hósdagur 5. september 2019síða 21

FRÍGGJADAGUR 6. SEPTEMBER 2019 SOSIALURIN 102 21 Eftirlýsingin hjá løgregluni gav einki úrslit Løgreglan leitar framvegis eftir einum manni, sum rændi eina kvinnu í Havn um ólavsøkuna ÁKI BERTHOLDSEN AKI@SOSIALURIN.FO T íverri hevur tað ikki givið nakað úrslit enn, so vit leita enn. Tað sigur Halltóra Joensen hjá løgregluni og sostatt hava tey ikki fingið greiði á einum ráni í Havn um ólavsøkuna. Tað var tann 27. juli, umleið klokkan trý um náttina, ein ein maður rændi ein ryggsekk frá eini kvinnu á krossvegnum R.C. Eff­ersøesgøtu og Gripsvegnum í Havn. Í eini roynd at finna fram til mann­in, varð hann eftirlýstur alment í farnu viku. Saman við eftirlýsingini var ein skitsa, sum vísir mannin og áleið, hvussu hann sá út, umframt ein mynd av ryggsekkinum. Men Halltóra Joensen sigur, at enn hevur efturlýsingin ikki givið nakað úrslit, og sostatt leita tey víðari. – Talan er um eitt rán og tað er sera álvarsligt, sigur hon. Hon sigur, at tey høvdu vónað, at fólk høvdu lagt merki til mann­ in, serliga tí hann var í rættiliga ser­merktum klæðum. Serliga buks­urnar, sum vóru gráligar nið­ ur á tjúkkan og við grønari rond nið­ast. Ránsmaðurin var í gráari blusu ella T-blusu, men annars var hann: – Ljósur í húðini – Ímillum 30 og 35 ár – Umleið 175 høgur – Vanliga bygdur – breitt andlit – Stutta pannu – Herðabreiður – Ramligur Og annars hevði hann myrkt, stutt hár og skeggstubbar. So skuldi tað verið onkur, sum kennist við hann, ella ryggsekkin, verður heitt á tey um at seta seg í samband við løgregluna. Eitt ár og tríggjar mánaðir treytaðan dóm fyri siðamisbrot Maður fekk í dag dóm fyri at hava gjørt seg inn á fleiri smágentur í árunum 1992 til 1997 STEINAR PATURSSON STEINAR@SOSIALURIN.FO M aðurin, sum í farnu viku var fyri Føroya rætt fyri at hava gjørt seg inn á fýra smágentur, varð í dag dømdur 15 mánaðar fongsulsrevsing. Fongsulsrevsingin var treytað av, at hann einki revsivert ger komandi tvey árini, umframt at hann ger 200 tímar av samfelagstænastu, og at hann er undir eftirliti hjá Kriminalforsorgini. Ágangurin gekk fyri seg frá árunum 1992 til 1996, og maðurin varð ákærdur fyri brot á grein 216 stk. 2 sambært grein 224, ið er annað kynsligt samband enn samlega við børn undir 12 ár. Genturnar, ið allar eru vaksnar í dag, vóru millum trý og níggju ár, tá ágangurin gekk fyri seg. Dómarin vísti á, at maðurin var dømdur fyri málini 1, 2 og 4, men at ákærin hevði ikki nøktandi próvførslu fyri, at í máli nummar trý var talan um annað kynsligt samband enn samlegu, og at málið var sostatt fyrnað, tí tað fall undir blúnisbrot, ið hevur linari revsirammu. Fyrning av málunum er tengd at revsirammuni fyri lógarbrotið, og tí var triðja málið fyrnað. Dómarin gjørdi eisini greitt, at talan var ikki um eitt lætt mál at avgreiða, tí fyrningarlóggávan var broytt fleiri ferðir, síðan lógarbrotið var farið fram, og at nógv arbeiði var farið í at kanna, um hvørt málini vóru fyrnað ella ikki. Ákærin hevði kravt tvey ára treytaleysa fongsulsrevsing, umframt at maðurin skuldi gjalda endurgjald. Verjin hevði kravt frídøming til mannin. Dómarin kom ikki til nakra greiða niðurstøðu í málinum um endurgjald, men segði, at tað mátti roynast sum borgarligt mál. Ránsmaðurin líkist tí á hesari tekningini. Legg serliga merki til buksurnar Soleiðis sá ryggsekkurin út, sum var stolin