mánadagur 9. september 2019síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 9. september 2019 · Nr. 103 TÍÐINDI FØROYAFERÐIN HJÁ SEA SHEPHERD HEVUR EYDNAST - Í EIN VISSAN MUN Áki Bertholdsen Herferðin hjá Sea Shep­ herd ímóti grindadrápi í Føroyum, hevur eydnast, í hvussu so er í ein ávísan mun. Tað sigur Páll Nolsøe, kunningarráðgevari hjá Landsstýrinum, har hann eisini hevur ábyrgdina av at verja okkara rætt til at drepa grind. Hesi seinastu árini hevur Sea Shepherd skift taktikk í herferðini ímóti grinda­drápi. Fyrr løgdu tey bein­ leiðis upp í grindadráp í eini roynd at forða tí. Men tað gera tey ikki longur, tí nú er taktikkurin at taka myndir og film av grindadrápum við tí enda­máli at spjaða mynd­ ir og filmar um allan heimin, bæði á sosial­um miðlum, og við at senda til­farið til miðlar ymsa­ staðni. Í hesum sambandi hev­ ur fólk frá Sea Shepherd verið í Føroyum í alt summar, har tey hava tikið myndir og film av nøkrum grindadrápum. Og Páll Nolsøe ásann­ ar, at tað hevur eydnast teim­um at fáa útlendskar miðlar at prenta mynd­ir­ nar, eisini nakrar stórar miðlar. Hann leggur afturat, at ábendingar eru eisini um, at Sea Shepherd hevur fingið sær serkøna miðla­ fyritøku at hjálpa sær at spjaða tilfarið runt til miðlar ymsastaðni í verð­ ini. Hinvegin leggur hann afturat, at føroyingar hava ikki fingið fleiri mót­mæli enn vit plaga at fáa, so í so máta er einki broytt. Kundi gjørt tað verri Páll Nolsøe sigur, at lands­ stýrið fylgir við teirri um­ røðu, grindadráp fær úti í heimi, og har verður serligur dentur lagdur á at rætta skeivar og vill­ leiðandi upplýsingar um grindadráp, sum var púra vanligt fyrr. Harafturat leggur Lands­stýrið stóran dent á at føra fram, at grindadráp er burðar­ dygt. Men hann ásannar sam­stundis, at í seinastuni hevur ikki verið talan um skeivar og villleiðandi upplýsingar sum so. Hann sigur, at talan er mest um at vísa mynd­ir­ nar við einum teksti, men talan hevur ikki verið um villleiðandi og skeivar upp­lýsingar sum so. Í hesum sambandi hevur nógv kjak verið um, antin tað yvir­høv­ur er rætt at loyva umboðum fyri hvala­vernd­ar­felags­ skap­ir at taka myndir av grinda­drápi, tá ið einasta endamálið við tí er at skaða okkara umdøømi úti í heimi í eini roynd at trýsta okkum til at gevast at drepa grind. Í hesum sambandi helt Karl Johansen, sýslu­ maður fyri við tíðinda­ port­alin www.in.fo nú ein dagin, at hann heldur, at tað er ein vónleys upp­ gáva at nokta fólki at taka myndir og video av grinda­drápi. Hann segði, at eru áskoðar­ar ikki í vegin, ella til ampa fyri grindadrápi, hava tey fullan rætt at hyggja at. Og tey hava eisini fullan rætt ti at taka myndir. – Og vit hava einki at krógva, so eg dugi ikki at síggja trupulleikan í, at myndir verða tiknar av tí, sigur sýslumaðurin. Hann heldur tvørtur ímóti, at nokta vit fólki at taka myndir, kann tað skjótt tulkast sum um at vit hava nakað, vit vilja fjala og hava ringa samvitsku av. Páll Nolsøe er samdur í hesum sjónarmiði hann legg­ur afturat, at tað er al­menni politikkurin hjá lands­stýrinum, at vit hava einki at fjala. –  Høvdu vit roynt at fjalt grindadráp hevði tað kanska elvt til enn fleiri mótmæli, tí so hevði tað verið ført fram, at vit royna at dylja grindadráp, heldur hann. Føroyskir miðlar mugu taka kjakið Eitt er so tað, at Sea Shepherd tekur myndir av grindadrápi. Men ser­ liga hevur tað elvt til kjak, at eisini føroyskir miðl­ar taka myndir av grindadrápi, sum Sea Shepherd, og aðrir felags­ skap­ir, síðani brúka ímóti okk­um sjálvum. – Í Føroyum hava miðl­ ar­nir eisini frítt at virka, so tað stendur full­komi­ liga til teir sjálvar at taka støðu til, hvørjar myndir teir almannakunngera. Men hinvegin ásannar hann eisini, at tað er nett­ upp myndirnar, sum eru tað besta kortið hjá Sea Shepherd í stríðnum ímóti grundadrápi. Og hann heldur av­ gjørt, at føroyskir miðlar eiga at taka kjakið upp um tað er nakað endamál í at taka myndir av hvørj­ um grindadrápi. Hann ásannar, at Sea Shep­herd fær helt sínar myndir kortini, men myndir­nar úr føroyskum miðlum verða so brúktar afturat tí, tey útvega sjálvi. – Vit síggja, at myndir frá føroyskum miðlum ferð­ast á internetinum í fleiri ár eftir at tær eru tiknar, leggur hann aftur­ at. Ho hann heldur, at vit eiga at gera okkum greitt, at taka vit myndir av grindadrápi, verða tær brúkt­ar ímóti okkum, sigur Páll Nolsøe. Hann vísir eisini á, at skal Sea Shepherd út­ vega útvega sínar egnu myndir, er tað ikki sørt kostnaðarmikið hjá teim­ um, tí tað krevur at tey senda fólk til Føroyar, umframt at rindast skal fyri fyri mat og gisting. –  Tí ger tað arbeiðið lættari hjá teimum, tá ið før­oyskir miðlar eisini taka myndir og leggja tey á internetið, sigur Páll Nolsøe. Herfyri segði Ólavur Sjúrðar­berg, formaður í Grinda­mannafelagnum, at eftir hansara tykki eiga miðlarnir í Føroyum ikki at taka myndir av grinda­ drápi og at leggja tær á internetið. –  Eg haldi ikki at vit skulu ganga um­hvørvis­ felags­skapum til handa upp á hendan mátan og at hjálpa teimum við myndum, hvørja ferð ein grind leggur beinini, segði hann. GRINDADRÁP Føroyskir miðlar eiga at viðgera spurningin um tað er rætt at taka myndir av grindadrápi, heldur Páll Nolsøe, kunningarráðgevari í Landsstýrinum, har hann eisini hevur ábyrgdina av at verja okkara grindadráp HEVUR GIVIÐ ÚRSLIT Sea Shepherd hevur skift taktikk í stríðnum ímóti grindadrápi, og Páll Poulsen, ráðgevari hjá Landsstýrinum ásannar, at herferðin hjá Sea Shepherd í Føroyum í summar, hevur givið úrslit