mánadagur 16. september 2019síða 4

Mánadagur 16. september 2019 · Nr. 106 4 Sosialurin Hugskot og viðmerkingar – send sms til 225000 TÍÐINDI Árni Gregersen Tað hevur ligið í kort­ unum síðani valið 31.august, at formaðurin í Sam­bandsflokkinum fór at enda sum løg­mað­ ur, bleiv tað ein borgar­lig sam­gonga millum Fólka­ flokk­in, Sam­bands­flokk­ in og Miðflokkin. Leygardagin var tað so staðfest, at nú eitur Før­ oya løgmaður Bárður á Steeig Nielsen. Hann er fyrsti løg­ maður, sum býr í Vest­ manna og hann er fyrsti løg­maðurin úr Norð­ streymoy. Tá ið tingformaðurin eftir valið gav vest­menn­ inginum ábyrgdina at leiða samráðingarnar um nýggja samgongu, fór hann beinanvegin til hin­ar báðar borgarligu flokk­ar­nar, sum saman við Sam­bandsflokkinum mynd­aðu andstøðuna í farna valskeið. Og hóast so nógv stóð á, at hann mátti á fund við gomlu sam­gongu­ leiðararnar a Gamla Apoteki, so kom borgar­ liga samgongan í lag og Bárður Nielsen var leyg­ ar­dagin valdur til løg­ mann. Fimm ferðir valdur á ting Bárður á Steig Nielsen hevur altíð havt áhuga fyri politikki og sam­ felags­viðurskiftum, sum heild. Tað gjørdi, at nú 47 ára gamli løgmaðurin longu í 1998 stillaði upp til løgtingsvalið. Síðani tá hevur hann stillað upp fimm ferðir og er valdur hvørja ferð. Sum 31 ára gamal bleiv hann formaður í fíggjarnevndini og sein­ ni tók hann við sum landsstýrismaður við fíggjarmálum. Tað starv­ ið røkti hann frá 2004 til 2007, tá ið hann fór úr politikki. -Tað var á ongan hátt tí eg hevðihugsað um at fara úr politikki, men eg fekk boðið eitt starv, sum eg ikkihelt eg kundi siga nei til, sigur nýggi løg­ maður. Bárður Nielsen gjørd­ ist stjóri í Stórutjørn – ein fyritøka, sum hevði ætlanir um at byggja ein heilt nýggjan býling í Havn. Ætlanin bleiv ongan­tíð til nakað, tí ein fíggjar­kreppa legði fót fyri ætlanina. -Eg helt í veru­leika­ num, at eg var givin í politikki, men tá ið so val var aftur, so vaknaði tað, sum vit ofta kalla politiska basillan í mær og eg var aftur gripin av politikkinum, sigur Bárður á Steig Nielsen. Nýggjur formaður Í sjey ár sat formaðurin í Sambandsflokkinum, Kaj Leo Holm Johannesen, sum løgmaður, men tá ið tann tíðin var at enda kom­in valdi flokkurin Bárð Nielsen til nýggjan formann. Í allari sínari tíð sum politikkari – burtur­sæð í tíðini, sum lands­stýris­ maður – hevur nýggi lands­stýrismaðurin ar­ beitt annað eisini. Hann er útbugvin grann­skoðari og hevur lært hjá Ramussen og Weihe. Hann var stjóri í Stórutjørn og hann hevur verið fíggjarleiðari á Vodafone og Hey! Hendurnar eru eisini skrív­aðar rætt á og hann hevur fingist við nógv handa­ligt arbeiði. -Ja, eg arbeiddi í fleiri ár við at stoypa og smíða, men eg havi eisini veirð til skips í eitt hálvt ár – bæði við nót, troli og línu, sigur ein smílandi løg­ maður. Í Vestmanna og í ítróttar­heiminum í Før­ oyum er nýggi løg­mað­ ur­in eisini væl kendur. Hann stóð í nógv ár í mál hjá VÍF í hondbólti og hann hevur nógv FM- heitir heima. -Fleiri vunnu vit í yngru deildunum, men eg havi eisini fleiri úr bestu deildini, sigur nýggi løg­ maðurin. Men tað er ikki bert í hondbólti han hevur gjørt seg gald­andi. Hann hevur eisini í fleiri ár verið part­ur av mann­ing­ ini á 10-manna­farinum Vest­menn­ingi. -Mær dámar ómetaliga væl at rógva. Eg rógvi eisini av og á enn, men nú er tað old boys róður vit rógva, leggur hann aftur­ at. Báður Nielsen er giftur og eigur fýra børn. Formaðurin í Sambandsflokkinum situr fyri borðendanum, nú nýggja landsstýrið fer til arbeiðis BARÐUR FYRSTI LØG­ MAÐUR SUM BÝR Í VESTMANNA