mánadagur 9. september 2019síða 18

Mánadagur 9. september 2019 · Nr. 103 18 Sosialurin Hugskot og viðmerkingar – send sms til 225000 Hugskot og viðmerkingar – send sms til 225000 FÓTBÓLTUR Dystur 1 hesa vikuna... Spælarametingar Tróndur Arge GUNNAR NIELSEN 7.5 So kenna vit Gunnar Nielsen aftur. Hann hevur fleiri bjargingar og onkrar av teimum er á góðar. Hann kemur eisini út frá strikuni og loftar innleggum. Onkur iva­som støða er, men sum heild stóð Gunnar væl. HEINI VATNSDAL 7.5 Stendur sterkastur í myndini av verjuspælarunum. Vinnur sínar tvídystir við ágrýtni og stryki. Spældi eisini bóltin væl frá sær, men skal kanska vera eitt sindur meiri klárur til 4-0 málið. Tá Heini er klárur eigur hann fast pláss á landsliðnum. ATLI GREGERSEN 7 Tað var her, at aldursforsetin skuldi blivið avbjóður av kviku spaniólunum, men evn­ini hjá Atla at plasera seg eru so góð, at hann næst­ an hvørja ferð vendir rætt og fær vart fyri. Sær tó ikki so heppin út í 1-0 mál­inum, men tá er bæði frí­spark og rangstøða. Stýrdi væl og helst í oyrunum á spæl­ar­unum. RÓGVI BALDVINSSON 6 (Út 55.min) Hetta var nógv betri enn móti Svøríki. Hevði tó eitt sindur størri avbjóðingar í avspælinum enn liðfelagirnir í verjuni. Bæði 2-0 og 3-0 kom úr hansara síðu, men uttan at Rógvi eigur skyldina. SØLVI VATNHAMAR 7 Stóð seg væl sum vong­bakk­ ur í høgru. Leirvík­ing­urin er skilagóður í avspælinum og tað sást serliga í fyrra hálv­ leiki. Vardi fyri fleiri av inn­ legg­unum og átti dagsins detalju, tá hann gjørdi tunell við innskifta Pablo Sarabia. BRANDUR HENDRIKSSON 7 Tuskaði runt á vøllinum sum ein tarvur og stang­aði allar spani­ ólar, sum stóðu í vegin. Tá hann fekk bóltin bleiv hann til ein ele­gantan bólt­spæl­ara, sum eins væl kundi verið spani­óli. Mundi bliv­ið fang­aður eina tvær ferðir framm­an­ fyri egn­an brots­teig. HALLUR HANSSON 7 Orkuríkur sum fáur. Kemur ikki í tær spennandi støður­ nar, men leggur nógvar kilo­metrar eftir sær í verju­støðu. Fleiri ferðir í nær­dystum og skilagóður í av­spæl­inum. Kanska í so djarv­ur á bóltinum onkra einkulta ferð. VILJORMUR DAVIDSEN 6 Spældi í útgangsstøði longur framm enn móti Svøríki, men bleiv trýstur aftur í egna verju. Kemur væl fram við, tá vit hava okkara størsta málmøguleika í fyrra hálvleiki. Betri enn seinast, men enn eitt sindur frá tí besta vit hava sæð. JÓAN SÍMUN EDMUNDSSON 7 (ÚT 65.min) Spældi hesa ferð sum ein 10’ ari í høgru. Er fleiri ferð­ ir við í smáspælið og vísur bóltførleika á høgu stigi. Eigur lut í besta møgu­leik­ anum í fyrra hálvleiki, men tykist darvaður av skaða í seinna hálvleiki, har hann verður skiftur út. JÓANNES BJARTALÍÐ 8 Dagsins spælari á før­ oyska liðnum. Kemur tríggjar ferðir í góð­ ar støður. Skot í fyrra hálvleiki, frí­leypari í seinna hálv­ leiki, og er fiksur og knappur, tá Sergio Ramos má brúka hondina fyri at steðga einum skjót­ álopið hjá okkum. Í verju­ part­inum rennur hann fyri fleiri og tað telur upp. Av­ rikið manglaði bara eitt mál. JÓANNES BJARTASTUR Í GIJÓN Spælarametingarnar úr Gijón er merktar av, at avrikið var meir enn góðkent meginpartin av tíðini. Ongin spælari er undir miðal og allar hava rós uppi­borið fyri avrikið sunnukvøldið í Spaina, hóast vit til endas taptu 4-0 Jóannes Bjartalíð, dagsins maður í Spania