týsdagur 10. september 2019síða 13

13 Sosialurin Hugskot og viðmerkingar – send sms til 225000 Mikudagur 11. september 2019 · Nr. 104 TÍÐINDI - Tað er týdningarmikið, at vit lata dyrnar upp og bjóða okkara mentan fram, sigur nýggi leiðarin í Føroyahúsinum, Sissal Kampmann - ØLL SKULU FØLA SEG HEIMA Í FØROYAHÚSINUM Pætur Hjalmar Evensson Nýggi leiðarin í Føroya­ húsinum eitur Sissal Kamp­mann, sum vit kenna sum eitt nú yrkjara og fjølmiðlafólk. Hon byrj­aði í leiðarastarvinum 1. august og er somuleiðis fyrsti kvinnuligi leiðarin í søguni hjá Føroya­húsi­ num. Sjálv hevur Sissal Kampmann nógv fóta­ spor í Føroya­húsi­num, og hon hevur roynt seg í næstan øllum leiklutum har. Hon hevur bæði gjørt mat, serverað, vaskað upp og vaskað gólv, skipað fyri tiltøkum og enntá verið lærari á føroyska skúlanum. Hennara tilknýtið til húsið er sostatt sera sterkt, og hon er ein av fleiri, ið umtala Føroya­ húsið sum tað bláa húsið. - Bláa húsið er onkurs­ vegna mítt annað heim, og eg eri nakað so góð við tað. Hetta er eitt sera litríkt stað bæði við­víkjandi týpum og aldurs­bólkum, sigur Sissal Kampmann, sum nú er flutt aftur til Keyp­ mannahavnar eftir fýra ár í Føroyum. - Tað perfekta starvið fyri meg Hóast nógv fótaspor og initiativir í Føroya­ húsinum so hevur Sissal Kamp­mann ongantíð roynt at verið aftan fyri leik­tjøldini - inntil nú. - Júst hetta var eg eitt sindur ørkymlað um, tá eg søkti starvið, tí fyrisiting er ikki nakað, eg havi verið so køn í. Men við tí góða baklandinum her í Føroya­húsinum, so ivist eg ikki í, at eg skjótt fari at læra tað, sigur nýggi leiðarin. - Aftan á at hava um­ hugsað hetta, varð eg sann­førd um, at hetta var tað perfekta starvið fyri meg. Tí gjørdi eg av at senda eina um­sókn avstað, tó uttan yvir­ høvur at vænta, at eg fór at fáa tað. Føroyahúsið sum vit kenna tað Føroyahúsið er júst høvuðs­umvælt, so nú er endiliga klárt at fara í gongd við dagliga virk­ semið í bláa húsinum á Vesturbrúgv aftur. - Alt fer sjálvandi at halda fram akkurát, sum tað hevur gjørt. Tað skal vera pláss fyri týs­dags­ døgurðum, teirri sið­ bundnu mentanini og øllum hinum, sum er farið fram her seinastu nógvu árini, vissar Sissal Kamp­mann fyri. - Har eru nøkur fólk, sum eru knýtt at húsi­ num, sum eiga lívið í tí, sigur hon og sipar eitt nú til Heina Davidsen og Virgar T. Dalgsgaard. - Teir persónarnar kann mann ikki klára seg uttan, bæði so og so. Teir hava so nógva vitan og duga at seta ting í verk, sum teir hava gjørt so ofta áður, sigur Sissal Kamp­mann. - Men tað týdn­ingar­ mesta er, at raksturin er sunnur, og at botnlinjan er svørt og ikki reyð. Tískil eru vit noydd at halda fast í teimum út­ vortis leiðarunum, sum hava tryggjað ein støðug­ an búskap, sigur hon. - Fólk skulu brúka húsið Stóra ynskið hjá Sissal Kampmann fyri fram­ tíðina er at fáa fólk í øllum aldrum at føla, at Føroya­húsið er teirra hús. Hon heldur tað vera spell, um tey fínu hølini á bestu adressu í Keyp­mannahavn standa hálvgum tóm í staðin fyri at vera gagnnýt til fulnar. - Tað er av stórum týdn­ingi, at øll føla seg heima her og føla, at húsið er teirra. Fólk skulu vita, at tað er møguligt at út­folda seg her og brúka hølini, sigur hon og vísir á nøkur dømi, hvussu húsið kann brúkast sum eitt kreativt verkstað. - Um tú skalt skriva eina uppgávu, ert tú altíð vælkomin her at skriva, og tað sama um tú hevur tørv á at leggja eitt manuskript á 100 síður niður á eitt stórt gólv fyri at fáa yvirlit. Ella um tú skalt hava ein fund ella tiltak, ella royna eina konsert ella lista­ installatión, sigur Sissal Kampmann. Vil bjóða føroysku mentanina fram Eitt annað, sum Sissal Kamp­mann ætlar at leggja seg eftir komandi tíðina, er at brúka Føroya­ húsið til at bloyta upp uppá nakrar fordómar hjá dønum og øðrum um Føroyar. - Eg haldi, tað er týdn­ ingarmikið, at vit lata dyrnar upp og bjóða okkara mentan fram og bjóða øðrum inn í okkara mentan. Tað finnast nógvir Føroyavinir og onn­ur fólk, ið eru áhugað í Føroyum sum tjóð og mentan, sum ivaleyst vilja støkka inn á gólvið. Sissal Kampmann sig­ur, at vit føroyingar kunnu brúka húsið til at vísa á, hvørji vit eru, hvat vit kunnu, og hvat vit standa fyri. - Kanska fólk so byrja at skilja, at vit ikki bara eru sovorðni blóðtyst grinda­drápsfólk, sum eta turran fisk og hvørki hava internet ella far­ vegir, flennir Sissal Kamp­mann við einum glimti í eyganum. - Hans Petur dugir at taka avgerðir Sum leiðari í Føroya­ húsi­num eru tað nógv ting, sum Sissal skal seta seg inn í. Tí er fráfarandi leið­arin, Hans Petur í Brekkunum, enn til staðar og leggur lag á. Men í næsta mánað takkar hann fyri seg, og tá skal Siss­al Kampmann standa heilt á egnum beinum í leiðara­ sessinum. Tey bæði kennast væl frammanundan, tí Hans Petur var leiðari hjá Sissal í sjey ár, meðan hon arbeiddi í Føroya­ húsinum fyri nøkrum árum síðani. - Eg havi stóra virðing fyri honum og havi ofta beundrað hansara evnir at taka skjótar avgerðir. Hjá honum er tað antin ja ella nei, sigur Sissal Kamp­mann. Sissal skal læra av feilunum Hans Petur hevur gjørt Sissal greitt, at hon fer at gera nógvar feilir, og at feilirnir eru neyðugir, tí tað er feilunum, hon kem­ur at læra av. - Eg eri persónliga rætti­liga bangin fyri at gera feilir, men so leingi eg ikki koyri húsið á heysin, so skal tað nokk vera við til at menna meg sum persón og leiðara. Mann er jú noyddur til at fáa vaccinir fyri barna­ sjúkur, sjálvt um mann er vaksin, sigur hon skemt­ andi. - Tað er øgiliga diplo­ mat­iskt at vera ærligur um tað, so tað er gott, at hann hevur sagt tað uppá tann mátan, sigur Sissal Kamp­mann, sum gleðir seg til komandi tíðina í Føroya­húsinum. pature@sosialurin.fo SISSAL KAMPMANN: Soleiðis sær nýumvælda Føroyahúsið út í dag