hósdagur 12. september 2019síða 13

FRÍGGJADAGUR 13. SEPTEMBER 2019 SOSIALURIN 105 13 Fiskivinnulóggávan má skipast av nýggjum HALLUR AV RANA HALLUR@SOSIALURIN.FO J an Højgaard, formaður í Føroya Fiskimannafelag, hevur ikki brúk fyri langa um­hugsunartíð, tá hann verður spurdur um hvørji mál ein nýggj samgonga má raðfesta tey næstu fýra árini. Næsta eins skjótt sum spurn­ ingurin bleiv settur, vísti for­mað­ ur­in á, at neyðugt er at gera upp við tann fiskivinnupolitikk, ið undanfarna samgongan millum Javnaðarflokkin, Tjóðveldi og Framsókn hevur ført tey síðstu fýra árini. Ein politikk, ið hann kallar fyri beinleiðis skaðiligan fyri Føroya land. - Vit halda at fiskivinnulóggávan má skipast av nýggjum. Vit høvdu eina kollvelting av fiskivinnuni, ið var skaðilig fyri okkara land. Tí er okkara ynski til eina nýggja sam­gongu, at nakrar broyt­ingar verða framdar hesum við­víkj­andi, sigur formaðurin í Fiski­manna­ felagnum. Strika uppboðssøluna Og tað er grundleggjandi partar av nýggju fiskivinnulóggávuni hjá undanfarnu samgongu, ið for­maðurin er ónøgdur við, og tí ynsk­ir at ein nýggjur politiskur meiri­luti ger broytingar í. - Ítøkiliga ynskja vit, at upp­ boðs­sølan av fiskirættindum verð­ur strikað og at loyvini verð­ur knýtt aftur at skipunum, so at vit aftur fáa gjøgnumskygni í skip­an­ ini, sigur Jan Højgaard. Fakfelagsformaðurin metir nevni­liga, at tær grundleggjandi broytingarnar, ið blivu gjørdar í fiskivinnuni í samband við fiski­ vinnu­nýskipanini, ikki hava verið til frama fyri limirnar hjá felagn­ um, men tvørturímóti hava styrkt reið­ararnar. - Við nýggju fiskivinnuskipanini hava ymiskir aktørar fingið frítt spæl at hála pengar úr føroyska sam­felagnum. Fakta er í dag, at reið­ar­arnir eru glaðir fyri nýggju fiski­vinnulóggávuna, tí nú kunnu teir gera akkurát sum teir sjálvir vilja. Teir hava fingið fullkomiliga frí­ar teymar, sigur Jan Højgaard og leggur afturat. - Hetta eru tvey sera týdn­ing­ ar­mikil mál, ið vit ynskja broytt við nýggju skipanini. At tað fyrst og fremst eru hesi bæði mál er tí, at nógv av hinum megnaðu vit at forða í undanfarna valskeiði. Har­ímillum eydnaðist at forða tí óetiska fyribrigdinum, ið eitur kvot­ur, og sum hevur gjørt enda á fiski­stovnum um allan heim, sigur Jan Højgaard. Endurstovna Fiskidaganevndina Tá Føroya løgting í 22. desember 2017 samtykti nýggju lógina um fyrisiting av sjófeingi, ið Høgni Hoydal, landsstýrismaður í fiski­ vinnu­málum, legði fyri tingi, merkti tað millum annað, at Fiski­ daga­nevndin bleiv avtikin. Fiskidaganevndin hevði ann­ars síðan 1994 veitt lands­stýris­mann­ in­um í fiskivinnumálum metingar um støðuna í botnfiskastovninum og tilmælir um fiskidagar, men við fiskivinnunýskipanini bleiv hend­ an uppgávan ikki longur mett at vera neyðug. Men um formaðurin í Føroya Fiskimannafelag fær sín vilja, so verður tað bara ein stuttur steðgur í virkseminum hjá nevndini, ið lat sítt seinasta tilmæi úr hondum fyri skjótt tveimum árum síðan. - Man skal hava í huga, at Fiski­ daganevndin alla tíðina hevur havt rættar stovnsmetingar. Tí kundu vit hugsa okkum, at hon bleiv endurstovna og møguliga styrkt við einum fakligum um­ boði úr Havstovuni. Tí Fiski­daga­ nevndin var ein nevnd, ið gjørdi eitt gott arbeiði, og hevði stovns­ met­ingar, ið reint faktiskt hildu, sig­ur fakfelagsformaðurin. - Vit halda at fiskivinnu­lóggávan má skipast av nýggjum. Vit høvdu eina kollvelting av fiskivinnuni, ið var skaðilig fyri okkara land. Tí er okkara ynski til eina nýggja samgongu, at nakrar broytingar verða framdar hesum viðvíkjandi, sigur Jan Højgaard, formaður í Føroya Fiskimannafelag, ið millum annað ynskir, at ein nýggj samgonga avtekur uppboðssøluna av fiskirættindum og knýtir loyvini aftur at skipunum