mánadagur 16. september 2019síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 16. september 2019 · Nr. 106 Fiskiskapurin eftir upsa roynist ikki Vilmund Jacobsen Hóast veðurútlitini vóru vánalig leygardagin, gekk Slaktið, sum skipað varð fyri í Tórsgøtu í Havn, nógv betri enn væntað. Bogi Andreassen sigur, at dagurin eydnaðist serstakliga væl, og her var ein rúgva av fólki. - Eins og hini árini, tá skipað hevur verið fyri Slaktinum, var fult av fólki í Tórsgøtu, og hetta gjørdist enn einaferð ein rættiligur familjudagur. Hann sigur, at tey fingu onkrar avlýsingar frá fólki, sum høvdu ætlað sær at verið við, tí veðrið var so ringt, men samanumtikið eydnaðist dagurin framúr, og hýrurin á fólki var góður. - Tað var ein stórur fyrimunur, at alt var undir taki ein slíkan dag. Men, fyri at binda um heilan fingur, tá vindurin var mestur, lukkaðu vit tað stóra tjaldið niður, tá klokkan var farin av 15. Tey smærru tjøldini vóru tó opin, til tiltakið varð liðugt klokkan 16. Bogi Andreassen sigur, at endamálið við Slaktinum er at vísa á alt tað tilfeingi, vit eiga í føroyska landbúnaðinum, og tað er ikki lítið, tá alt verður savnað á einum staði. - Hæddarpunktið er, tá kúgvin verður flett, og hetta tiltak savnar altíð nógv fólk, foreldur og børn, og soleiðis var eisini hesaferð, sigur hann. Eitt nýtt tiltak á Slaktinum hesaferð var grillaði tarvkálvurin, sum lá á grilluni í 20 tímar. Kroppurin vigaði 222 kilo, og tað vóru Sigurd Lamhauge og Tummas Pauli av Reyni, sum skipaðu fyri. - Her var nógv kjøt, og her fingu øll ein góðan bita. Hetta eydnaðist so væl, at tað verður gjørt aftur, sigur Bogi Andreassen, ið fegnast um ta stóru undirtøku, sum tiltakið í Tórsgøtu fekk, tó at veðurgudarnir ikki vóru serliga blíðir henda dagin. UNGDÓMUR: Ungdómshúsið í Sørvági letur nú upp aftur og fyrsta kvøldið, opið verður aftur, er í kvøld. Húsið er opið fyri ungum úr 4. flokki og upp til og við 18 ára aldur – sí www.sorvag.fo Erla er ársins borgari Vilmund Jacobsen Á Vestmannadøgum, sum vóru í síðstu viku, vóru nógv ymisk tiltøk. Eitt av tiltøkunum var, at Vestmanna bygdarráð fyri fimtu ferð heiðraði ein borgara, sum hevur gjørt okkurt munagott bygdini at frama. Heiðurin kann latast fyri eina einstaka serligari hending ella við at hava arbeitt fyri einari søk til frama fyri bygdina yvir eina longri tíð. Seinasta leygarmorgun varð so heiðurin latin, og hetta varð í samband við, at Vestmanna kommuna bjóðaði øllum til felags morgunmat í ítróttarhøllini. Átakið við Ársins heiðuri er skipað soleiðis, at tað eru borgararnir sjálvir, sum lata inn uppskot til bygdarráðið at velja ímillum.  Og valið hesaferð fall á Erlu Olsen (eldru), sum nú kann rópa seg Ársins borgari í Vestmanna 2019. Í grundgevingunum fyri at lata henni heiðurin, verður sagt, at Erla Olsen er ein góð fyrimynd, og saman við øðrum hevur hon í drúgt áramál tikið sær av teimum smáu í VÍF. - Erla er altíð til reiðar við undirhaldi, tá tørvur er á tí til veitslur og annað, og uttan slit hevur hon í meira enn 43 ár stjórnað einum lokalum kóri, eins og hon hevur verið við til at stovnseta eitt annað kór, sum enn er í bygdini. Lagt verður aftrat, at Erla Olsen í meira enn 40 ár hevur sitið við urguna í Vestmanna kirkju. - Øll fingu ein bita av grillaða tarvkálvinum, og hetta verður gjørt aftur, sigur Bogi Andreassen Slaktið gekk nógv betri enn væntað Peter Lund Madsen, sum er kendur danskur lækni og serlækni innan psykiatri, fer at halda fyrilestur á Vinnudegnum, har hann fer at røða um, hvussu ótrúligur mannaheilin er. Vilmund Jacobsen Flestu partrolarapør eru til fiskiskap. Øll pørini fiska upsa, men fiski­ skapurin er smáligur. Skip­ini koma inn at landa, sum henda vikan gongur. Fríggjadagin vóru bara tveir djúpvatnstrolarar til fiskiskap. Annar kem­ ur helst inn at landa fyrst í hesi vikuni, og hin landar seinni í vikuni. Á Fiskamarknaði Før­ oya vistu tey at siga, at allir teir smáu trol­bát­ ar­nir liggja við bryggju, men teir fara út aftur, nú veðrið er batnað. - Landleiðin er liðug, so nú fara trolbátarnir helst at fiska tosk og hýsu - og so nakað av flatfiski. Fríggjadagin vóru trý garna­skip til fiskiskap eftir svartkalva, og hesi skip­ini ísa øll fiskin um­ borð. Garnafiskiskapurin eftir svartkalva er smá­ ligur. - Tvey garnaskip fiska eisini havtasku. Ann­að skipið frystir fiskin umborð - og hitt ísar, leggja tey á Fiska­ marknaði Føroya aftrat. Teir smáu trolbátarnir eru nú lidnir á landleiðini og fara nú at fiska tosk og hýsu