístum. Tað kann vera torført at vita, um talan er um eina einstaka tilvildarliga hend­ ing ella eitt serligt fyribrigdi. Men politisku flokkarnir sum heild eru sera týdningarmiklir, tá tú tosar um rekrutering og upp­aling av politikkarum. Og tað sig­ur seg sjálvt, at politisku ung­manna­ feløgini kunnu hava havt ein leiklut her. Eisini kann tað hugs­ ast, at ungmannafeløgini eru góð til at mobilisera og skapa áhuga mill­um veljarar fyri ungum val­ evn­um. Ungmannafeløgini hava við ár­ un­um fingið ein sjónligari leiklut at spæla, enn tey høvdu fyrr, og hetta kann hava ávirkan á tey ungu valevnini, ið soleiðis standa sterk­ari sum valevni. - Fert tú nøkur ár aftur, so vóru ungmannafeløgini øgiliga frá­verandi, tey vóru næstan ikki- eks­isterandi. Tað er týðiligt, at tey eru vorðin ein sjónligur og týdn­ ing­ar­mikil partur av flokkunum. Hetta hevur við sær, at ung­ manna­feløgini eru kanska góð til at ítaluseta ting og viðurskifti, sum við­urkoma teimum ungu, og harvið verður rekruteringin av teim­um ungu valevnunum eisini betri, heldur Hallbera West. Eitt eindømi sigur ikki nógv Tað ber tó ikki til at siga, um hvørt talan er um ein framatrættaðan trend, ella um hvat valið hesaferð hevur at siga, tí sum er, er talan um eitt eindømi, og tað ber ikki til at gera niðurstøður út frá tí, held­ ur Hallbera West, sum vísir á, at tað avhongur eisini av, um hvørt polit­isku ungmannafeløgini vera verð­andi sjónlig og sterk. - Um tú vísir, at tú klárar at mob­il­isera veljarar, so merkir tað eisini, at tú hevur meira ávirk­an á dagsskránna- bæði í polit­ikki og hjá flokkunum. Men tað kemur jú eisini an uppá, um ung­manna­ feløg­ini megna at halda á við tí ella ikki. - Politikkarar orientera seg altíð eftir hvat upptekur ella ávirk­ar veljarar. Men vit granska slett­is ikki í veljaraatferð í Før­ oy­um. Men teoretiskt vita vit, at polit­ikkarar orientera seg øgiliga kraft­igt í mun til hvat rørir seg mill­um veljarar. Og tað kann vera, at ungmannafeløgini hava nokk so gott fatur á ungu veljarunum, og at tey duga væl at aktivera og mobilisera teir. Allarhelst eingir landsstýrissessir fyribils Hallbera West leggur dent á, at tá tosað verður um formanssessir og landsstýrissessir, so er atkvøðutal ein faktorur, men tað er bert ein faktorur av fleiri. Sostatt er óvist, um vit frameftir fara at síggja ung fólk í landsstýrinum, hóast tey fáa dygga undirtøku á valdegnum. - Tey fólkini, sum fara út í lands­stýrið eru vanliga etablerað í flokk­inum. Tað er óvanligt, at fólk sum fyrstu ferð verða vald inn á løg­ting enda í landsstýrinum. Vit hava eina parliamentariska skip­ an, har styrkin er í, at tú verður upp­vandur í politiska arbeiðinum gjøgn­um flokkarnar, til dømis við at hava sitið í tinginum, áðrenn tú gerst landsstýrisfólk. - Tað verður ofta hildið at vera ein veikleiki, at fólk gerast lands­stýrisfólk, um tey ongar parliament­ariskar royndir hava, tí tey duga ikki arbeiðshættirnir sum óroynd. Tað er undranarvert, um nýggj tingfólk enda úti í lands­ stýrinum. Men tað hendir við­ hvørt, og fólk kunnu altíð yvir­ raska, tað vita vit, sigur Hallbera West. POLITISKU UNGMANNA­ FELØGINI GOTT REKRUT­ ERINGSTÓL