hósdagur 12. september 2019síða 5

FRÍGGJADAGUR 13. SEPTEMBER 2019 SOSIALURIN 105 5 Tann kaldasti vinnur kappingina um eina nýggja samgongu Meðan hetta verður skrivað er onki samband millum teir tríggjar flokkarnar, sum annars ætlaðu at skipa eina borgarliga samgongu ARNI GREGERSEN GREINING: Í skjótt 14 dagar hava tríggir borgarligir flokkar roynt at semjast um at skipa eina nýgga samgongu. Fólkaflokkurin, Sambands­ flokk­urin og Miðflokkurin hava latið væl at gongdini í sam­ ráðingunum og teimum er eydn­ ast so at siga at skriva eitt sam­ gongu­skjal, sum allir flokkar kundu taka undir við. Men so kom stígur í. Mikukvøldið eftir at floks­for­ mennirnir høvdu sitið saman tað mesta av degnum, hendi ein blokering, sum gjørdi at sam­ ráðingarmennirnir, sum eisini eru formennirnir í teimum trimum flokkunum, valdu at fara til hús, uttan at avtala nýggjan fund. Hvat var einstaka málið, sum sleit samráðinganar, hava vit ikki fingið at vita, men at semja ikki fekst um, hvør flokkur skuldi um­ sita hvørji málsøki er av­ger­andi. Vit vita, at bæði Fólkaflokkurin og Sambandsflokkurin hava lagt stóra áherðslu á, at teir vilja sleppa at umsita fiskivinnumál. Tí hóast ymiskt er skrivað í sam­gongu­ skjalið um hetta, so vita polit­ik­ ar­ar eisini, at tann sum umsitur mál­ini hevur stóra makt og kann fara ómetaliga langt. Støða skal eisini takast til menn­ingarkvoturnar og tað, sum verð­ur selt á uppboðssølu. Verður tað, sum er selt og latið higartil lagt saman, so er talan um millum 180.000 og 190.000 tons av fiski, sum onkur skal hava kom­ andi árini, so hvørt, sum loyv­ini ganga út. Eitt annað mál er um rættindini verða broytt til rullandi loyvir, heldur enn átta ára loyvir, sum skulu endnurnýggjast hvørt ár. So halda summi, at hetta fer at líkjast ís­lendsku skipanini, sum ger at rættindini verða privatiserað og kunnu seljast millum privat vinnu­rekandi. Fólkaflokkurin og Sambandsflokkurin Stríðið um hvør skal umsitta fiski­vinnuna hongur saman við hesum, sum stendur omanfyri og tí vil Sambandsflokkurin sleppa at umsita fiskivinnumál. Flokkurin heldur – ella part­ar av flokkinum – at fær Fólka­flokk­ urin hetta málsøkið, so verður alt rullað aftur ogt so verður bert um­ sit­ingarætlanin eftir av lógini um fyrisiting av sjófeingi. Báðir flokkarnir, eins og Mið­ flokkurin, høvdu fund við bak­ landið mikukvøldið, har for­menn­ ir­nir greiddu frá, hvussu langt samráðingarnar eru komnar. Hetta hevur sjálvandi fingið sam­ráðingarmennirnar at standa enn fastari, tá ið teir hittust fyri higartil seinastu ferð seint miku­ kvøldið. Bárður á Steig Nielsen, sam­ ráð­ingarleiðari, sigur, at tá stóð í botni og hann sá ikki nakran møgu­leika at halda fram og tí fóru for­mennirnir til hús um 23-tíðina miku­kvøldið. Nú skal gerast vart við, at hetta verður skrivað beint undan evsta­marki klokkan 16 hósdagin, so tingini kunnu vera broytt, tá ið blaðið kemur út. Bárður á Steig Nielsen segði við FM1 á middegi hósdagin, at okkurt fór at henda – annaðhvørt verður hildið fram – ella noyðist hann at boða løgtingsformanninum frá, at hend­an samansetingin av flokk­ um bar ikki á mál. Aðrir møguleikar Í politikki eru ofta aðrir møgu­ leik­ar, sum kanska ikki eru so eyð­sýndir frá byrjan, men í sam­ an­setingini av Løgtinginum hesa­ ferð, er ein upplagdur annar mate­ mat­iskur møguleiki, sum kann ger­ast veruleiki. Sambandsflokkurin kann velja at fara saman við Javn­að­ar­flokk­ inum og Tjóðveldi. Teir trígg­ ir flokkarnir hava tilsamans 20 ting­limir. Hetta krevur tó, at bæði Sambandsflokkurin og Tjóðveldi eru samdir um at lata spurningin um loysing liggja komandi fýra árini. Bárður Nielsen er í eini lykla­ støðu, sum ger at hann kann royna tann vegin og gevur tað ikki hans­ara flokki nóg mikið, so kann hann venda aftur til Miðflokkin og Fólkaflokkin. Tað einasta sum er vist nú hetta verður skrivað er, at tingfundur er leygardagin klokkan 10 og tá skal ein nýggjur tingformaður veljast. Politikkur Bárður á Steig Nielsen, samráðingarleiðari. Fiskivinnan er ein stórur knútur í samgongusamráðingunum. Jørgen Niclasen er formaður í Fólkaflokkinum. Jenis av Rana er formaður í Miðflokkinum.